Dagblaðið Vísir - DV - 26.10.2012, Page 34

34 26.–28. október 2012 Helgarblað
ára stúlka varð fórnarlamb tveggja bræðra á táningsaldri í Suður-Jersey í Bandaríkjunum.
Annar drengjanna narraði stúlkuna, Autumn Pasquale, inn til sín – þóttist hafa varahluti í reiðhjól. Inn
komin var hún myrt af bræðrunum sem síðan hentu líkinu í endurvinnslutunnu við næsta hús. Á meðan
foreldrar og nágrannar leituðu Autumn gumuðu drengirnir af morðinu á Facebook. Þegar móðir drengj-
anna sá færslurnar hafði hún samband við lögregluna. Drengirnir hafa verið ákærðir.12
BANVÆN
BRJÓSTA-
STÆKKUN
C
arolin Ebert fæddist 2. maí,
1987, í Berlín og var ekki há
í loftinu þegar hún ákvað
að verða mesti dansari sem
heimurinn hefði séð. Þá
ákvörðun tók hún 10 ára, árið 1997.
Þrátt fyrir að foreldrar hennar
væru skildir skorti hana ekkert; hún
bjó í Hamborg hjá móður sinni og
stjúpföður og var í nánum samskipt-
um við afa sinn og ömmu.
Þegar hún lét í ljósi ósk sína skráði
móðir hennar hana í danskennslu
og fátt virtist geta komið í veg fyrir að
stúlkukindin yrði nafntoguð. Sú varð
einnig raunin en frægð hennar lá
ekki á því sviði sem Ebert-fjölskyld-
an hafði gert sér í hugarlund.
Mögulegur dansframi Carolin
beið skipbrot þegar í ljós kom að
hún glímdi við mjaðmamein og því
fór svo að hún lagði stund á hjúkr-
unarfræði um skeið. En Carolin
neyddist til að gefa hjúkrunarfræði
upp á bátinn vegna mjaðmameins-
ins og gerðist þjónn.
Ást við fyrstu sýn
Þegar Carolin var 18 ára var henni
boðið í sundlaugarpartí. Carol-
in, íklædd bikiníi, leið ekki alls
kostar vel undir vökulum augum
fáklæddra karlmanna og var við að
yfirgefa partíið þegar hún sá lag-
legan, ungan, brúneygan mann með
geislandi bros og blik í augum.
Um var að ræða Tim Wosnitza og
þetta var ást við fyrstu sýn. Þremur
vikum síðar sagði Carolin þjónsstarfi
sínu lausu og flutti inn til Tims, í litla
eins herbergis íbúð. Tveimur árum
síðar gengu þau í það heilaga.
Líf hjónakornanna var ekki
íburðarmikið, en Tim var harðdug-
legur og sinnti sölustarfi sínu af alúð,
en illa gekk hjá Carolin að finna sér
starf og gamlir draumar hennar voru
nákvæmlega það – gamlir draumar.
Það var þó ekki laust við að Tim
og Carolin vildu mjaka sér í betra
hverfi; íbúð þeirra var í hverfi í Ham-
borg þar sem vændiskonur voru á
nánast hverju götuhorni. Carolin sá
þær að störfum daglega, en gat ekki
ímyndað sér hvað olli því að þær
vildu selja blíðu sína ókunnugum
karlmönnum. Dag einn spurði hún
eina vændiskonuna hvers vegna
hún væri í þessu starfi. „Peninganna
vegna,“ var svarið, „ég þéna 2.000
evrur á viku.“
Úr B í C og síðan í D
Um kvöldið impraði Carolin á þeim
möguleika við Tim að hún reyndi
fyrir sér á götunni. Tim tók vel í hug-
myndina og nokkrum dögum síðar
hófst nýr ferill hjá Carolin.
Carolin sló í gegn í nýja starfinu og
gat innan tíðar sett upp hærra verð
en stallsystur hennar. Brátt var svo
komið að henni voru boðnir skart-
gripir, utanlandsferðir og dvöl á flott-
um hótelum. Hún og Tim fluttu inn í
glæsiíbúð, Carolin ók um á Porsche
og tók upp nafnið sexí Cora.
