Dagblaðið Vísir - DV - 16.03.2012, Side 29

Dómstóll götunnar
Þetta var hræði-
leg reynsla
Ég sakna ekki
sveitaballanna
María Birta var hætt komin vegna ofreynslu. – VikanTónlistarmaðurinn Valur Heiðar segist of gamall fyrir sveitaböllin. – DV
„Ég bara veit það ekki.“
Þóra Birna Gísladóttir
25 ára starfar á leikskóla
„Ef þeir fengju meiri stuðning frá
ríkinu þá held ég þeir gætu gert
hvað sem er.“
Pálmi Gunnlaugur Hjaltason
26 ára tónlistarmaður
„Nei, ég held ekki. Ég held hún sé
of fámenn eins og stendur.“
Hrafnkell Helgi Helgason
34 ára bankastarfsmaður
„Nei, örugglega ekki.“
Tómas Davíð Tómasson
17 ára nemi í MH
„Nei, mér finnst glæpagengin
vera komin á efra stig en löggan í
sambandi við ofbeldi og svona.“
Sigurður Óskarsson
18 ára nemi
Ræður lögreglan
við glæpagengin?
Hið sanna sakleysi
E
inhverju sinni var mér sögð saga
sem ég þreytist aldrei á að endur-
segja. En það ku hafa gerst í ein-
hverju krummaskuðinu að menn
voru að leiða lömb til slátrunar að
hausti. Og þannig á að hafa háttað til
að blessuð litlu lömbin þurftu að fara
upp einhvern afgirtan ramp sem lá að
dyrum. Inn um þessar dyr var lömbun-
um ætlað að rata. En nokkur lambanna
náðu einhvern veginn í ósköpunum að
komast af leið með því að troða sér um
rifu sem var á grindverkinu sem leiðina
afmarkaði. Bóndi einn, sem var orðinn
þreyttur á að þurfa að eltast við skepn-
urnar sem út höfðu sloppið, sagði við
aðra bændur sem þarna voru: -Mikið
óskaplega eru nú rollurnar skelfilega
heimskar. Hérna koma þessi kvikindi
til slátrunar, ár eftir ár og ár eftir ár. En
aldrei ætlar þeim að takast að rata upp
rampinn.
Þessa dagana erum við að verða
vitni að því að menn eru leiddir til yfir-
heyrslu í því máli sem kallað er Stóra-
Geirsmálið. Og núna segja brandara-
karlarnir að verið sé að sýna vesalingana
í Þjóðmenningarhúsinu en Vesalingana
í Þjóðleikhúsinu.
Ég hef að vísu ekkert fylgst með
sýningunni í Þjóðmenningarhúsinu en
mér skilst að þar segi hver maður sinn
sannleika, jafnvel þótt engum þeirra
hafi tekist að segja sannleika sem líkist
sannleika einhvers hinna. En svona er
víst lífið í dag; menn eru leiddir fyrir rétt
og þeir komast einhvern veginn í ósköp-
unum upp með það að finna leið hjá
dyrum réttlætisins. Sumum þeirra hefur
meira að segja tekist að koma fram með
sannleika og mynd af raunveruleikan-
um sem engum öðrum tókst að upplifa.
Mér er tjáð að maður, sem núna annast
blaðburð hjá LÍÚ-tíðindum en var áður
alvöru fígúra og innsti koppur í búri
bankamála, hafi sagt þann sannleika í
Þjóðmenningarhúsinu að hann hefði á
sínum tíma varað við hruni bankanna.
Og ekki ætla ég að efast um þann sann-
leika. Ég vil að vísu bæta við þeim sann-
leika að sami maður lánaði einum af
þessum bönkum nokkur hundruð millj-
arða úr sjóðum Seðlabankans nokkru
eftir að hann „varaði“ við hruni þessa
sama banka. Kannski fóru þeir peningar
í það eitt að styrkja útgerðina í landinu,
svo það mætti verða til þess að útgerðin
gæti styrkt LÍÚ-tíðindi, ef það mætti svo
verða til þess að blaðinu mætti takast
að segja þjóðinni allan sannleikann um
gjafakvótann.
Stundum segja menn svo margar
tegundir af sannleika að maður efast
um að það sé til svo mikið sem eitt
ósatt orð í okkar yndislegu veröld.
Að ljúga það er leikur einn
sem lætur vel í munni
en þjakar einsog þungur steinn
og þraut á samviskunni.
Svartsengi Það getur orðið draugalegt um að litast við jarðvarmavirkjunina í Svartsengi í grennd við Grindavík, þegar ljósin frá virkjuninni lýsa upp gufurnar í vetrarmyrkrinu.
Mynd: Sigtryggur Ari JóhAnnSSonMyndin
Umræða 29helgarblað 16.–18. mars 2012
1 Ella Dís greind með genagalla Dómur fellur í máli Rögnu í London í
vikunni .
2 Egill veikur: „Getur ekki hugsað heila hugsun“ Egill
Helgason skrifaði að hann gæti ekki
einbeitt sér að neinu eftir að pestin
helltist yfir hann.
