Dagblaðið Vísir - DV - 28.12.2012, Qupperneq 42

6 Völvuspá 2013 28. desember 2012 Áramótablað
Sönn íslensk
sakamál
Stjörnur sem skína
n Völvan sér annríki hjá lögreglu­
mönnum á nýju ári. Í skuggsjánni
sér völvan ungan mann leiddan í
járnum í fangelsi eftir að hafa orðið
konu að bana. Málið vekur nokkra
athygli vegna þess að fórnarlambið
er þekkt persóna.
n Stór fíkniefnamál
koma upp á nýju
ári og vopnuð
rán færast í vöxt.
Völvan sér stórt
mál af því tagi í
fréttum þar sem
ráðist er inn á heimili
efnafólks og það þvingað til að láta
af hendi verðmæti og lykilorð.
n Fíkniefnasmygl verður að vanda á
dagskrá og fátt nýtt á þeim vettvangi
fyrir utan meðalstórt mál af því tagi
sem kemur í fréttir á vordögum.
Þekktir Íslendingar tengjast málinu
fljótlega sem einhvers konar þátttak­
endur og völvan sér mikla umfjöllun
sem stöðvast svo skyndilega þegar
í ljós kemur að falsvitni er borið á
menn.
Orð gegn orði
n Völvan sér harða umræðu um
nauðgunarmál á nýju ári. Mál sem
verið hefur í kastljósi fjölmiðla á ár­
inu sem er að líða fær framhaldslíf
með óvæntum hætti á opinberum
vettvangi án
þess að það fari
fyrir dómstóla
aðra en dómstól
götunnar. Aðal­
persóna málsins fær ekki þá upp­
reisn æru sem hann hefur sóst eftir
og hverfur úr sviðsljósinu á nýju ári
og sinnir öðrum verkefnum.
Konur gegn
körlum
n Sú femíníska
umræða sem
verið hefur mjög
áberandi í fjölmiðl­
um á árinu sem er
að líða heldur áfram af jafnvel meiri
hörku en áður. Andstæðar fylkingar
verða stöðugt skýrari og meðalhófið
lætur undan síga fyrir öfgum á báða
bóga.
n Völvan sér sérlega harðvítuga
snerru tiltölulega snemma á árinu
þegar Hildur Lilliendahl Viggósdótt­
ir kemst enn einu sinni í fréttir fyr­
ir afgerandi baráttuaðferðir sínar.
Hildur sætir harðri gagnrýni en verst
með kjafti og klóm og stendur eftir
með pálmann í höndunum. Völvan
sér hana njóta vaxandi viðurkenn­
ingar og aðdáunar á erlendum vett­
vangi fyrir einarða afstöðu sína.
Frægum rit-
höfundum
fjölgar
n Völvan sér
fjölga í hópi
þeirra íslensku
rithöfunda sem
geta talist frægir
eða rómaðir í útlöndum. Auður Ava
Ólafsdóttir fær loks þá viðurkenn­
ingu innanlands sem hún á skilið
en á nýju ári seljast bækur hennar í
stærra upplagi erlendis en nokkru
sinni. Henni er hampað mjög sem
„uppgötvun ársins“ í erlendum bók­
menntatímaritum. Stefán Máni fær
góðar sölur erlendis og frægð hans
vex svo hratt að hann verður kallað­
ur hinn nýi Arnaldur. Konungurinn
sjálfur Arnaldur Indriðason heldur
sínum sessi sem metsöluhöfund­
ur Íslands númer eitt og völvan sér
hann taka við viðurkenningum er­
lendis. Völvan sér
Hallgrím Helga­
son í sterku
sviðsljósi er­
lendra fjöl­
miðla þegar
bók eftir hann
nær metsölu á
Amazon.
n Sókn íslenskra rithöfunda í sviðs­
ljós erlendis og verðskulduð viður­
kenning setur svip á nýja árið í
bókaútgáfu en innanlands er fátt í
fréttum af umtöluðum bókum. Völv­
an sér tvö útgáfufyrirtæki sem nokk­
uð hafa látið að sér kveða undanfar­
in ár berjast við erfiða fjárhagsstöðu
en að lokum sameinast þau og
standa af sér hugsanlegt gjaldþrot.
Ísland sem
leikmynd
n Ekkert lát verð­
ur á heimsókn­
um erlendra
kvikmyndagerðar­
manna til Íslands og
Ísland verður kallað vinsælasta leik­
mynd heims í erlendum tímaritum.
Ekki vekja þessar heimsóknir alltaf
jafn mikla kæti heimamanna en
eftir því sem þessum heimsóknum
fjölgar minnkar þolinmæði manna
gagnvart því hvernig náttúruperlum
er lokað eftir duttlungum stórstjarna
og starfsemin veldur truflunum í
ferðaþjónustu. Völvan sér ryskingar
og átök milli íslenskra bílstjóra og
öryggisvarða á tökustað kvikmynd­
ar vegna aksturs innan
bannsvæðis.
n Frægar stjörn­
ur heimsækja
Ísland eins og
áður og völv­
an sér Arnold
Schwarzenegger
meðal annars við
tökur á Íslandi og vek­
ur koma austurísku eikarinnar mikla
athygli. Völvan sér Viggo Mortensen
í skuggsjá sinni í fréttum þegar upp­
lýst er að hann er enn meiri Íslands­
vinur en áður var vitað en Morten­
sen kemur til Íslands að heimsækja
afkvæmi sitt á árinu.
n Völvan sér frægðarglampa skína
yfir nokkrum íslenskum tónlist­
armönnum en dofna yfir öðrum.
