Dagblaðið Vísir - DV - 08.06.2012, Qupperneq 12

12 Fréttir 8.–10. júní 2012 Helgarblað
Meðal þaulsætnustu
þjóðarleiðtoga heims
Ó
lafur Ragnar Grímsson, for-
seti Íslands er í 21. sæti yfir
þá þjóðarleiðtoga heims
sem hafa setið lengst að
völdum. Á listanum er ekki
að finna kóngafólk sem fær völd sín
í arf og ríkir til dauðadags. Þar er
hins vegar að finna einræðisherra
Afríku- og Mið-Asíuríkja.
Aðeins þjóðarleiðtogar tveggja
Evrópuþjóða – Lúxemborgar og
Hvíta-Rússlands – hafa setið lengur
að völdum en Ólafur Ragnar, sem
hefur verið forseti Íslands í tæp 16
ár. Enginn lýðræðislega kjörinn
þjóðarleiðtogi Evrópu, eða annarra
vestrænna ríkja hefur nú setið að
völdum í 20 ár líkt og Ólafur Ragn-
ar sækist eftir að gera. Sé miðað við
nýjustu skoðanakannanir, þar sem
Ólafur Ragnar mælist með yfir-
burðafylgi, má gera ráð fyrir því að
hann muni á næstu árum komast
enn ofar á þennan lista.
Það er fróðlegt að skoða stöðu
lýðræðis í þeim löndum þar sem
þjóðarleiðtogar eru sérlega þaul-
sætnir. Ísland er í öðru sæti á lista
tímaritsins The Economist yfir
þau lönd í heiminum þar sem lýð-
ræði er raunverulegt og virkt. Lang-
flest hinna ríkjanna, sem eiga þaul-
sætna leiðtoga, búa hins vegar við
gjörólíkt stjórnarfar en Íslendingar.
Kamerún, þar sem þaulsætnasti
þjóðarleiðtogi heims, Paul Biya,
hefur ríkt í 37 ár er í 131. sæti yfir
virkasta lýðræði heims. Ekkert
þeirra ríkja þar sem 10 þaulsætn-
ustu þjóðarleiðtogar heims sitja að
völdum, kemst ofar en í 100. sæti
á lýðræðislistanum. Þessi ríki eiga
það sameiginlegt að kosningar þar
geta ekki talist frjálsar og að þjóð-
in getur ekki skipt um valdhafa án
byltingar.
Í aðeins einu lýðræðisríki í
heimi hefur lýðræðislega kjör-
inn þjóðarleiðtogi setið lengur en
Ólafur Ragnar, en það Jean-Claude
Juncker, forseti Lúxemborgar, sem
hefur ríkt í rúm 17 ár. Af 25 þaul-
sætnustu þjóðarleiðtogum heims
skera þeir tveir sig því alveg úr. n
Valgeir Örn Ragnarsson
blaðamaður skrifar valgeir@dv.is
Þaulsætnustu þjóðarleiðtogar heims
1 Paul Biya Kamerún, 36 ár, 343 dagar
7 Hun Sen Kambódía, 27 ár, 145 dagar
13 Idriss Déby Tsjad, 21 ár, 188 dagar
19 Jean-Claude Juncker Lúxemborg, 17 ár, 139 dagar
2 Mohamed Abdelaziz Vestur-Sahara 35 ár, 282 dagar
8 Yoweri Museveni Úganda, 26 ár, 133 dagar
14 Meles Zenawi Eþíópía, 21 ár, 10 dagar
20 Denzil Douglas Skt. Kitts og Nevis , 16 ár, 336 dagar
3 Teodoro O. N. Mbasogo M-Gínea, 32 ár, 309 dagar
9 Blaise Compaoré Búrkína Fasó, 24 ár, 236 dagar
15 Emomalii Rahmon Tadsjikistan, 19 ár, 201 dagar
22 Denis Sassou Nguesso Kongó, 14 ár, 236 dagar
4 José Eduardo dos Santos Angóla, 32 ár, 271 dagur
10 Nursultan Nazarbayev Kasakstan, 22 ár, 351 dagar
16 Isaias Afewerki Erítrea, 19 ár, 14 dagar
23 Pakalitha Mosisili Lesótó, 14 ár, 9 dagar
5 Robert Mugabe Simbabve, 32 ár, 50 dagar
11 Islam Karimov Úsbekistan, 22 ár, 350 dagar
17 Alexander Lukashenko H-Rússland, 17 ár, 323 dagar
24 Tuilaepa A. S. Malielegaoi Samóa, 13 ár, 197 dagar
6 Ali Khamenei Íran, 30 ár, 238 dagar
12 Omar al-Bashir Súdan, 22 ár, 343 dagar
18 Yahya Jammeh Gambía, 17 ár, 321 dagar
25 Hugo Chávez Venesúela, 13 ár, 126 dagar
21 Ólafur Ragnar Grímsson
Ísland, 15 ár, 311 dagar
„Þessi ríki
eiga það
sameiginlegt að
kosningar þar geta
ekki talist frjálsar
n Ólafur Ragnar hefur setið lengur en allir aðrir lýðræðislega kjörnir nema einn