Dagblaðið Vísir - DV - 08.10.2010, Síða 6

6 FRÉTTIR 8. október 2010 FÖSTUDAGUR
Stjórnarmenn í Verkalýðsfélag-
inu Hlíf í Hafnarfirði fóru á dögun-
um í skemmtiferð ásamt mökum til
Prag, höfuðborgar Tékklands. Félag-
ið greiddi fyrir ferðina en Kolbeinn
Gunnarsson, formaður félagsins, seg-
ir að ferðakostnaðurinn hafi verið
greiddur sem laun sem stjórnarmenn
höfðu ekki fengið greidd síðustu þrjú
ár. Kostnaður á hvern stjórnarmann
fyrir ferðina til Prag var rúmlega 90
þúsund krónur en sjö manns eiga sæti
í stjórn. Makar stjórnarmanna þurftu
hins vegar að greiða sjálfir fyrir ferðina
samkvæmt Kolbeini.
„Menn mæta hér á fundi og hafa
safnað í þessa ferð í þrjú ár með
stjórnarsetu. Menn hafa tekið þá pen-
inga sem þeir fá fyrir fundi og lagt þá
til hliðar.“ Fyrir hvern stjórnarfund
eru greiddir fjórir tímar af lágmarks-
taxta launa þannig að hver stjórnar-
maður fær um 3.600 krónur fyrir fund.
Aðspurður hvort stjórnarmenn hafi
fengið laun greidd fyrir síðustu þrjú ár
í stjórn segir Kolbeinn svo ekki vera.
„Enginn hefur innheimt þessa pen-
inga. Fólk ákvað það bara sjálft að
leggja þetta til hliðar. Þetta er búið að
vera á döfinni í þrjú ár hjá fólkinu.“
En er það viðtekin venja að menn
taki út laun fyrir stjórnarsetu á þriggja
ára fresti? „Fólk ákvað bara að leggja
þetta til hliðar. Það er til stjórnarsam-
þykkt fyrir þessu og svo ákveður fólk
bara hvað það gerir,“ segir Kolbeinn.
Um það hvort stjórnarmenn greiði
skatt af launum þegar þau eru tekin út
með þessum hætti segir hann að sjálf-
sögðu svo vera. valgeir@dv.is
Stjórnarmenn í Verkalýðsfélaginu Hlíf:
Stjórnin til útlanda
Fóru til Prag Stjórnarmenn í Verkalýðsfé-
laginu Hlíf fóru til Prag. Formaður stjórnar
segir um laun að ræða. MYND HEIÐA HELGADÓTTIR
BROTIST INN Í VERSLUN Í MIÐBÆNUM:
„Skelfilegt“
„Það er búið að brjótast inn tvisvar
á rúmri viku hjá okkur,“ segir Sigyn
Eiríksdóttir, meðeigandi Mundi’s
Boutique á Laugavegi 37. Brotist var
inn í verslunina aðfaranótt mið-
vikudags og lager hennar tæmdur.
Verslunin var
opnuð fyrir um
þremur vikum
og selur hún ís-
lenska hönnun
eftir hönnuðinn
Munda.
Sigyn segir að
brotist hafi verið
inn hjá þeim fyrir
rúmri viku og þá
hurfu tveir iPod-
spilarar og græjur með þeim. „Síðan
var brotist inn í fyrrinótt og þá var
allur lagerinn minn tekinn. Þetta er
augljóslega sama fólkið því það var
farið nákvæmlega eins inn og í fyrra
skiptið,“ segir Sigyn í samtali við DV.
Hún segir að fötin sem hurfu séu
verðmæt íslensk hönnun og ekki
nokkuð sem auðvelt sé að koma í
verð á svörtum markaði hér heima.
„Ég reikna því miður með að þetta
sé komið niður á hafnarbakka og sé
á leið úr landi.“
„Það vildi svo óheppilega til að
ég skildi eftir þessa fínu risastóru Ik-
ea-innkaupapoka sem pössuðu akk-
úrat undir allan lagerinn. Þannig að
þeir löbbuðu bara út með lagerinn
í þessum fínu pokum þarna,“ segir
Sigyn en pokana hafði hún notað við
flutninga fyrir opnunina.
