Dagblaðið Vísir - DV - 28.12.2012, Side 49

Viðtal 41Áramótablað 28. desember 2012
Átt þú rétt
á lækkun skulda?
Sértæk skuldaaðlögun er ætluð þeim sem skulda meira en 100%
af markaðsvirði veðsettra fasteigna og bifreiða. Skuldaaðlögunin
nær til allra skulda einstaklinga hjá Íbúðalánasjóði, bönkum,
sparisjóðum og lífeyrissjóðum.
Sértæk skuldaaðlögun kemur aðeins til greina ef sýnt þykir
að vægari úrræði nægja ekki til að rétta af fjárhagsstöðuna
og fyrirséð er að viðkomandi geti ekki staðið í skilum af lánum
sínum til langframa.
Sótt er um sértæka skuldaðlögun í viðskiptabanka umsækjanda.
Frestur til að sækja um sértæka skuldaaðlögun
rennur út um næstu áramót
Borgartúni 21 | 105 Reykjavík | Sími : 569 6900, 800 6969
„Dauðinn er tabú“
Við eigum það til að gleyma
að lífið er núna. Það gaf mér mik-
ið að heyra þessa sögu en tíminn
hljóp frá okkur Árna á sínum tíma.
Allt í einu var ekki hægt að fara í frí
saman. Hann var orðinn of veikur.“
Saknar ennþá
Árni lést árið 1997, sjö mánuðum
eftir greiningu krabbameins. Anna
finnur enn söknuð en söknuður-
inn hefur breyst með tímanum.
„Ég sakna þess lífs sem hefði get-
að orðið; dætur mínar misstu föð-
ur sinn og mér finnst sárt að hann
hafi þurft að deyja svona ungur,
hann átti svo margt fyrir sér. Ég
sakna hans með öðrum hætti en ég
gerði. En jólin minna alltaf á þetta.
Það er öðruvísi tilhlökkun til jól-
anna en þegar við vorum öll.
Það er margt í þessu lífi og
margt sem minnir á. Bara í síð-
ustu viku, þegar ég var að kaupa
mat á Nings sá ég þar unglings-
stúlku með pabba sínum. Þau voru
greinilega í góðum og fallegum
samskiptum – mér varð hugsað til
dætra minna og í smástund fékk ég
tár í augun.“
Hún segir skrifin hafa hjálp-
að henni að vinna úr sorginni á
sínum tíma. „Það er martraðar-
kennt þegar hriktir í stoðum fjöl-
skyldunnar, lífsins og framtíðar-
innar. Þegar maður hefur ekkert
haldreipi. Þá verður maður ein-
hvern veginn að vinna sig út úr því.
Ég fann fyrir óskilgreindri þörf fyrir
að skrifa þetta niður.
Sjálf hefði ég óskað mér svona
bókar á sínum tíma. Ef ég hefði
fundið hana þegar ég var að missa
hefði ég tekið hana og „borðað
hana“. En fólk er misjafnt. Sum-
ir treysta sér ekki í lestur strax, á
meðan aðrir rífa í sig bækur.“
Snertir mig alltaf
Anna segist þakklát fyrir þann tíma
sem þau Árni fengu saman. „Mér
finnst ég hafa lært mjög mikið enda
er það þannig að þegar verkefnin eru
krefjandi þá felast mestu tækifærin
til lærdóms. Árni var æðrulaus, hann
var góður maður, góður gæi. Okk-
ar tími var þó eins og í öllum hjóna-
böndum, upp og niður, út og suð-
ur og allt þar á milli, en við fengum
þessar þrjár dásamlegu stúlkur.
Það var erfitt að skrifa þetta og
það er skrítið að þó ég sé búin að
fara í gegnum þennan texta 150
sinnum snertir þetta mig alltaf
hvort sem ég les fyrir sjálfa mig eða
aðra.“ n
Einlæg Anna segir það hafa verið mikla áskorun að segja sögu þeirra Árna á opinskáan hátt en annað hafi ekki komið til greina.