Dagblaðið Vísir - DV - 16.03.2012, Blaðsíða 26

Þ
etta verður sorglegur dagur
en jafnframt mjög áhuga-
verður. Þarna mun nýr kafli
hefjast í lífi mínu og ég er til-
búinn,“ segir Don Sammons,
íbúi í smábænum Buford í Wyom-
ing í Bandaríkjunum. Don Sammons
er raunar eini íbúi þessa litla bæjar
sem eitt sinn taldi tvö þúsund íbúa.
Nú hefur Sammons ákveðið að flytja
burt og mun uppboðsfyrirtækið
Williams & Williams bjóða allar fast-
eignirnar í Buford upp. Uppboðið fer
fram þann 5. apríl næstkomandi.
Forseti kom í heimsókn
Bærinn Buford var byggður árið 1866
fyrir verkamenn sem unnu við að
leggja járnbrautarteina skammt frá.
Um var að ræða mikið verk og þegar
mest var bjuggu tvö þúsund manns
í bænum. Saga þessa bæjar er fyr-
ir margt merkileg. Þetta er næstelsti
bær Wyoming og árið 1869 heimsótti
Ulysses S. Grant, sem þá var forseti
Bandaríkjanna, bæinn. Og nokkrum
árum síðar framdi hinn frægi útlagi,
Butch Cassidy, vopnað rán í verslun
í Buford. Hann náðist stuttu síðar og
afplánaði dóm í fangelsi skammt frá.
Íbúum Buford fór fækkandi þegar
nýir járnbrautarteinar voru lagðir og
bærinn varð ekki lengur í alfaraleið.
Bærinn fór ekki í eyði þrátt fyrir að
íbúum hafi fækkað hægt og bítandi
undanfarna áratugi.
Bréf frá öllum heimshornum
„Þetta var frábær tími fyrir mig og
fjölskyldu mína,“ segir Sammons í
viðtali við Wyoming News. Árið 1980
yfirgaf Sammons stórborgina Los
Angeles ásamt fjölskyldu sinni til
að gerast kaupmaður í Buford. Árið
1992 keypti hann verslun en á sama
tíma tíndust íbúar, þar á meðal börn
hans, burt úr bænum. Sammons rak
verslunina allt til loka síðasta árs er
hann sá sig tilneyddan að loka. Eng-
inn íbúi var eftir í bænum til að hann
gæti haldið starfseminni gangandi.
Þó svo að lífið hafi verið heldur
einmanalegt fyrir Sammons undan-
farin misseri hefur bærinn, og þar
með Sammons, öðlast talsverða
frægð. Fjallað hefur verið um bæinn
í bandarísku sjónvarpi og Sammons
hefur fengið bréf frá öllum heims-
hornum þar fólk lýsir undrun sinni á
stöðu hans. „Fólk er undrandi á þeirri
staðreynd að það sé til bær með ein-
ungis einum íbúa,“ segir hann. Þann-
ig hefur hann fengið bréf frá Úkraínu,
Rússlandi og Kína og eitt frá Kostaríka
sem var æði sérstakt. „Það var frá fjöl-
skyldu sem bjó í spýtukofa.“
Amy Bates sér um uppboðið fyr-
ir hönd Williams & Williams og seg-
ir hún að um einstakt tækifæri sé að
ræða enda geti íbúum aðeins fjölgað,
eðli málsins samkvæmt. Lágmarks-
tilboð í bæinn er hundrað þúsund
dalir, eða 12,7 milljónir króna. „Það
munu margir sýna þessu áhuga,“
segir hún að lokum.
26 Erlent 16.–18. mars 2012 Helgarblað
Útiloka ekki hjartaáfall
n Rannsókn á hörmulegu rútuslysi í Sviss í fullum gangi
E
kki er útilokað ökumaður rútu
sem ók á vegg í neðanjarðar-
göngum í Sviss á þriðjudags-
kvöld hafi fengið hjartaáfall
undir stýri. Tuttugu og átta, þar af
tuttugu og tvö börn, létust í slysinu.
Börnin höfðu verið í skíðaferð í Sviss
og voru á heimleið til Belgíu þegar
slysið varð. Fimmtíu og tveir farþeg-
ar voru í rútunni og slösuðust margir
alvarlega.
Saksóknarar hafa útilokað að
hraðakstur hafi orsakað slysið en
sem fyrr segir er ekki útilokað að öku-
maðurinn hafi fengið hjartaáfall eða
aðsvif. Aðstæður til aksturs þar sem
slysið varð voru góðar; veðrið var
ágætt og umferð tiltölulega lítil. Tveir
ökumenn voru í rútunni og skiptust
þeir á að aka. Þeir létust báðir í slys-
inu. Slysið varð einungis 45 mínútum
eftir að rútan lagði af stað til Belgíu.