3 „Stórir strákar sem fíla litlar stelpur“ Geiri á Goldfinger var
skráður í umdeildan Facebook-hóp án
sinnar vitneskju.
4 Geir fékk synjun á kortið í matsölu Þjóðmenningarhúss-
ins Kjartan Gunnarsson, fyrrverandi
framkvæmdastjóri Sjálfstæðis-
flokksins, var fljótur að bregðast við og
rétti þúsund króna seðil að Geir.
5 Fórnarlamb sýruárásar tekst á við kvalara sinn í réttarsal
„Ég vonast til að sannfæra réttinn um
að hann ætlaði sér að myrða mig“
6 Fríkirkjan logar: Flúði undan Hirti „Þetta voru svona persónulegar
árásir,“ segir Ása Björk Ólafsdóttir
prestur.
7 Léttist um 44 kíló eftir að kærastan hélt framhjá Jonny
Laidler var 127 kíló þegar kærastan
sagði honum upp en síðan hefur hann
létt sig um 44 kíló og unnið fyrir-
sætukeppni.
Mest lesið á DV.is
Þetta er náttúru-
lega hið versta mál
Breki Karlsson lýsir fríum smálánum eins og fyrstu dópsprautunni. – DV
Skáldið skrifar
Kristján Hreinsson
Styrkur höfðingi ofsóttur
S
á hræðilegi atburður gerðist
á dögunum að starfsmaður
Landsbankans missti eitthvað
af vitinu og lak gögnum um við-
skiptabrall Guðlaugs Þórs Þórðarson-
ar þingmanns. Uppi er grunur um að
sjálfur forstjóri Fjármálaeftirlitsins hafi
verið með í ráðum. Þarna var um að
ræða kaup þingmannsins á fyrirtæki
af einum banka og sölu fyrirtækisins
til annars banka. Græddi þingmaður-
inn núverandi nokkuð á þessu. Guð-
laugur Þór nýtur gríðarlegs trausts,
sérstaklega í viðskiptaheiminum. Þetta
hefur komið einstaklega vel fram þegar
hann hefur tekið þátt í prófkjörum og
styrkirnir hafa hrúgast inn þannig að
úr varð Íslandsmet. Allir vildu styrkja
Guðlaug sem enda felldi ættarlaukinn
Björn Bjarnason og kom honum út úr
pólitík.
Fjandvinir Guðlaugs hafa uppnefnt
hann styrkjahöfðingjann fyrir vikið.
Svarthöfði segir aftur á móti að sá titill
sé í senn lýsandi og sterkur. Guðlaugur
er höfðingi á velli og í lundu og í hon-
um býr styrkur. Það kom glöggt fram
þegar hann stóð þráðbeinn í baki með
tár á hvarmi og lýsti því hve ömurlegt
væri að upplifa að njósnað væri um
hann. Hann var eins og engill á þeirri
stundu.
Sá skepnuskapur sem átti
sér stað þegar gögnum var
lekið um hinn styrka höfð-
ingja er óforsvaranlegur.
Enda hafa meðvitaðir fjöl-
miðlar tekið á sprett til að
elta uppi þá sem láku gögnum.
Fréttablaðið er á fleygiferð á
eftir heimildarmönnunum líkt og
blessaður Mogginn sem auð vitað
vill ekki að viðkvæm bankagögn um
ritstjórann lendi á glámbekk. Af-
þreyingarmiðillinn Pressan er
á sömu slóðum. Það er reynd-
ar full ástæða fyrir þá pótin-
táta sem þar vinna að þagga
niður einkamálin. Sjálfur
höfuðpaurinn, Björn Ingi
Hrafnsson, átti Caramba,
einkahlutafélagið sem
brúaði bilið á milli viðskipta og stjórn-
mála og jók lífsgæði eiganda síns. Fé-
lagið er komið í þrot og málefni þess
eru best geymd í lánabókum bankanna.
Íslenskir fjölmiðlar skilja ákaflega
vel að sumt er best geymt í myrkrinu.
Allt líf almennings verður miklu ein-
faldara þegar ekki er verið að flækja
það með leyndarmálum sem væru
best geymd í fortíðinni. Þess vegna
er svo fallegt að sjá samtakamáttinn
birtast í fordæmingunni á þeim sem
leka fréttum. Þar ganga saman, hönd
í hönd, Óðinn Jónsson, fréttastjóri
Ríkisútvarpsins, Davíð Oddsson, rit-
stjóri Morgunblaðsins, og Björn Ingi
Hrafnsson, eigandi Pressunnar og Eyj-
unnar. Þeir vita allir sem er að myrkrið
er gott og það lætur óþægilega hluti
hverfa.
Ofsóknirnar og árás-
irnar á styrka höfðingj-
ann Guðlaug undirstrika
að sumt á ekkert erindi í
dagsljósið. Til hamingju
Íslendingar. Fjölmiðlar
ykkar eru frábærir. Þeir vita
að það er nauðsynlegt að drepa
heimildarmenn svo myrkrið fái
að njóta sín á kostnað ljóssins.
Framtíð okkar sem þjóðar er
björt. Við munum rangla um
nýja Ísland í þeirri forheimsku
sem tryggir hamingju hins
einfalda.
Svarthöfði