Dagblaðið Vísir - DV - 28.12.2012, Qupperneq 6

6 Fréttir 28. desember 2012 Áramótablað
Risagjaldþrot hjá Þórði
n Áttu þriðjungs hlut í Pennanum en skilja eftir sig tvo milljarða
E
kkert fékkst upp í tæplega
tveggja milljarða króna kröf-
ur í þrotabú eignarhaldsfélags
Þórðar Hermanns Kolbeins-
sonar, Tírufjárfestinga ehf. Skiptum á
búinu lauk 3. desember síðastliðinn,
samkvæmt upplýsingum úr Lög-
birtingarblaðinu. Þar kom fram að
forgangskröfur í búið hafi numið tíu
milljónum króna, almennar kröfur
hafi verið 1,9 milljarður króna og aðr-
ar kröfur 161 þúsund krónur. Skuld-
irnar verða afskrifaðar.
Félagið var að hluta í eigu Þórðar
Hermanns sem var framkvæmdastjóri.
Um tíma átti félagið stóran hluta, eða
36 prósent, í Pennanum. Gríðarmikl-
ar skuldir voru í félaginu um tíma og
samkvæmt skýrslu rannsóknarnefnd-
ar Alþingis námu skuldirnar ellefu
millj örðum króna við bankahrunið.
Þórður Hermann er fyrrverandi
framkvæmdastjóri DHL á Íslandi.
Hann sjálfur hefur verið lýstur gjald-
þrota en bankastofnanir gerðu kröfur
upp á 346 milljónir króna í bú hans.
Leiða má að því líkum að skuldirn-
ar sem keyrðu Þórð í þrot hafi verið
vegna viðskipta hans með Pennann
sem Arion banki tók af honum og
öðrum eigendum fyrirtækisins í
mars árið 2009, í kjölfar efnahags-
hrunsins.
DV sagði frá því árið 2010, eftir að
Arion banki hafði yfirtekið Pennann,
að Þórður Hermann væri með fjölda
iðnaðarmanna við að standsetja
hús sem hann átti við Granaskjól í
Vesturbæ Reykjavíkur. Í september
greindi DV svo frá því að Þórður og
eiginkona hans, Lovísa Sigurðardótt-
ir, hafi keypt húsið í febrúar árið 2008
en selt það inn í Íslenska eignafélagið
ehf. í janúar 2011. Það félag skipti svo
um nafn og heitir í dag Sjöstjarnan
og er í eigu Skúla Gunnars Sigfússon-
ar, sem jafnan er kenndur við skyndi-
bitastaðinn Subway. n
adalsteinn@dv.is
Skuldaði mikið Félagið skuldaði ellefu
milljarða króna við bankahrunið, sam-
kvæmt rannsóknarskýrslu Alþingis.
12. janúar
HM í handbolta
Íslenska karlalandsliðið í hand-
bolta mætir á heimsmeistaramótið
í handbolta. Fyrsti leikurinn verður
gegn Rússum en leikurinn verður
sá fyrsti á heimsmeistaramóti sem
nýr þjálfari íslenska liðsins, Aron
Kristjáns son, stýrir frá því að hann
tók við. Það verða þó reynsluboltar
með í íslenska liðinu þó ekki verði
Ólafur Stefánsson með að þessu
sinni.
Janúar
Icesave-dómsmálið
Niðurstaða mun líklega fást í
Icesave-dómsmálið fyrir EFTA-
dómstólnum. Íslendingum var stefnt
fyrir dómstólinn vegna ákvörðunar
þjóðarinnar um að synja samning-
um við Breta og Hollendinga ríkis-
ábyrgðar á greiðslum upp í Icesave-
skuldir gamla Landsbankans. Málið
var tekið fyrir í EFTA-dómstólnum
um miðjan september og var lengi
búist við niðurstöðu í kringum jól.
Ekkert varð af því en gera má ráð
fyrir að niðurstaða fáist í byrjun árs
2013. Nákvæm dagsetning liggur þó
ekki fyrir og er aðeins tilkynnt um
dómsuppsögur með nokkurra daga
fyrirvara.
Janúar
Forsendur kjara-
samninga skoðaðar
Sérstök forsendunefnd sem kveðið
er á um í kjarasamningum sem
gerðir voru árið 2011 mun setjast yfir
samningana og fjalla sérstaklega um
hvort forsendur þeirra hafi staðist á
tímabilinu 1. mars árið 2011 til 31.
desember árið 2012. Komist nefndin
að þeirri niðurstöðu að forsendurn-
ar séu brostnar verður hægt að segja
samningum upp. Í samningunum
sjálfum eru forsendurnar meðal
annars að stjórnvöld hafi staðið við
gefin fyrirheit í efnahags-, atvinnu-,
og félagsmálum. Í heilsíðuauglýs-
ingu frá Alþýðusambandi Íslands,
sem birt var um miðjan desember,
kom fram að sambandið teldi rík-
isstjórnina ekki hafa uppfyllt þau
loforð.
