Dagblaðið Vísir - DV - 22.06.2012, Blaðsíða 25

Viðtal 25Helgarblað 22.–24. júní 2012
„AuðvitAð vAr þettA hryllilegt“
fyrst við komuna á deildina þrátt fyr­
ir að hafa virst vera með meðvitund.
Eftir aðhlynningu vaknaði hún upp
og skýrði frá því hvernig henni hefði
verið misþyrmt. Þar segir hún að þrír
aðilar hafi ruðst fyrirvaralaust inn til
sín, hún hafi verið slegin í líkamann
með kylfu og það hafi verið sparkað í
kvið, mjaðmagrind og klof hennar. Þá
lýsti hún einnig kynferðisbroti gegn
sér. Síðar þegar hún vaknaði upp lýsti
hún tilraun árásarmanna til að klippa
af sér fingur. Við skoðun voru sjáan­
legir áverkar í andliti og höfði ásamt
skallablettum í hársverði. Og að
tveggja sentimetra alldjúpur skurður
hafi verið á vísifingri hægri handar.
Hún hlaut heilahristing, mar og yfir­
borðsáverka á höfði, mar á hálsi, mar
á öxl og upphandlegg, sár á fingri,
tognun í lendhrygg, brjósthrygg og
hálshrygg í árásinni. Hún segir þau
hafa misþyrmt sér, sparkað í sig og
lamið og hún látin taka inn ólyfjan.
Einnig hafi einn árásarmannanna far­
ið inn undir buxur hennar, sett fingur
upp í endaþarm og leggöng og klip­
ið þar á milli en á meðan hafi hinir
árásarmennirnir haldið henni fastri.
Sjúkraskýrsla staðfestir einkenni á
kynfærum og í kringum endaþarm og
hún hafi verið ofurviðkvæm á þessu
svæði við skoðun.
Með skallabletti
„Auðvitað var þetta hryllilegt,“ segir
Berglind sem endurupplifir árásina
oft. Hún hefur verið haldin kvíða eftir
hana og vantreystir fólki.
Aðkoma sjúkraflutningamanna
og lögreglu að íbúðinni var óhuggu­
leg. Blóð og hárlokkar úr Berglindi
voru þar á víð og dreif. Hár hennar
var rifið eða skorið af og Berglind
er með skallabletti síðan sem óvíst
er að lagist nokkurn tímann. „Það
er kvikindislegt hvernig hún skar
eða reif af mér hárið. Þessu fylgdi
mikill sársauki,“ segir Berglind. Hún
sýnir blaðamanni skallablettina því
til sönnunar. „Ég var loksins komin
aftur með sítt hár eftir að ég fékk
krabbameinið og hún vissi það,“ segir
hún en fyrir nokkrum árum greindist
hún með krabbamein í móðurlífi og
undirgekkst lyfjameðferðir vegna
þess og missti hárið. Hún segir óvíst
að skallablettirnir muni jafna sig og
eyðir tíma á hverjum degi í að fela
blettina með hárlengingum og sér­
stöku dufti.
Á hvergi heima
Eftir árásina hefur Berglind að sögn
unnið í sjálfri sér, tekið líf sitt föstum
tökum og reynt eftir bestu getu að
stýra því í rétta átt. Það hefur ekki ver­
ið auðvelt en hún ætlar ekki að gef­
ast upp. „Þetta er búið að vera mjög
erfitt, ég lýg því ekki. En ég er bjartsýn
og ég ætla mér að komast yfir þetta.
Mér finnst eins og fleiri séu byrjað­
ir að þora standa með mér og veita
mér stuðning,“ segir Berglind. Þegar
hún sagði frá líðan sinni eftir árásina
í DV fyrir um mánuði síðan þá talaði
hún um að fólk þyrði ekki að vera í
kringum hana og hún vildi ekki gera
fólki það að vita hvar hún væri. Hún
segir að þetta sé lítið breytt í dag þó
að vissulega hafi það hjálpað að stíga
fram ­ fleiri sjá að þeir geta talað við
hana en þó séu enn margir hræddir
og finnist þeir ekki óhultir í kringum
hana. „Það er enginn kjarni í kring­
um mig eða þannig. Fólk er hrætt við
að lenda í einhverju mín vegna. Þetta
er bara of mikið og ég á hvergi heima.