Mugison heldur áfram að syngja sig
inn í hjörtu þjóðarinnar og völvan
sér hann halda risavaxna tónleika
á nýju ári þar sem ekkert lát er á
aðsókn. Rödd hans mun heyrast á
erlendum vettvangi og vekja meiri
athygli en áður.
n Kristján Jóhanns­
son óperusöngvari
á gott ár í vænd­
um því völvan sér
hann heilla þjóð
sína á ný með
söng og hispurs­
lausri framkomu. Þetta
verður kallað óvænt „comeback“
ársins.
n Völvan sér einnig
Sigríði Thorlacíus
hasla sér völl sem
eina vinsælustu
söngkona Íslands
og í skuggsjánni
sést fyrirsögnin
„Ellý Vilhjálms okkar
tíma“.
n Völvan sér Bubba
Morthens í deil­
um á opinberum
vettvangi vegna
einhverra mála
sem tengjast Jó­
hannesi Jónssyni
í Iceland. Afstaða
Bubba er umdeild en völvan sér
ekki betur en að í kjölfarið fylgi vin­
slit þeirra tveggja.
Leikhúsin takast á
n Samkeppni milli
stóru leikhúsanna
tveggja harðnar
enn á nýja ár­
inu. Völvan sér
hvern sigur­
inn reka annan
í Borgarleikhúsinu
undir stjórn sölu­
mannsins vaska Magnúsar Geirs
Þórðarsonar meðan yfir musterinu
við Hverfisgötu hvílir skuggi. Þjóð­
leikhúsið er gagnrýnt fyrir óskyn­
samlega meðferð fjármuna á niður­
skurðartímum og vaxandi gagnrýni
heyrist á sitjandi Þjóðleikhússtjóra.
Völvan sér einhver einkennileg eft­
irmál vegna jólasýningar Þjóðleik­
hússins 2012 sem tengjast leikstjór­
anum ástralska og fjárhagslegu
uppgjöri við hann.
n Völvan sér Tinnu
Gunnlaugsdóttur
í harðri orrahríð
á vormánuðum
vegna deilna sem
virðast tengjast sýn­
ingarrétti eða höf­
undarrétti með ein­
hverjum hætti.
Leikarar fá tækifæri
í Hollywood
n Völvan sér
íslenska leik­
ara taka þátt í
stórum verk­
efnum er­
lendis. Ekkert
þeirra lítur þó
dagsins ljós á nýju
ári en verður talið staðfesta að ís­
lenskir leikarar séu á heimsmæli­
kvarða. Fremst í þessum flokki
standa þeir Gísli Örn Garðarsson
sem tekur að sér að leika illmenni
eitt ógurlegt í erlendri stórmynd og
svo Ólafur Darri Ólafsson sem fær
tilboð um gott hlutverk í með­
alstórri mynd undir stjórn
heimsfrægs og margverð­
launaðs leikstjóra. Hann flyt­
ur til Hollywood í kjölfarið og
þjóðin bíður með önd í hálsi
eftir útkomunni.
Bankar sameinast
n Völvan sér áframhaldandi átök
vegna gengislána og útreikn­
inga á þeim á nýju
ári. Að lokum
verða bankarn­
ir neyddir til
þess að endur­
reikna öll sín
lán samkvæmt
hinum ýmsu
dómum. Í kjöl­
farið verður efna­
hagsreikningur þeirra
nokkuð öðruvísi og veikari en áður.
Í kjölfarið sameinast Landsbanki
og Arionbanki í einni bankastofn­
un. Í framhaldinu tekur Höskuldur
Ólafsson fyrrum bankastjóri Arion
við starfi Birnu Einarsdóttur í Ís­
landsbanka.
Hinn lánlausi
Íbúðalánasjóður
n Völvan sér Íbúða­
lánasjóð í gjör­
gæslu stjórn­
málamanna.
Eftir endurút­
reikning gengislána
kemur átakanlega í
ljós að þeir sem voru
gætnir og veigruðu sér við að taka
hin umdeildu gengislán og skiptu
frekar við Íbúðalánasjóð sitja eftir í
mun verri stöðu en flestir aðrir hóp­
ar í samfélaginu. Völvan sér þennan
hóp mynda þrýstihóp og ná fram
endurbótum á stöðu sinni skömmu
fyrir kosningar í umdeildri aðgerð
ríkisstjórnar á síðustu metrunum. Í
kjölfarið versnar staða hins lánlausa
sjóðs enn frekar og hann verður
stærsta verkefni nýrrar ríkisstjórnar.
Nú verða sagðar
íþróttafréttir
n Íslenska karlalandsliðið í hand­
bolta keppir á HM í handbolta á
Spáni í janúar. Skemmst
er frá því að segja að
þetta verður ein mesta
sneypuför íslenska
landliðsins á erlenda
grund því allir leik­
ir sem Ísland spilar
tapast og völvan sér í
skuggsjá sinni einn þeirra
sem algera niðurlægingu.
n Nýr landsliðsþjálfari Aron Krist­
jánsson verður skam­
maður eins og
krakki af allri
þjóðinni eftir að
mótinu lýkur
en hann verst
fullum hálsi
og í hita leiksins
talar hann ógæti­
lega um meinta áfengisneyslu liðs­
manna í aðdraganda móts. Þá fyrst
verður allt vitlaust. Völvan sér fjöl­
marga biðjast opinberlega afsök­
unar dagana á eftir ýmist á orðum
sínum eða gerðum. Þrátt fyrir þetta
eiga Íslendingar eina stjörnu sem
skín skært á annars döpru móti og
það er Aron Pálmarsson handbolta­