Sigyn segir að fyrir fyrirtækið sé
þetta stórtjón. „Airwaves-hátíðin er í
næstu viku, jólin á næsta leiti og lag-
erinn farinn. Þetta er bara skelfilegt,
það er ekki til annað orð yfir þetta.“
Hönnuðurinn
Mundi
Fyrrverandi
landsliðsmark-
vörður í fangelsi
Hæstiréttur hefur þyngt dóm
Héraðsdóms Reykjaness yfir Ól-
afi Gottskálkssyni, fyrrverandi
landsliðsmarkverði í knattspyrnu.
Ólafur var dæmdur í tíu mán-
aða fangelsi fyrr á árinu fyrir
að ryðjast inn á heimili manns,
misþyrma honum og hafa tölvu á
brott með sér. Hæstiréttur þyngdi
dóminn í tólf mánaða fangelsi
sem er óskilorðsbundið.
Ólafur framdi brotið með öðr-
um manni en sá hlaut tólf mán-
aða fangelsisdóm. Þá var Ólafi
gert að greiða fórnarlambi sínu
skaðabætur, áfrýjunarkostnað og
málsvarnarlaun verjanda síns.
Nú fögnum við glæsilegri viðbót
í skálaflóru Útivistar með
kjötsúpuveislu helgina 15.-17 okt.
Skráning á skrifstofu Útivistar eða á www.utivist.is
Kjötsúpuveisla
í Dalakofa
Laugavegi 178 - Sími 562 1000 - utivist.is
Novator, fjárfestingafélag Björg-
ólfs Thors Björgólfssonar, borg-
aði á síðasta ári rúman milljarð
króna upp í skuld við móðurfé-
lag sitt BeeTeeBee Ltd. samkvæmt
ársreikningi félagsins fyrir árið
2009. Ársreikningnum var skilað
til ársreikningaskrár fyrir skömmu.
Móðurfélagið BeeTeeBee er skráð
á Bresku Jómfrúaeyjum, nánar til-
tekið á Tortóla. Novator á meðal
annars símafyrirtækið Nova.
Í árslok 2008 skuldaði Novator
móðurfélaginu alls 7.768 milljónir
króna. Í lok síðasta árs hafði skuld-
in við Tortólafélagið hins vegar
lækkað snarlega um 1.051 millj-
ón króna. Heildarskuldir Novators
nema um það bil 7,8 milljörðum
króna en langstærstur hluti skuld-
anna er við móðurfélagið eða um
6,7 milljarðar króna. Á öðrum stað
í ársreikningnum kemur fram að
skuld Novators við tengdan aðila
hafi lækkað um 1.051 milljón á síð-
asta ári.
Ekki liggur fyrir hvernig skuld
Novators við móðurfélagið BeeTee-
Bee er tilkomin. Ljóst er hins vegar
að meirihluti skuldarinnar er frá ár-
inu 2008 þegar skuld Novators við
BeeTeeBee jókst um meira en 5,6
milljarða króna samkvæmt ársreikn-
ingi Novators 2007. Novator er því
nú að greiða niður skuld við Tortóla-
félag sem stofnað var til árið 2008.
Milljarður greiddur af
víkjandi, vaxtalausu láni
Skuldin við Tortólafélagið er í árs-
reikningnum sögð vera vaxtalaus
og víkjandi fyrir öðrum skuld-
bindingum. Þrátt fyrir þetta borg-
aði Novator þennan rúma milljarð
upp í skuldina í fyrra á sama tíma
og stórtap var á rekstrinum.
Alls tapaði félagið 475 milljón-
um króna á síðasta ári samkvæmt
ársreikningi félagsins. Um síðustu
áramót var eigið fé félagsins nei-
kvætt um 2.566 milljónir króna
samkvæmt efnahagsreikningi. Tap
Novators var hins vegar umtalsvert
meira árið 2008 eða 1.467 milljón-
ir króna. Tekjur Novators jukust
mjög mikið árið 2009 í samanburði
við árið áður. Í fyrra voru tekjur fé-
lagsins rúmir 2,7 milljarðar króna
en árið 2008 voru tekjur þess hins
vegar 1,5 milljarðar króna. Tæp-
lega 40 prósent af tekjum Novators
á seinasta ári fóru því upp í skuld-
ina við Tortólafélagið.
Í skýrslu stjórnar segir að vegna
tapsins hafi ekki verið greidd-
ur út arður til hluthafa en Novat-
or er sem fyrr segir alfarið í eigu
Bee TeeBee Ltd. sem jafnframt er
stærsti lánveitandi félagsins. Þótt
enginn arður hafi verið greiddur til
móðurfélagsins BeeTeeBee í fyrra
fór þessi rúmi milljarður króna aft-
ur á móti til félagsins upp í skuld-
ina. Björgólfur Thor er eini hluthafi
BeeTeeBee.
