Dagblaðið Vísir - DV - 28.12.2012, Síða 56

H
ildur Lilliendahl Viggós­
dóttir hefur verið valin
Hetja ársins 2012 af lesend­
um DV.
Hildur hefur barist fyrir
jafnréttismálum hér á landi og gegn
því að kvenfyrirlitning og lítillækkun
á konum í orðræðu verði að eðlileg­
um hugsunarhætti. Fyrir þetta hef­
ur hún meðal annars þurft að þola
persónuárásir, hótanir og útskúfun
á Facebook.
Fimmta hetjan
DV stóð fyrir vali á hetju ársins í
fimmta sinn. Um miðjan desember
var opnað fyrir tilnefningar og að
því loknu var skipuð dómnefnd sem
valdi úr tilnefningunum þá einstak­
linga og hópa sem lesendur DV gátu
valið um. Dómnefndina skipuðu
Kristjana Guðbrandsdóttir, Viktoría
Hermannsdóttir, Aðalsteinn Kjart­
ansson og Birgir Olgeirsson, blaða­
menn á DV. Hetjunni voru afhent
blóm og viðurkenningarskjal.
Ofboðslega þakklát
„Ég er mjög stolt og finnst þetta of­
boðslega fallegt. Ég hef fundið fyrir
sterkum og víðtækum stuðningi frá
fólki á árinu og það er það sem hefur
gert mér kleift að halda þessu áfram.
Ég er ofboðslega þakklát,“ segir Hild­
ur. Hún segir að kosningin hafi kom­
ið sér á óvart en hún sé ánægð með
sjálfa sig og það sem hún hefur gert.
„Já, mér finnst ég hafa staðið mig vel.
Fólk brennur fljótt út í þessum bransa,
í femínisma, því það fylgir þessu heil­
mikið skítkast. Það endast fáir í þessu
til lengri tíma og ég hef öðlast nýjan
skilning á því eftir þetta ár.“
Skítkastið dró ekki úr henni
Aðspurð hvort hún muni halda
áfram að berjast fyrir jafnrétti þá seg­
ir Hildur: „Já, svo sannarlega. Skít­
kastið hefur ekki náð að draga úr mér
því í fyrir hvert skipti sem einhver er
með leiðindi þá eru 100 yndislegir.“
Eins er hún viss um að ástandið sé
að lagast á Íslandi og bendir á að á
þeim árum sem hún hefur verið að
vasast í þessu hafi hún séð ástandið
batna mikið. Jafnfram telur hún að
Íslendingar muni ná takmarkinu.
„Ég verð að trúa því, því annars hef
ég engin markmið.“
Karlar sem hata konur
Hildur fékk fjölmargar tilnefningar
en hún vakti athygli landsmanna í
upphafi árs þegar hún setti saman
myndaalbúmið Karlar sem hata kon­
ur. Þar tók hún saman ummæli karla
af netinu sem fóru ófögrum orð­
um um konur að hennar mati. Í lýs­
ingu albúmsins stendur: „Þetta er
samansafn ummæla flottra karla á
internetinu um konur og femínisma.“
Ástæðan fyrir albúminu var sú
að Hildur var orðin þreytt á því að
vera sökuð um ímyndunarveiki og
vildi sýna hversu háværar raddirn­
ar væru í raun. „Ég vildi sýna fram á
hvað það er auðvelt að finna þenn­
an málflutning og hversu mikill
fjöldi fólks – jafnvel frægt fólk, dáð
fólk, kjörnir fulltrúar og blaðamenn
– skirrast ekki við að níða konur og/
eða jafnréttisbaráttuna opinber­
lega og undir nafni,“ sagði hún í
samtali við DV.
Stuðningur og gagnrýni
Þessi aðgerð Hildar vakti mikla
athygli og fékk hún stuðning úr
mörgum áttum. Þó voru þeir til
sem gagnrýndu aðgerðina og fékk
hún hótunarbréf í kjölfarið sem
mörg hver hræddu hana. Face­
book hefur einnig nokkrum sinn­
um lokað á hana og í desember var
henni úthýst af samskiptasíðunni í
fimmta skiptið.