Nema hjá fólki á launum, fagfólki sem
vinnur hjá ríkinu,“ segir Berglind.
Trúin skiptir máli
Hún ákvað eftir árásina að taka líf
sitt í gegn og þiggja alla þá hjálp sem
hún gat fengið. „Ég hef fengið hjálp
frá færasta fagfólki og þetta er í fyrsta
sinn sem ég hunsa ekki þá hjálp sem
ég fæ. Ég hef gert það áður þegar ég
hef þurft hjálp en núna ákvað ég að
þiggja alla þá hjálp sem mér byðist og
hef verið algjörlega á fyrsta farrými í
því,“ segir hún.
Berglind segist leita hjálpar í trúnni
og hún hafi einnig fengið góða hjálp í
AA­samtökunum. „Þetta er svona svo­
lítið mitt. Trúin skiptir mig miklu máli
og ég veit ekki hvar ég væri ef ég hefði
hana ekki.“
Hafa aldrei sýnt eftirsjá
Hún segist vera orðin sáttari í sál sinni
þó að hún sé ekki búin að fyrirgefa
árásina. „Það komu tímar þar sem
ég varð rosalega meðvirk og hugs­
aði: Greyið þau, nú eru þau í fang­
elsi og eitthvað svona. Þá var mér sýnt
hvernig þau höfðu skipulagt þetta og
ég bara trúði því varla og hlutirnir
sem þau voru að segja um mig voru
svo klikkaðir og ljótir. En ég er búin að
hugsa þetta fram og til baka og búin
að kryfja þetta til mergjar. Þau hafa
heldur aldrei sýnt neina eftirsjá. Það
hefði bara breytt heilmiklu ef þessi
fyrrum vinkona mín hefði sýnt ein­
hverja eftirsjá en það gerðist ekki,“
segir hún.
Berglind ber sig vel og segist ætla
að reyna lifa með því sem gerðist og
segist þurfa að sætta sig við orðinn
hlut þó hún hafi alls ekki fyrirgefið.
Enda mun hún þurfa að eiga við af­
leiðingar árásinnar lengi, jafnvel alla
ævi. „Ég er sáttari við þetta en svo
er það í höndum framtíðarinnar og
heimsins hvað gerist.“
„Það er enginn
kjarni í kringum
mig þannig. Fólk er hrætt
við að lenda í einhverju
mín vegna.
Varð fyrir tveimur árásum Berglind varð fyrir tveimur árásum. Í þeirra seinni var hún rotuð, dregin í baksæti bíls og svo hent út við bílaplanið við Borgarspítalann í 9 stiga frosti. Þar
lá hún á planinu í klukkustund áður en hún fannst.Mynd: SigTryggur Ari JóHAnnSon Á
rásin átti sér stað þann 22.
desember síðastliðinn og
þótti sérlega hrottaleg. Þau
Andrea, Jón og Elías réðust
inn á heimili Berglindar en
Óttar sem bjó með henni í íbúðinni
og hafði þess vegna lykil, hleypti
þeim inn. Þegar inn var komið réð­
ust þau á Berglindi og misþyrmdu
henni gróflega og eiga meðal
annars að hafa reynt að klippa af
henni fingur.
Árásin var tilkynnt til lög­
reglunnar aðfaranótt 22. desember.
