Dagblaðið Vísir - DV - 22.06.2012, Blaðsíða 12

22.–24. júní 2012 Helgarblað
E
ignarhaldsfélag í eigu
Skinneyjar-Þinganess á
Höfn í Hornafirði, sem
hagnaðist um 2,6 milljarða
króna á viðskiptum með
hlutabréf í Vátryggingafélagi Ís-
lands (VÍS) á árunum 2002 til 2006,
hefur nú runnið inn í útgerðarfé-
lagið. Félagið heitir Fjörur ehf.
Skinney-Þinganes er í eigu
náinna ættingja Halldórs Ásgríms-
sonar, fyrrverandi utanríkis- og
forsætisráðherra, og á hann sjálf-
ur hlut í því. Halldór beitti sér fyr-
ir því sem ráðherra árið 2002 að
ríkis bankinn Landsbankinn seldi
50 prósenta hlut sinn í VÍS áður en
gengið var frá sölunni á bankan-
um til eignarhaldsfélagsins Sam-
son. Skinney-Þinganes var einn af
þeim aðilum sem keypti þessi bréf
og hagnaðist ævintýralega á þeim.
Samruni Fjara og Skinneyjar-
Þinganess hefur verið tilkynntur
til fyrirtækjaskrár ríkisskattstjóra,
ásamt reyndar samruna þriggja
annarra eignarhaldsfélaga. Þetta
þýðir í reynd að Skinney-Þinganes
hefur nú loksins tekið við milljörð-
um sem félagið græddi í dóttur-
félagi sínu á viðskiptunum með
hlutabréfin í VÍS. Orðrétt segir um
samrunann hjá fyrirtækjaskrá:
„Fyrirhugaður samruni við Skinn-
ey-Þinganes hf. ásamt Skarðsfirði
ehf., Fjallaskipum ehf. og Festarfelli
ehf. samkvæmt samrunaáætlun
dags. 4.6.2012.“
Á 5,6 milljarða
Félagið Fjörur ehf. á 5,6 milljarða
króna eignir samkvæmt ársreikn-
ingi félagsins fyrir árið 2010. Á móti
þessum eignum eru skuldir upp á
einungis 60 milljónir króna. Fjörur
átti hlutabréf í eignarhaldsfélaginu
Hesteyri, á móti Kaupfélagi Skag-
firðinga.
Í minnisblaði sem Ríkisendur-
skoðun vann árið 2005 um hæfi
Halldórs Ásgrímssonar til að fjalla
um söluna á hlut ríkisins í Búnað-
arbankanum kemur fram að Skinn-
ey-Þinganes hafi eignast hlutabréf
í VÍS í nóvember árið 2002. Í ágúst
það ár keypti Skinney-Þinganes
50 prósenta hlut í Hesteyri hf. af
Kaupfélagi Skagfirðinga.
Á sama tíma eignaðist Hesteyri
hlutabréf í eignarhaldsfélaginu
Keri og nam hlutabréfaeignin um
22 prósentum. Ker átti síðar eftir
að verða einn af kaupendum Bún-
aðarbankans og var Ólafur Ólafs-
son stærsti hluthafi þess. Hesteyri
skipti svo á þessum hlutabréf-
um í Keri og 25 prósenta hlut í
VÍS. Tæplega tveimur vikum síðar,
þann 29. ágúst, var gengið frá því
að að Landsbankinn seldi S-hópn-
um helmingshlut sinn í VÍS. Þá var
S-hópurinn orðinn einráður í vá-
tryggingafélaginu og eigandi alls
hlutafjár í því. Skinney-Þinganes
eignaðist því bréfin í VÍS eftir að
búið var að ganga frá sölunni á
hlut Landsbankans í VÍS.
Liður í einkavæðingunni
Samkvæmt skrifum um einkavæð-
ingu bankanna var þessi sala á
VÍS-bréfum Landsbankans lið-
ur í einkavæðingu bankanna: S-
hópurinn vildi eignast Lands-
bankann, líkt og Samson, en til
að hópurinn sætti sig við að fá
einungis Búnaðarbankanum
þurfti hópurinn að fá eitthvað í
staðinn. VÍS-hluturinn gegndi
þessu hlutverki og sætti Fram-
sókn og S-hópinn við sinn hlut í
einkavæðingunni vegna þessar-
ar sölu. Óánægja S-hópsins með
þá staðreynd að Samson fékk að
kaupa Búnaðarbankann birtist
meðal annars í því að Ólafur Ólafs-
son, einn af stjórnendum S-hóps-
ins, hringdi í Halldór Ásgrímsson
og skammaði hann eftir að þessi
niðurstaða lá fyrir.
Halldór Ásgrímsson hafði
svo aftur bein afskipti af þessu
einkavæðingarferli. Líkt og kom
fram í úttekt um einkavæðingu
bankanna í Fréttablaðinu árið
2005 hafði Halldór Ásgríms-
son áður hótað því að hætta við
einkavæðingarferli bankanna ef
hlutur Landsbankans í VÍS yrði
ekki seldur.
Skipt á VÍS-bréfum og Exista
Hesteyri hélt utan um hlutabréfin í
Vátryggingafélagi Íslands næstu árin
þar á eftir. Um mitt ár 2006, keypti
eignarhaldsfélagið Exista allt hlutafé
í Vátryggingafélagi Íslands og greiddi
fyrir með hlutabréfum í Exista. Þar á
meðal var fjórðungshlutur Hesteyr-
ar í tryggingafélaginu. Hesteyri fékk í
staðinn 5,7 prósenta hlut í Exista.
Í lok desember 2006 var tilkynnt
um það í Kauphöll Íslands að Hest-
eyri hefði selt 1,91 prósents hlut í Ex-
ista fyrir 4,9 milljarða króna. Geng-
ið á bréfunum var þá 23. Bókfærður
hagnaður Fjara af viðskiptunum með
bréfin í Exista var rúmlega 2,6 millj-
arðar króna. Orðrétt segir um söluna
í ársreikningi Fjara: „Félagið seldi á
árinu allan eignarhlut sinn í Exista,
í árslok voru um tveir þriðju hlutar
söluandvirðisins ógreiddir og hafa
því ekki áhrif á sjóðstreymi.“ Hagn-
aðurinn af starfsemi félagsins þetta
ár var einnig 2,6 milljarðar króna og
námu eignir þess rúmlega 6,2 millj-
örðum króna. Stjórnarmenn í Fjör-
um á þessum tíma voru Ingólfur
Ásgrímsson, bróðir Halldórs, Aðal-
steinn Ingólfsson, bróðursonur Hall-
dórs, og Gunnar Ásgeirsson.
Nú hefur þessi hagnaður af
hlutabréfunum í VÍS loksins runnið
inn í Skinney-Þinganes og mun
eignarhaldsfélagið Fjörur ehf. verða
afskráð í kjölfarið á þessari samein-
ingu.
VÍS-milljarðar renna
lokSinS til Skinneyjar
n Skinney-Þinganes fær 5,6 milljarða frá dótturfélagi n Fjölskyldufyrirtæki Halldórs Ásgríms
Ingi Freyr Vilhjálmsson
fréttastjóri skrifar ingi@dv.is „Fyrirhugaður
samruni við
Skinney-Þinganes hf.
Rennur inn í Skinney Dótturfélag sem var í eigu fjölskyldufyrirtækis Halldórs Ásgrímssonar græddi 2,6 milljarða króna á kaupum á
hlutabréfum í Vátryggingafélagi Íslands árið 2002. Bréfin voru keypt af ríkisbankanum Landsbankanum og beitti Halldór sér fyrir sölu þeirra.
12 Fréttir