Dagblaðið Vísir - DV - 26.10.2012, Page 6

6 Fréttir 26.–28. október 2012 Helgarblað
„Óheilindavinnubrögð“
n Fallið frá því að hljóðrita ríkisstjórnarfundi
Þ
etta er hneisa fyrir stjórnar-
meirihlutann, að geta ekki
komið íslenskri stjórnskip-
an upp úr þessum hjólförum
leyndarinnar. Þetta segir þingmaður
Hreyfingarinnar, Þór Saari, í viðtali
við DV. Alþingi samþykkti á fimmtu-
dag, með sautján atkvæðum gegn
fimm, frumvarp meirihluta stjórn-
skipunar- og eftirlitsnefndar sem
meðal annars felur í sér að fallið er
frá því að hljóðrita ríkisstjórnarfundi.
Þór Saari sagði við atkvæðagreiðsluna
að um óheilindabrot væri að ræða,
leyndarhyggjunni yrði haldið áfram
og ábyrgðin áfram órekjanleg.
Þór var einn af þeim sem greiddi
atkvæði gegn frumvarpinu sem
hann segir ganga gegn skýrslu rann-
sóknarnefndar Alþingis sem og gegn
skýrslu þingmannanefndar Alþing-
is. Með frumvarpinu sé meðal annars
verið að fara gegn nefndarmönnum
eins og honum og Þráni Bertelssyni.
„Það var verið að fella burt hljóðritun-
arákvæðið og það er náttúrulega gróft
brot á því samkomulagi sem gert var
við mig og Þráin á sínum tíma,“ segir
Þór Saari og bætir við að hér sé um að
ræða framhald á þeim vinnubrögðum
sem áttu sér stað fyrir hrun. „Rekjan-
leiki ákvarðana er ekki fyrir hendi og
þar af leiðandi er rekjanleiki ábyrgð-
ar ekki heldur fyrir hendi. Það er þetta
umhverfi sem núverandi stjórnar-
meirihluti rígheldur í.“
Mikill hraði var á málinu sem keyrt
var í gegnum þingið en þingmaður-
inn Atli Gíslason sagði vinnubrögðin
ekki í anda skýrslu rannsóknarnefnd-
ar Alþingis og greiddi því atkvæði
gegn frumvarpinu. Áður hafði Þrá-
inn Bertelsson sagt að enginn áhugi
væri á að aflétta leyndarhyggjunni og
það yrði stærsti skuggi á ríkisstjórn Jó-
hönnu Sigurðardóttur.
Þór Saari segir núverandi stjórn-
armeirihluta hafa gert allt til þess
að koma í veg fyrir að hljóðritunará-
kvæðið tæki gildi. n
jonbjarki@dv.is
Losnar ekki við
Leigjandann
É
g get ekki losnað við manninn.
Ég er leigusali og hann borgar
ekki leigu, en hann hefur allan
rétt sín megin,“ segir Unnur
Guðjónsdóttir sem oft er kennd
við Kínaklúbbinn. Unnur býr í gömlu
bárujárnshúsi við Njálsgötu og hefur
leigt út íbúð í kjallara hússins.
Þann 1. ágúst síðastliðinn fékk
hún nýjan leigjanda að íbúðinni,
sem hún segir að hafi staðið illa í skil-
um og stafi talsvert ónæði af.
Unni stendur stuggur af mannin-
um sem hún segir hafa hrint sér og
skellt útidyrahurðinni á sig svo fótur
hennar varð á milli.
„Maðurinn kemur eiginlega beint
úr fangelsi inn í mitt hús, en ég vissi
ekkert hver maðurinn var þegar ég
leigði honum. Núna í gærmorgun
[miðvikudag, innsk. blm.] um fimm
leytið þá vaknaði ég upp með þvílík-
um látum en þá hafði hann hent ein-
hverri konu út úr íbúðinni. Fólk í ná-
grenninu vaknaði og einhver hringdi
í lögreglu. Það tók klukkutíma að
koma þessari konu út eftir að lög-
reglan kom og nú liggur dótið henn-
ar hérna á lóðinni fyrir aftan húsið.“
Kærði líkamsárás
Unnur hafði samband við Neytenda-
samtökin þegar maðurinn borgaði
ekki leigu fyrir septembermánuð og
hann svaraði ekki tölvupósti hennar.
„Fyrst ýtti ég eftir honum að borga og
hann svaraði ekki. Svo sögðu Neyt-
endasamtökin að ég þyrfti að gefa
honum viku og ég gerði það. Ég er
með þetta allt skriflegt. Ég sendi
honum alltaf tölvupóst og sagði ég
honum að ef hann myndi ekki borga
fyrir 14. þess mánaðar myndi ég rifta
samningnum. Hann borgaði ekki
og ég rifti þá samningnum. Þann
1. október fékk ég fjóra kunningja
mína til að koma hingað og ég bank-
aði upp á bara til að þrýsta á hann að
flytja. Hann var nú ekki alveg á þeim
buxunum og hrinti mér svo harka-
lega út úr íbúðinni og ýtti hurðinni
aftur þannig að fóturinn á mér varð
á milli. Ég varð að fara til læknis og
kærði hann í kjölfarið fyrir líkams-
árás. Sú kæra liggur hjá lögreglunni.