Ein af konum ársins
Undanfarin ár hefur Nýtt Líf val­
ið konu ársins. Í ár var brugðið út af
vananum og valdi ritstjórn blaðsins
að þessu sinni áhrifamestu konurn­
ar árið 2012 – konur sem hafa skar­
að fram úr á sínu sviði, rutt brautina
eða unnið eftirtektarverða sigra á ár­
inu. Þetta eru konur sem hafa ver­
ið öðrum hvatning og fyrirmyndir.
Í hópi þeirra áhrifakvenna er Hild­
ur en henni var hrósað sérstaklega
fyrir vasklega framgöngu sína á ár­
inu og fyrir að opna sig í viðtali í DV,
ásamt átta öðrum einstaklingum,
þar sem hún sagði frá þeirri reynslu
sem hefur hvað mest mótað hana
sem femínista – þegar henni var
nauðgað.
Umfjöllun í erlendum fjölmiðlum
Í nóvember var Hildur heiðruð,
ásamt Hönnu Björgu Vilhjálms­
dóttur, fyrir framlag sitt í barátt­
unni gegn kynbundnu ofbeldi. Þær
leiddu ljósagöngu UN Women á al­
þjóðadegi Sameinuðu þjóðanna
gegn kynbundnu ofbeldi sem haldin
er ár hvert 25. nóvember. Hún hef­
ur einnig vakið athygli út fyrir land­
steinana og sem dæmi má nefna að
fyrir skömmu fjallaði Daily Telegraph
um hana, baráttu hennar fyrir jafn­
rétti og hvernig henni væri ítrekað
meinaður aðgangur að Facebook. n
3. sæti
Jón Margeir
Sverrisson
Jón Margeir Sverrisson, sund­
kappi úr Fjölni/Ösp, vann til
gullverðlauna í 200 metra skrið­
sundi á Ólympíuleikum fatlaðra í
London í sumar. Hann kom í mark
á nýju heims­ og Ólympíumeti á
tímanum 1:59:62 mínútum. Áður
hafði hann sett Ólympíumet í
greininni en það met lifði ekki
lengi því í úrslitasundinu sló hann
sitt eigið met. Sannarlegar afreks­
maður hér á ferð.
2. sæti
Eiríkur Ingi Jóhannsson
Eiríkur Ingi komst lífs af þegar togarinn Hallgrímur fórst vestur af Nor­
egi í aftakaveðri. Eiríkur Ingi komst einn lífs af en honum var bjargað um
borð í þyrlu þremur og hálfri klukkustund eftir að skipið sökk. Eiríkur Ingi
sagði í Kastljósviðtali frá sjóferðinni, allt frá því skipið lagði úr höfn og þar
til hann var kominn í land í Noregi. Hann vakti athygli landsmanna með
einlægri og tilfinningaþrunginni frásögninni.
48 Annáll 28. desember 2012 Áramótablað
Hildur Lilliendahl
er hetja ársins 2012
n Hefur þurft að sæta hótunum og persónuárásum n Lesendur DV.is kusu á netinu
Gunnhildur Steinarsdóttir
blaðamaður skrifar gunnhildur@dv.is
Topp 10
Það hefur verið afar mjótt á munum í kosn-
ingunni og hetjurnar í þremur efstu sæt-
unum hafa skipst á að vera á toppinum.
Þegar kosningu lauk var það Hildur sem var
efst, Eiríkur Ingi Jóhannesson í öðru sæti og
Jón Margeir Sverrisson í því þriðja.
1. Hildur Lilliendahl
2. Eiríkur Ingi Jóhannsson
3. Jón Margeir Sverrisson
4. Adam Atli Sandgreen og
Birgir Arngrímsson
5. Finnbogi Örn Rúnarsson
6. Guðni Bergsson
7. Amalía Rán Guðmundsdóttir
8. Hjördís Svan Aðalheiðardóttir
9. Kári Kárason
10. