Dagblaðið Vísir - DV - 20.11.2009, Qupperneq 42

42 föstudagur 20. nóvember 2009 sport
Carlo Cudicini, markvörður Tottenham, dúndraði á bíl á mótorhjóli sínu. Totten-
ham vonar auðvitað að ferill þessa snjalla knattspyrnumanns sé ekki búinn en
Cudicini brákaðist á báðum úlnliðum og meiddist einnig á mjöðm. Hann er þó
ekki fyrsti fótboltamaðurinn sem lendir í slysi á þjóðvegum Englands.
Nicklas Bendtner
Risinn í Arsenal var heppinn að sleppa lifandi
þegar hann rústaði Aston Martin-bíl sínum í
september. Bendtner var á leið á æfingu þegar
hann missti stjórn á bíl sínum sem fór í gegn-
um girðingu, lenti á tré og endaði úti á akri í
Hertfordshire skammt frá æfingasvæði Arsenal.
Bendtner gekk frá slysstað með nokkrar skrámur,
risamarblett eftir öryggisbeltið og sært stolt.
David Bentley
Maðurinn sem einu sinni var
lýst sem hinum nýja Beck-
ham en hefur nánast horfið
eftir að hafa verið keyptur til
Tottenham. Bentley dúndraði
Porsche-sportbílnum sínum á
ljósastaur og var heppinn að
geta labbað burt án þess að
fá eina einustu skrámu. Árið
2007 sagði Bentley í viðtali við
MTV: „Ég lifi á ystu brún þeg-
ar kemur að akstri. Ég á Ferr-
ari og elska að fóðra hann með
bensíni.“ Skál fyrir því.
Cristiano Ronald
Dýrasti knattspyrnumaður heims var eitt sinn á leið á æfingu hjá
Manchester United á glænýjum Ferrari-bíl sínum og leið hans
lá um undirgöng nálægt flugvellinum í Manchester. Hann gaf
bílnum aðeins of mikið inn því hann missti bílinn í spól, rann á
vegrið og dúndraði á vegg. Hann meiddist ekki neitt og mætti á
æfinguna - kom reyndar of seint og þurfti að borga sekt.
Jermaine Pennant
Einhver ótrúlegasta saga fótboltans. Pennant var í partíi hjá Arsenal og ákvað að keyra heim á Mercedes-bifreið Ashleys Cole, sem þá var samherji hans. Það heppnaðist ekki betur en svo að hann negldi niður eitt stykki ljósastaur. Pennant varð eitthvað hræddur og keyrði burt frá slysstað með ljósastaurinn í eftirdragi. Þetta vakti að sjálfsögðu eftirtekt lögreglunnar sem stoppaði Pennant skömmu síð-ar. Þegar lögreglan spurði Pennant um skilríki var svarið að hann héti Ashley Cole og hélt Pennant því lengi vel fram að hann væri í raun og veru Cole! Lögreglan trúði honum ekki og var Pennant dæmdur í þriggja mánaða fangelsi.
Tony Adams
Arsenal-menn hafa verið dugleg-
ir við að aka undir áhrifum í gegn-
um tíðina. Tony Adams barðist við
Bakkus á tíunda áratug síðustu ald-
ar en toppaði sjálfan sig þegar hann
þrumaði Ford Sierra-bíl sínum á
vegg nálægt heimili sínu 1990. Lög-
reglan kom á svæðið, lét Adams
blása og mældist magn áfengis í
blóði hans fjórum sinnum meira
en leyfilegt er. Hann var dæmdur í
tveggja mánaða fangelsi.
Diego Maradona
Maradona hefur trúlega lent í öllu
því sem fótboltamaður getur lent í
á ferlinum þannig að það þarf ekki
að koma á óvart að hann hafi lent
í bílslysi. Maradona var að keyra á
Kúbu árið 2000 þegar hann þrumaði
framan á rútu fulla af ferðamönnum.
Gæti svo sem komið fyrir hvern sem
er en það kom síðar í ljós að Mar-
adona ók á öfugum vegarhelmingi,
með öll ljós slökkt og á alltof miklum
hraða. Maradona slapp með nokkra
marbletti sem hann gat sýnt Castro.
Klaas-Jan Huntelaar
Hollenski framherjinn Klaas-Jan Huntelaar hefur ekki
átt sjö dagana sæla síðan hann gekk í raðir AC Milan
í sumar. Huntelaar varð fyrir því óláni að lenda í bíl-
slysi í Mílanó. Bifreið hans skemmdist mikið í slysinu
en Huntelaar slapp með skrámur.
Darren Fletcher
Darren Fletcher, miðjumaður Manchester United, slapp vel úr bílslysi þeg-
ar hann var á leið á æfingasvæði United á Range Rover og klessti á Audi A3.
Fletcher, sem er 23 ára, slapp ómeiddur úr slysinu en ökumaður hins bílsins
meiddist lítillega og var fluttur með sjúkrabíl á Trafford General-spítalann.
Djibril Cissé
Djibril Cissé, leikmaður Liverpool, lenti í árekstri við
merktan lögreglubíl sem var með sírenurnar í gangi.
Cisse var á leiðinni á æfingu en lögreglubíllinn var að
sinna útkalli rétt hjá Melwood, æfingasvæði Liverpool.
Hann kvartaði yfir verkjum í rifbeinum og var skoðaður
af læknum Liverpool eftir slysið. Að því loknu æfði hann
eins og ekkert hefði í skorist. Talsmaður lögreglunnar á
Merseyside segir að slysið verði rannsakað nánar.
Þungir
bensínfætur
Steven Gerrard
Herra Liverpool varð fyrir því óhappi að tíu ára
drengur hljóp í veg fyrir bíl hans og fótbrotnaði.
Gerrard var að keyra rólega á Bentley-glæsibif-
reið sinni þegar guttinn birtist allt í einu og varð
fyrir bílnum. Gerrard gerði sér ferð að sjúkrabeð
piltsins og gaf honum gríðarlega mikið af Gerr-
ard-munum.