Dagblaðið Vísir - DV - 16.03.2012, Blaðsíða 6

6 Fréttir
Ókeypis aðstoð við framtalið
n Lögrétta, félag lögfræðinema við HR, aðstoðar framteljendur
Þ
að var mjög góð aðsókn í fyrra
og við vonum að þetta verði
jafnvel enn aðgengilegra og
meira áberandi í ár,“ segir
Sigríður Marta Harðardóttir, fram­
kvæmdastjóri Lögréttu, félags laga­
nema við Háskólann í Reykjavík.
Núna á sunnudaginn mun Lögrétta
halda árlegan skattadag í samstarfi við
KPMG, Arion banka og Mannréttinda­
ráð Reykjavíkurborgar. Þá mun fé­
lagið veita endurgjaldslausa ráðgjöf
við gerð skattframtala í Háskólanum
í Reykjavík. Auk sérfræðinga verður
pólskur túlkur á staðnum sem aðstoð­
ar pólskumælandi við gerð framtals­
ins. Sigríður Marta segir að allir séu
velkomnir og að félagið muni aðstoða
alla eftir bestu getu. „Markmiðið er að
enginn fari héðan fyrr en hann er bú­
inn að skila framtalinu.“
Ráðgjöfin verður veitt þann 18.
mars frá klukkan 11.00 til 17.00 í að­
albyggingu Háskólans í Reykjavík.
Það sem fólk þarf að hafa meðferð­
is er lykilorð og auðkennislykil til að
komast inn í heimabanka, veflykil
inn á rsk.is og verktakamiða síðasta
árs, ef við á.
Skilafrestur á skattframtali ein­
staklinga er til 22. mars en hægt er
að sækja um frest eins og áður á rsk.
is. Upplýsingar um skattadaginn á
ensku og pólsku má finna á Face­
book­síðu Lögréttu auk heimasíðu
Reykjavíkurborgar.
gunnhildur@dv.is
F
innur Sveinbjörnsson, fyrr­
verandi formaður skilanefnd­
ar Kaupþings og fyrrverandi
bankastjóri Arion banka,
segist hafa fundað með
Davíð Oddssyni seðlabankastjóra
út af FIH­bankanum danska í kjöl­
far efnahagshrunsins haustið 2008.
Seðlabankinn eignaðist veð í danska
bankanum þegar Kaupþing fékk 500
milljóna evra lán frá Seðlabankan­
um þann 6. október 2008. Lán Seðla­
bankans til Kaupþings hefur verið
gagnrýnt harkalega síðastliðin ár.
Sigurður Einarsson, fyrrverandi
stjórnarformaður Kaupþings, vís­
aði til fundarins í vitnisburði sínum
fyrir landsdómi í vikunni og sagði að
lýsingarnar af fundinum hefðu ekki
verið „fallegar“. Finnur var formað­
ur skilanefndar Kaupþings í um tvær
vikur eftir hrunið í október 2008.
Mismunandi skoðanir á FIH
Finnur segir að á fundinum hafi Seðla­
bankinn vilja leysa veðið í FIH­bank­
anum til sín. Skilanefnd Kaupþings
hafi hins vegar ekki verið á því þar sem
eigendabreyting á hlutabréfunum í
FIH hefðu getað teflt lánasamningum
danska bankans í uppnám. „Það voru
mismunandi skoðanir aðila varðandi
FIH. Hlutabréfin í FIH voru veðsett
Seðlabankanum. Hins voru vegar voru
ákvæði í lánasamningum FIH um að
þeir gætu opnast ef eigendabreytingar
yrðu á bankanum. Seðlabankinn var á
því að hann ætti að fá þessi hlutabréf
afhent en að mati skilanefndarinnar
þurfti að fara varlega vegna þessara
ákvæða í lánasamningunum.“
Finnur segir að Seðlabankinn hafi
ekki fengið það sem hann vildi, bréfin
í FIH, en að bankinn hafi fengið annað
af tveimur stjórnarsætum Kaupþings í
bankanum.
Vill ekki ræða hvað Sigurður
gerði
Fyrir landsdómi sagðist Sigurður hafa
unnið fyrir skilanefnd Kaupþings
„að sölu erlendra eigna“ á þessum
tíma. Hann hætti að vinna fyrir skila­
nefndina skömmu síðar. Þá hafði hann
skilað minnisblaði til skilanefndar­
innar um sölu þeirra eigna sem hann
vann að sölu á.
Sigurður nefndi ekki hvaða eignir
þetta hefðu verið og vill Finnur ekki
gera það heldur í ljósi bankaleyndar.
„Ég sat einn fund með Davíð. Sá fund­
ur snérist um FIH­bankann. Ég man
ekki eftir því að nafn Sigurðar Einars­
sonar hafi komið upp; að Davíð hafi
æst sig út af honum. Sigurður var að
kanna ákveðna möguleika varðandi
tilteknar eignir sem voru þá í eigu
Kaupþings.“ Finnur vill hins vegar ekki
meina að Sigurður hafi starfað fyrir
skilanefndina þar sem hann hafi ekki
þegið laun eða neitt slíkt. Ekkert varð
úr þeim möguleika sem Sigurður vann
að fyrir skilanefndina. „Það kom ekk­
ert út úr þessu,“ segir Finnur.