„Ég er í fyrirsætustörfum,“ sagði
Cora þegar ættingjar hennar furðuðu
sig á uppgangi ungu hjónanna. „Svo
dansa ég líka á næturklúbbum. Ég
mokþéna,“ bætti hún við.
En það var ekki aðeins nýi lífsstíll-
inn sem fjölskylda hennar tók eftir
því barmur Coru hafði aukist veru-
lega að stærð.
Hún fór í hverja brjóstastækkunar-
aðgerðina á fætur annarri og greiddi
n Dauði Coru í brjóstastækkunaraðgerð vakti áhuga lögreglunnar
3.000 evrur í hvert skiptið og brjósta-
stærð hennar fór úr B í C og síðan í D.
Síðar átti eftir að koma í ljós að stærð
D nægði henni ekki.
Stefnan sett á heimsmet
Það var stutt skref úr vændinu í klám-
myndabransann og Cora tók það
skref. Í þeim bransa átti hún velgengni
að fagna og brátt vék Porsche-bíllinn
fyrir Lamborghini og Cora varð tíð-
ur gestur í sjónvarpsþáttum og kvik-
myndir hennar seldust grimmt.
Árið 2009 leitaði Cora logandi ljósi
að einhverju nýju takmarki til að sigr-
ast á og ákvað að setja heimsmet í
munnmökum. Hún sendi frá sér til-
kynningu um að hún ætlaði að fram-
kvæma munnmök á 200 karlmönn-
um – hvorki meira né minna – á 24
klukkustundum.
Salur var tekinn á leigu og viljugir
þátttakendur flykktust að og stilltu
sér upp í röð við rúmið þar sem Cora
hafði komið sér fyrir.
Tim hafði komið upp tökuvél og
festi allt samviskusamlega á filmu.
En Cora hafði ætlað sér um of og eftir
að hafa afgreitt 75 karlmenn féll hún
meðvitundarlaus fram fyrir sig. Ekki
tókst að koma henni til meðvitund-
ar á staðnum og því rokið með hana á
spítala í hasti. Í ljós kom að hún hafði
fengið hjartaáfall og hún var í dái – þá
21 árs.
Tónlist og sjónvarp
Þegar Cora hafði jafnað sig taldi hún
réttast að taka því rólega. Hún og Tim
fluttu í fínt hverfi í Hamborg en brátt
kom í ljós að íbúum í hverfinu hugn-
aðist ekki að hafa klámmyndastjörnu
sem nágranna. Málið kom til kasta
borgarstjórans og urðu málalyktir
þær að Cora og Tim fluttu, eftir að-
eins sex vikur.
En almenningur hafði ekki snúið
baki við Coru og hún olli þeim ekki
vonbrigðum; kom fram berbrjósta
í Big Brother-þáttunum og gerði sér
dælt við bæði karlmenn og konur.
Árið 2010 fékk hún viðurkenningu
kennda við Venus fyrir framgöngu
sína í klámmyndum. Cora notaði
frægð sína til hins ýtrasta og gerð-
ist poppsöngkona og sendi frá sér
tvær smáskífur. En Tim var orðinn
þreyttur á þeim lífsstíl sem þau höfðu
tamið sér og stakk upp á því að þau
hægðu á sér og stofnuðu fjölskyldu.
En Cora vildi ekki heyra á slíkt
minnst; DVD-myndir hennar seld-
ust sem aldrei fyrr og af hverju að
draga í land þegar þú ert á toppnum.
Markmið; stærð G
Cora fór ótrauð í frekari brjósta-
stækkanir. Hún fór í aðgerð með
stærð D og vaknaði úr svæfingu með
stærð E og síðan var stefna tekin á F.
En F var ekki nóg fyrir Coru og í sinni
sjöttu aðgerð, 11. janúar 2011, átti að
koma brjóstum Coru upp í stærð G.
Cora virtist hafa gleymt með öllu
hjartaáfallinu sem hún fékk árið
2009, en hún hafði ekki verið nema
nokkrar mínútur í aðgerðinni þegar
eitthvað fór úrskeiðis. Verulega
hægðist á hjartslætti hennar og á
endanum hætti hjarta hennar að slá.