Olivier Elsig, svissneskur saksókn-
ari sem fer með rannsókn málsins,
segir að þrjár hugsanlegar ástæður
geti verið fyrir slysinu. „Í fyrsta lagi
tæknileg vandamál, í öðru lagi heilsa
ökumanns og í þriðja lagi mistök öku-
manns,“ er haft eftir honum í vefútgáfu
breska blaðsins The Telegraph.
Tólf ára stúlka sem komst lífs af úr
slysinu segist hafa heyrt hvell áður en
rútan kastaðist á vegg með hörmuleg-
um afleiðingum. Stúlkan handleggs-
brotnaði og fótbrotnaði á báðum fót-
um.
Kona, Marielle, sem kom að slys-
inu segir að aðstæður á vettvangi hafi
verið skelfilegar. „Það var blóð úti um
allt. Þetta var skelfilegt og ef þetta
hefðu verið börnin mín veit ég ekki
hvað ég hefði gert.“
Ruslfæði
minnkar
gæði sæðis
Karlmenn sem borða mat sem
inniheldur mikið af mettaðri fitu
framleiða lakara sæði en karl-
ar sem innbyrða betri fitu. Þetta
er meðal þess sem kemur fram í
niðurstöðum rannsóknar sem vís-
indamenn við Harvard-háskóla í
Bandaríkjunum birtu fyrir í tíma-
ritinu Human Reproduction.
99 karlar tóku þátt í rannsókn-
inni sem stóð yfir í fjögur ár. Vel var
fylgst með mataræði mannanna
og þá voru sæðissýni tekin reglu-
lega. Niðurstöðurnar voru þær að
gæði sæðis þeirra sem innbyrtu
ruslfæði voru minni en þeirra sem
innbyrtu hollari mat, til dæmis fisk
sem inniheldur mikið af Omega-3
fitusýrum. Sæðisfrumur hjá þeim
innbyrtu óhollasta matinn voru 43
prósentum færri en hjá þeim sem
borðuðu hollasta matinn og þá var
hreyfanleiki sæðisfrumanna mun
minni.
Jill Attaman, prófessor við Har-
vard-háskóla, leiddi rannsóknina
og segir hún við BBC að þó tengsl-
in virðist ljós sé þörf á frekari rann-
sóknum.
Ölvaður stökk
fram af brú
Hinn 44 ára Thomas Robert Har-
ter gerðist ansi djarfur þegar hann
var stöðvaður fyrir ölvunarakstur
í New Orleans á dögunum. Lög-
regla hafði fengið tilkynningu
um óvenjulegt aksturslag og var
Thomas stöðvaður í kjölfarið. Þeg-
ar lögregla ræddi við hann fyrir
utan bifreið hans vaknaði grunur
um að hann væri ölvaður. Þegar
hann var beðinn um að blása í
mæli brást hann við með því að
hlaupa í burtu og stökkva fram af
brú sem var skammt frá. Thomas
komst í land af sjálfsdáðum en
var of þrekaður til að hlaupa lög-
reglu af sér. Hann var því handtek-
inn og ákærður fyrir akstur undir
áhrifum áfengis – í áttunda skiptið
á ævi sinni.
Hættur
að stækka
Sultan Kosen, sem er hæsti maður
heims samkvæmt heimsmeta-
bók Guinness, er loksins hættur
að stækka. Kosen, sem er 29 ára
Tyrki, er hvorki meira né minna
en 2,51 metrar.
Kosen hefur þjáðst af svoköll-
uðum æsavexti sem lýsir sér í því
að líkaminn framleiðir allt of mik-
ið af vaxtarhormónum. Hann fór
í meðferð við sjúkdómnum árið
2010 og hefur hún nú borið árang-
ur. „Við erum mjög ánægð með
að hafa hjálpað Sultan. Ef hann
hefði haldið áfram að stækka hefði
ástand hans orðið lífshættulegt,“
segir Jason Sheehan taugaskurð-
læknir sem meðhöndlaði Sultan.
n Smábær í Bandaríkjunum verður seldur á uppboði
Síðasti íbúinn
er fluttur burt
„Það munu margir
sýna þessu áhuga.
Þetta verður selt
n Verslunarhúsnæði
n Bensínstöð
n Pósthúsið
n Fjarskiptamastur
n Fimm byggingar, þar á meðal þriggja
herbergja íbúð.
n Skólabygging sem var byggð árið 1905
n Bílskúr og verkfærageymsla
n Tíu ekra land
n Stórt bílastæði
Einar Þór Sigurðsson
blaðamaður skrifar einar@dv.is
Á uppboð Sjoppan og bensínstöðin á myndinni verða seld á uppboði þann 5. apríl næstkomandi.
Hræðilegar aðstæður Aðstæður á slysstað voru skelfilegar. Rannsókn beinist meðal
annars að því hvort ökumaðurinn hafi fengið hjartaáfall. Mynd ReuteRS
Sá síðasti Don Sam-
mons stendur hér við
skilti í Buford þar sem sjá
má íbúafjölda bæjarins.
Sammons hefur yfirgefið
bæinn og er enginn eftir.