Engar afborganir
Í yfirliti yfir langtímaskuldir
Novators kemur fram að félagið
skuldi ekki neitt sem það þarf að
greiða næstu fimm árin eða árin
þar á eftir. Skuldin við BeeTeeBee
er því ekki tekin þar með. Skuld-
in við BeeTeeBee er heldur ekki
í yfirliti yfir skammtímaskuldir
Novators – ekkert slíkt yfirlit yfir
skammtímaskuldir er að finna í
ársreikningnum.
Það eina sem stendur í árs-
reikningnum um afborganir af
skuldinni við BeeTeeBee er áð-
urnefnt atriði um að skuldin sé
vaxtalaus og víkjandi: „Skuld fé-
lagsins við móðurfélagið Bee-
TeeBee Ltd. að upphæð 6.718
milljónir er vaxtalaus og víkjandi
fyrir öðrum skuldbindingum fé-
lagsins.“ Enga slíka umfjöllun um
skuldina er aftur á móti að finna
í ársreikningi Novators fyrir árið
2007.
Skuldin við BeeTeeBee flokk-
ast því hvorki sem langtíma- né
skammtímalán að því er virðist,
og ekkert er tekið fram um hvern-
ig hún eigi að greiðast til baka.
Hið eina sem er vitað er að lán-
ið frá BeeTeeBee er langstærsta
skuldbinding félagsins og að það
er víkjandi og vaxtalaust. Samt
var hluti skuldarinnar greiddur til
baka í fyrra, á tapári hjá félaginu.
Novator, félag Björgólfs Thors Björgólfssonar, tapaði nærri hálfum milljarði í fyrra.
Hluti af tapinu er greiðsla á milljarði króna til Tortólafélagsins BeeTeeBee. Novator
skuldar BeeTeeBee nú nærri sjö milljarða króna en skuldaði nærri átta milljarða
árið 2008 sem þýðir að rúmur milljarður króna fór frá Novator til Tortóla í fyrra.
SENDI MILLJARÐ TIL
TORTÓLA Í FYRRA
Skuld félags-ins við móður-
félagið BeeTeeBee
Ltd. að upphæð 6.718
milljónir er vaxtalaus
og víkjandi fyrir öðrum
skuldbindingum fé-
lagsins.
Björgólfur Thor Björgólfsson Fjárfestingafélagið Novator skuldar móðurfé-
lagi á Bresku Jómfrúaeyjum 6,7 milljarða og hefur skuldin lækkað um milljarð frá
seinasta ári. Svo virðist sem hluti skuldarinnar hafi verið greiddur niður á tapári
hjá Novator.
Svar Ragnhildar Sverrisdóttur, talskonu Björgólfs Thors, við fyrirspurn DV um
lækkunina á skuldum Novators við BeeTeeBee.
,,Skuldin lækkar um einn áttunda. Hún er tilkomin vegna þess að Novator hefur
fjármagnað sig með láni frá móðurfélaginu, ekki með lánum í bönkum. Þessir
8 milljarðar hafa farið í uppbyggingu CCP, Verna og Nova. Þrjár skýringar eru á
þessari lækkun. Novator hefur selt þjónustu til móðurfélags, sinnt eignum þess
og svo framvegis. Þá seldi Novator eignir til móðurfélagsins. Novator greiddi
einnig ýmsan kostnað, svo sem lögfræði- og sérfræðikostnað. Við þessu greiðslu
skulda fór ekkert fé úr landi, enda banna lög um gjaldeyrishöft slíkt. Þá má benda
á að allar eignir Novators voru undir í skuldauppgjöri Björgólfs Thors.”
n Inntakið í orðum Ragnhildar er því að peningarnir frá Nova hafi verið notaðir
til að skuldajafna hluta skuldarinnar við BeeTeeBee og að þetta hafi verið gert
í nokkrum hlutum en ekki á einu bretti. Í ársreikningi BeeTeeBee á Tortóla er
væntanlega gerð grein fyrir þessari lækkun skuldarinnar en inntakið í lækkuninni
er ekki útskýrt í ársreikningnum.
FÉKK LÁN HJÁ MÓÐURFÉLAGINU
INGI F. VILHJÁLMSSON og
VALGEIR ÖRN RAGNARSSON
blaðamenn skrifa: ingi@dv.is og valgeir@dv.is