Sigurður neitar að ræða málið
Sigurður Einarsson neitar að ræða
málið betur við blaðamann þegar DV
slær á þráðinn til hans til London. DV
nær ekki að bera upp erindið við hann
áður en hann lokar á frekari samræð­
ur: „Ég vil ekki svara neinu um þetta.
Ég vil ekki tala við þig.“
Orðrétt sagði Sigurður fyrir lands­
dómi á mánudaginn: ,,Eftir hrunið
2008 fékk skilanefnd Kaupþings mig
til að starfa fyrir sig að sölu erlendra
eigna. Formaður skilanefndarinnar
fór svo og hitti þáverandi formann
bankaráðs Seðlabankans og það voru
ekki fallegar lýsingarnar af þeim fundi.
Þetta endaði með því að ég var látinn
hætta að vinna fyrir skilanefndina.“
Finnur segir að hugsanlega hafi
Sigurður verið að vísa til þess ágrein­
ings sem var um bréfin í FIH þegar
hann sagði að lýsingarnar af fundin­
um hefðu ekki verið fallegar. „Seðla­
bankinn var á þeirri skoðun að hann
ætti að fá afhent þessi hlutabréf og
taka við öllum réttindum og skyldum
sem þeim fylgdu. En vegna þessara
ákvæða í lánasamningunum þurfti að
fara hægar í sakirnar.“
Finnur segir að Sigurður hafi svo
hætt að vinna fyrir skilanefndina þegar
ekki gekk eftir að selja þær eignir sem
hann var að reyna að koma í verð.
Ingi Freyr Vilhjálmsson
fréttastjóri skrifar ingi@dv.is
Davíð vilDi bréf
Kaupþings í fiH
16.–18. mars 2012 Helgarblað
n Finnur fundaði með Davíð n Ekki fallegar lýsingar af fundinum
Ágreiningur um FIH Finnur Sveinbjörnsson segir að ágreiningur hafi verið milli
skilanefndar Kaupþings og Seðlabanka Íslands um danska bankann FIH.
„Ég vil
ekki
svara neinu
um þetta. Ég
vil ekki tala
við þig.
Ekki fallegar lýsingar Sigurður Einarsson sagði fyrir landsdómi í
vikunni að lýsingar Finns af fundi með Davíð Oddssyni hefðu ekki verið
fallegar. Hann sést hér yfirgefa Þjóðmenningarhúsið á mánudag.
Dæmdur fyrir 13 brot:
Sviptur öku-
leyfi í fimm ár
Tvítugur karlmaður hefur verið
dæmdur í sjö mánaða fangelsi og til
ökuleyfissviptingar í fimm ár fyrir
ítrekaðan þjófnað og umferðarlaga­
brot. Dómurinn var kveðinn upp í
Héraðsdómi Reykjavíkur í vikunni.
Maðurinn var ákærður fyrir
þrettán brot sem hann framdi á
tæpu ári en hann gekkst við þeim
öllum. Hafði hann gerst sekur
um að aka bifreið undir áhrifum
kannabisefna og örvandi efna, en
hann var stöðvaður sjö sinnum
af lögreglunni vegna akstur undir
áhrifum vímuefna. Hann hafði
einnig brotið af sér með því að flýja
af vettvangi eftir að hafa ekið á kyrr­
stæða bifreið í Kópavogi. Þá hafði
hann einnig gerst sekur um að aka
óskráðri bifreið.
Þá stal hann fartölvu af tann­
læknastofu í Kópavogi, kjúklinga­
bringum í verslun í Kópavogi og
gerðist hann einnig sekur um að
aka bíl sem hann átti ekki, í leyfis­
leysi. Manninum var gert að greiða
lögfræðingi sínum rúmar tvö
hundruð þúsund krónur í máls­
kostnað og rúmar 640 þúsund í
sakarkostnað.
Fyrst kvenna
formaður SI
Svana Helen Björnsdóttir var kjör­
in formaður Samtaka iðnaðarins á
aðalfundi samtakanna á fimmtu­
dag. Þetta er í fyrsta sinn sem kona
gegnir embætti formanns. Í stjórn­
ina voru endurkjörin Bolli Árna­
son, GT tækni ehf., Sigsteinn P.
Grétarsson, Marel hf., og Vilborg
Einarsdóttir, Mentor ehf.
Fyrir í stjórn samtakanna eru
Andri Þór Guðmundsson, Ölgerð­
inni Agli Skallagrímssyni ehf.,
Guðrún Hafsteinsdóttir, Kjörís
ehf., Kolbeinn Kolbeinsson, Ístaki
hf., og Tómas Már Sigurðsson, Al­
coa Fjarðaáli.
Skeifunni 8 • 108 Reykjavík • Sími: 517-6460
www.belladonna.is
FULL BÚÐ
af flottum
fötum fyrir
flottar konur
Stærðir 40-60
Framkvæmdaráð Lögréttu Sigríður Marta, Klara Briem, Sunna Elvira og Elísabet
Aagot. Á myndina vantar Sif Steingrímsdóttur.