En þann sama dag, 1. október, borg-
aði hann leiguna fyrir september og
3.000 krónur sem vantaði upp á leig-
una í ágúst. En hann hefur ekki borg-
að einseyring fyrir þennan mánuð.“
Alveg bit
Lögmaður Unnar hefur tekið mál-
ið í sínar hendur en hún furðar sig
á hversu erfitt virðist vera að koma
manninum út. „Ég get ekki losnað
við manninn úr íbúðinni þó hann
borgi ekki leigu. Og það er alveg
makalaust. Ég er búin að tala við lög-
regluna og spyrja hvort ekki sé hægt
að henda honum út en þeir geta
ekkert gert. Núna er hann búinn að
hreiðra um sig í mínu húsi, borgar
ekki leigu, búinn að skipta um lás og
tekur svo inn óreiðufólk. Ég er bara
alveg bit.“
Lögmaður Unnar segir málið vera
í eðlilegum farvegi en vildi að öðru
leyti ekki tjá sig um málið. n
hanna@dv.is
Hanna Ólafsdóttir
blaðamaður skrifar hanna@dv.is
n Vanmáttug gagnvart erfiðum leigjanda n Segir réttinn allan hans megin
Óreiða Leigjandinn henti vinkonu sinni
úr íbúðinni ásamt öllu hennar hafurtaski
samkvæmt Unni. Á myndinni má sjá flatskjá
liggja fyrir aftan húsið.
„Núna er hann bú-
inn að hreiðra um
sig í mínu húsi, borgar
ekki leigu, búinn að skipta
um lás og tekur svo bara
inn óreiðufólk eins og
honum dettur í hug. Og
ég er bara alveg bit.
Skemmdarverk Unnur Guðjónsdóttir við
brotna rúðu á heimili sínu. Ekki er vitað hvort
leigjandinn braut rúðuna en samkvæmt Unni
mun hún hafa brotnað eftir að hann hafði hent
vinkonu sinni út úr íbúðinni með miklum látum.
Frumvarp Hreyfingarinnar:
Tíu prósent
geti krafist
íbúakosn-
inga
Þór Saari og Margrét Tryggvadóttir
hafa lagt fram frumvarp til laga um
breytingu á sveitarstjórnarlögum.
Í tilkynningu frá þinghópi Hreyf-
ingarinnar kemur fram að með
frumvarpinu sé lagt til að viðmið
um fjölda sveitarstjórnarfulltrúa á
Íslandi verði færð til samræmis við
það sem þekkist í nágrannalöndun-
um sem og enn frekari efling íbúa-
lýðræðis. Þannig verði frumkvæði
íbúanna í málefnum sveitarfélaga
eflt og bein aðkoma íbúa að málum
tryggð með möguleikum á almenn-
um atkvæðagreiðslum (íbúakosn-
ingum).
„Frumvarpið felur í sér að ef
minnst 10% af þeim sem eiga kosn-
ingarrétt í sveitarfélagi óska eftir
íbúakosningu skuli sveitarstjórn
verða við þeirri ósk. Einnig að íbúa-
kosning (almenn atkvæðagreiðsla),
sé æðsta ákvörðunarvald sveitar-
félags. Niðurstaða íbúakosningar
sé bindandi fyrir sveitarstjórn og
bindandi milli kjörtímabila og geti
aðeins önnur íbúakosning hnekkt
niðurstöðu fyrri íbúakosningar,“
segir í tilkynningu þinghópsins.
15 þúsund vilja
ekki sjá hótel
Yfir fimmtán þúsund manns
hafa með undirskrift sinni mót-
mælt fyrirhuguðum byggingar-
framkvæmdum við Ingólfstorg.
Þetta kemur fram í tilkynningu
frá BIN-hópnum sem stendur
fyrir Björgum Ingólfstorgi og
Nasa. Allt frá því að skipulags-
ráð Reykjavíkurborgar kynnti
samkeppni um hótelbyggingu
við Ingólfstorg hefur hópurinn
staðið fyrir undirskriftasöfnun
á vefsíðunni ekkihotel.is. Með
því vilja þeir sem skrifa undir
„mótmæla fyrirhuguðum fram-
kvæmdum, niðurrifi á tónleika-
staðnum NASA, virðingarleysi
við friðuð hús, auknu skugga-
varpi og aukinni umferð sem
fylgir hótelrekstri á þessum
viðkvæma stað.“
Hópurinn afhenti Jóni
Gnarr borgarstjóra, Ragnheiði
Ríkharðsdóttur, starfandi þing-
forseta, og Páli Bjarnasyni, for-
manni Húsafriðunarnefndar,
undirskriftirnar á fimmtudag.
Þór Saari Þingmaður Hreyfingarinnar er
ósáttur við vinnubrögð meirihlutans.