Þrátt fyrir að Coru væri fljótt kom-
ið undir læknishendur, og hjarta
hennar komið af stað á ný, komst
hún ekki til meðvitundar.
Í níu daga viku Tim og fjölskylda
Coru vart frá sjúkrabeði hennar í
veikri von um að hún sýndi lífsmark.
Þeim varð ekki að ósk sinni og Cora
andaðist 21. janúar, 2011, 23 ára að
aldri.
Áhugi lögreglu vaknar
Fljótt flaug fiskisagan af dauða Coru
og þegar tíðindin af dauða henn-
ar bárust lögreglunni í Hamborg
vaknaði áhugi hennar á málinu og
sama dag rannsakaði hún brjósta-
aðgerðastofuna í þaula í leit að ein-
hverju sem gæfi til kynna mistök af
hálfu starfsfólks á þeim bæ.
Lét lögreglan í ljósi óánægju með
ýmislegt sem bar fyrir augu og hand-
tók þegar upp var staðið tvo lækna
sem síðar voru ákærðir fyrir mann-
dráp af gáleysi. Í yfirlýsingu frá stof-
unni sagði að umræddir læknar
væru „í öngum sínum og sorgbitnir
vegna dauða sjúklingsins“ og að þeir
myndu veita lögreglunni „fulla sam-
vinnu“ við rannsókn málsins.
Tíminn mun leiða í ljós hvern-
ig ákærunni á hendur læknunum
tveimur reiðir af í réttarkerfi Þýska-
lands. n
E
llefu ára stúlka frá
Maine í Bandaríkjun-
um stendur frammi
fyrir þeim ótrúlega
möguleika að verða dæmd til
tíu ára fangelsisvistar. Stúlk-
an, sem ekki er nafngreind,
var ákærð í júlí, þá tíu ára,
fyrir að hafa orðið þriggja
mánaða stúlku, Brook-
lyn Foss-Greenaway, að
bana fyrr á þessu ári, í júlí
nánar tiltekið. Þegar stúlk-
an kom fyrir rétt í fyrsta
skipti, á mánudaginn, var
hún niðurlút og beit í negl-
ur sínar.
Samkvæmt New York Daily
News er um að ræða fyrsta skipti í
þrjátíu ár sem Maine höfðar morð-
mál gegn jafn ungum einstaklingi.
Málavextir eru þeir að umrædd
stúlka og móðir hennar gættu
barnsins á heimili sínu í Fairfield í
Maine og var barnið inni í herbergi
stúlkunnar þessa örlagaríku nótt
í júlí. Á þeim tíma var stúlkan tíu
ára að aldri.
Lögreglan hefur ekki enn opin-
berað hver dánarorsökin er, en
sjónvarpsstöðin WZON hefur
eftir móður Brooklyn, Nicole
Greenaway, að hún hafi verið kæfð
eftir að hafa verið gefið eitthvert
lyf.
„Þær verða báðar að fara í
fangelsi,“ sagði Nicole um þá
ákærðu og móður hennar í við-
tali við WZON. „Þær eiga að
vakna upp á hverjum morgni og
sjá rimlana og hugsa um það sem
þær hafa gert.“
Hinn ungi sakborningur ku
eiga við atferlisröskun að stríða
og, að sögn félagsráðgjafa, engan
veginn í stakk búinn til að gæta
ungbarns. Strax í kjölfar dauða
Brooklyn var hin ógæfusama
barnapía fjarlægð af heimili
sínu og móðir hennar var ákærð
fyrir að hafa látið hana sjá um
barnapössunina.
Ákæruvaldið ákvað að reyna
ekki að ákæra ungu stúlkuna sem
fullorðin væri og ef hún verður
sakfelld bíður hennar tíu ára fang-
elsisvist, sú lengsta sem hægt er að
dæma börn til.
Ef allt fer á versta veg þá mun
stúlkan verða 21 árs þegar hún
losnar úr fangelsi.
Ellefu ára ákærð fyrir morð
„Ég er í fyrirsætu-
störfum,“ sagði
Cora þegar ættingj-
ar hennar furðuðu sig á
uppgangi ungu hjónanna
Brooklyn Var í pössun þegar hún lést.
Sexí Cora Sjötta
brjóstastækkunin
reið henni að fullu.