Tilkynnt var um slagsmál í tilteknu
húsi og að einn væri meðvitundar­
laus. Þegar lögregla kom á staðinn
blasti við henni skelfileg sýn, konan
lá meðvitundarlaus á gólfinu. Að­
koman í íbúðinni var hrikaleg, blóð
og hárlokkar úr konunni voru á víð
og dreif um íbúðina. Fórnar lambið
lýsti því fyrir lögreglu að þrír aðilar
hefðu ruðst inn á heimili hennar og
ýtt vini þess sem var gestkomandi
út úr íbúðinni og læst. Andrea, sem
hafði átt í deilum við fórnarlambið,
var á meðal árásarmannanna en
hinir tveir voru grímuklæddir.
Samkvæmt lýsingu fórnarlambs­
ins spörkuðu þau í hana liggjandi,
bæði höfuð og líkama, tóku hana
kverkataki, lömdu hana með plast­
kylfu, reyndu að klippa af henni
fingur með klippum auk þess sem
þau hafi beitt hnífi sem meðal
annars var settur að hálsi hennar.
Þá hafi hún verið beitt grófu kyn­
ferðisofbeldi þar sem sem fingrum
var stungið upp í endaþarm henn­
ar og leggöng og klipið á milli. Því
var einnig hótað að skera milli leg­
ganga hennar og endaþarms og
hún hafi verið látið borða fíkniefni.
Einar „Boom“ Marteinsson,
fyrrverandi formaður Hells Angels
á Íslandi, var ákærður fyrir að hafa
skipulagt árásina en var á miðviku­
daginn sýknaður af öllum ákæru­
liðum.
Berglind og Einar áttu að hafa
verið í símasambandi vegna ágrein­
ings á milli hennar og Andreu Krist­
ínar. Í samtali þeirra hafi Einar vænt
hana um að hóta sér og eða einstak­
lingum sem hann lét sig varða. Hún
hafi hins vegar ekki áttað sig á því að
í því sem hún sagði hafi falist hót­
anir. Hún hafi því spurt hvort hann
tæki því þannig að hún væri að
hóta honum, konu hans og börn­
um. Hann hafi þá ítrekað að hún
væri að hóta fjölskyldunni. Einar
hafi einnig hótað símleiðis kvöldið
fyrir árásina að félagar í Hells Ang­
els myndu valda henni líkamlegum
skaða. Í síma Andreu sjáist að hún
hafi sent nokkrum félögum sínum
sms­skeyti, í aðdraganda árásarinn­
ar, þar sem hún segi að gefið hefði
verið út „veiðileyfi“ á fórnarlambið.
Andrea Kristín unnarsdóttir Andrea
„slæma stelpa“ eins og hún kallaði
sig, fékk fjögurra og hálfs árs dóm fyrir
sérstaklega hættulega líkamsárás og
kynferðisbrot. Hún var sýknuð af ákæru
um skipulagða brotastarfssemi.
Jón ólafsson Sambýlismaður Andreu
var dæmdur í fjögurra ára fangelsi fyrir
sérlega hættulega líkamsárás og kynferð-
isbrot. Hann var einnig sýknaður af ákæru
um skipulagða glæpastarfssemi.
Elías Valdimar Jónsson Vinur Andreu,
segir hana vera sér sem stóra systir. Hann
fékk fjögurra ára fangelsi fyrir sérlega
hættulega líkamsárás og kynferðisbrot.
Sýknaður af ákæru fyrir skipulagða glæp-
astarfssemi.
óttar gunnarsson Vinur Andreu sem
bjó í íbúð Berglindar. Dæmdur í tveggja
ára fangelsi fyrir aðild að líkamsárás og að
hafa ekki veitt fórnarlambinu aðstoð.
Einar ingi Marteinsson Var sýknaður
af ákæru um að hafa skipulagt árásina.
Lögfræðingur Einars hefur sagt að hann
muni líklega fara í skaðabótamál við ríkið
en hann sat í sex mánuði í gæsluvarðhaldi
vegna málsins.
Atburðarásin 22. desember
Af vettvangi Hér sést Berg-
lind liggjandi í blóði sínu og
sjúkraflutningamenn hlúa að
henni eftir árásina. Árásin var
hrottaleg og blóð og hárlokkar
úr Berglindi voru á víð og dreif
um íbúðina.