Dagblaðið Vísir - DV - 28.12.2012, Síða 37

28. desember 2012
Völvuspá 2013
F
ulltrúar DV eru alltaf með
kvíðahnút í maga þegar þeir
ganga á fund völvu DV. Þessi
skarpskyggna völva hefur unnið
spádóma nýs árs fyrir blaðið
í nokkur ár. Spádómar eru stundum
óhugnanlega nákvæmir enda býr sjá-
andi þessi yfir einstökum hæfileikum.
Völvan breytir enn um lífsstíl
Á árunum fyrir hrun var völvan bú-
sett í háhýsi við Skúlagötuna með út-
sýni yfir hryssingslegan sjó og kuldaleg
fjöll. Þar sátu hrafnar á húsburstum
og skyggndu mannaferðir og kokhljóð
þeirra og smellir bergmáluðu milli
steinveggjanna.
Á síðasta ári hafði völvan skipt um
lífsstíl og bjó í vinalegri risíbúð í Vest-
urbæ Reykjavíkur. Í heimsókn blaða-
manna þar haustið 2011 var bjartur
morgun, ilmandi te í bollum og Peps
Persson í boði KK á Gufunni í bak-
grunni.
Að þessu sinni kvað við nokkuð
annan tón. Völvan neitaði að hitta
fulltrúa blaðsins nema að næturlagi
og það var svört nótt yfir sofandi borg
þegar spádómar voru upp kveðnir.
Völvan sat í stól sínum við gluggann
og starði út í myrkrið þar sem tungl-
skin varpaði fölum bjarma yfir þökin
og kuldaleg trén í gamla kirkjugarðin-
um við Hólavelli. Einhvers staðar
kveinaði útigangsköttur og gólaði mót
festingunni þar sem allt er skrifað í
stjörnurnar. Í bakgrunninum ómaði
kórverkið Carmina Burana lágt í vönd-
uðum hljómflutningstækjum og ein-
hvern veginn féllu ómstríðir váboð-
ar Carls Orff í tilþrifamestu köflunum
einkar vel að stað og stund.
Völvan hellti lyktsterkum dökkum
vökva úr heimagerðu tréíláti í stórt og
fagurlega skorið kristalsglas. Hún gerði
teikn yfir bikarnum og muldraði eitt-
hvað lágum rómi. Svo saup hún á og
hóf lesturinn ...
Ár hinna
löngu hnífa
n Árið 2013 verður átakaár n Andstæðingar munu þó snúa bökum saman
Myndataka Sigtryggur Ari Jóhannsson Förðun Kristín Edda Óskarsdóttir
Fatnaður og fylgihlutir Kápa frá Kron Kron, skart frá Aurum