1.–3. febrúar
Nýr formaður
Samfylkingarinnar
Flokksfélagar í Samfylkingunni velja
arftaka Jóhönnu Sigurðardóttur for-
sætisráðherra í formannsstól flokks-
ins. Allsherjaratkvæðagreiðsla fer
fram um stöðuna sem þeir Árni Páll
Árnason og Guðbjartur Hannesson
velferðarráðherra keppast um. Til-
kynnt verður um niðurstöðu kosn-
inganna á landsfundi flokksins sem
fram fer í byrjun febrúarmánað-
ar. Formaður flokksins fær það erf-
iða verkefni að leiða flokkinn inn í
kosningar eftir óvinsælt ríkisstjórn-
arsamstarf Samfylkingar og Vinstri-
grænna.
27. apríl
Alþingiskosningar
Í lok aprílmánaðar lýkur sögulegu
kjörtímabili þar sem fyrsta hreina
vinstristjórnin var við völd. Margt
bendir til að núverandi valdaflokk-
ar muni missa meirihluta sinn á
þingi. Kosningarnar verða líka þær
fyrstu frá því að Ísland náði að sigr-
ast að stærstum hluta á kreppunni
sem varð í kjölfar efnahagshruns-
ins haustið 2008 en boðað var óvænt
til kosninga í kjölfar þess. Jóhanna
Sigurðardóttir mun á sama tíma láta
af störfum á Alþingi en hún er bæði
aldurs- og starfsaldursforseti þings-
ins í dag.
14.–18. maí
Eurovision
Íslendingar taka þátt í Söngva-
keppni evrópskra sjónvarpsstöðva,
Eurovision, í 26. sinn. Keppnin fer
fram í Malmö í Svíþjóð að þessu
sinni og hafa 38 aðrar þjóðir boðað
þátttöku sína í keppninni í ár. Enn er
ekki búið að velja framlag Íslendinga
til keppninnar en það verður valið
í vor. Íslendingar hafa náð misgóð-
um árangri í keppninni frá flutn-
ingi Gleðibankans í fyrsta skipti sem
þjóðin tók þátt í keppninni. Mark-
mið fulltrúa Íslands í Malmö verð-
ur líklega að slá út árangur Selmu
Björnsdóttur og Jóhönnu Guðrúnar,
sem báðar enduðu í öðru sæti.
27. maí
Smáþjóðaleikarnir
Íslendingar senda keppendur á
fimmtándu Smáþjóðaleikana sum-
arið 2013. Þá munu keppendur frá
Andorra, Íslandi, Kýpur, Liechten-
stein, Lúxemborg, Möltu, Mónakó,
San Marínó og Svartfjallalandi tak-
ast á í hinum ýmsu íþróttagreinum.
Leikarnir eru haldnir annað hvert ár
og er miðað við að aðeins þau lönd
þar sem íbúafjöldi er undir einni
milljón geti tekið þátt.
10. júlí
EM í knattspyrnu
Íslenska kvennalandsliðið í knatt-
spyrnu tekur þátt á Evrópumeistara-
mótinu. Mótið fer fram í Svíþjóð en
þar keppa íslensku stelpurnar við
margar af sterkustu knattspyrnu-
þjóðum heims. Þetta er í annað
skipti sem stelpurnar okkar komast
á Evrópumótið og verður að teljast
líklegt að þjóðin þjappi sér saman
á bak við þær nú eins og þegar þær
komust fyrst á mótið.
Janúar–desember
Sérstakur saksóknari
Embætti sérstaks saksóknara, sem
myndað var í kjölfar efnahagshruns-
ins, mun ljúka mörgum rannsókn-
um á árinu. „Áætlanir gerðu ráð fyrir
árunum 2013 og 2014,“ segir Ólafur
Þór Hauksson, sérstakur saksóknari,
aðspurður hvort embættið nái að
standa við áform sín hvað varðar lok
rannsókna. „Það eru öll teikn á lofti
um að það eigi eftir að ganga eftir, þó
með öllum fyrirvörum. Það er alltaf
möguleiki á frávikum eftir að rann-
sókn mála hefst.“ Að sama skapi mun
framtíð embættisins ráðast á árinu.
Janúar–desember
Aðildarviðræður við ESB
Seinustu þrír kaflarnir sem hafa ekki
verið opnaðir í aðildarviðræðum Ís-
lands við Evrópusambandið verða
líklega opnaðir á árinu. Eftir á að hefja
samningaviðræður um tvo gríðar-
stóra þætti; landbúnað og sjávarút-
veg. Ekki er ljóst hvort náist að klára
aðildarviðræðurnar á árinu 2013 eða
hvort hreinlega verði hætt við um-
sóknina. Núverandi stjórnarand-
stöðuflokkar, sem margt bendir til að
muni eiga aðild að næstu ríkisstjórn,
vilja að þjóðin kjósi um hvort halda
eigi viðræðunum áfram eða ekki.
Þetta gerist árið 2013
n Nýtt þing kosið n Niðurstaða fæst í Icesave n HM í handbolta og EM í fótbolta
Á
rið 2013 markar ákveðin skil
í íslensku samfélagi. Í fyrsta
sinn frá hruni verður aukn-
ing á fjárútlátum hjá ríkinu,
nýtt þing verður kosið og
niðurstaða fæst í Icesave-málinu.
Léttari hlutir eins og Eurovision og
Smáþjóðaleikarnir munu þá lík-
lega þjappa þjóðinni saman líkt og
venjulega.
adalsteinn@dv.is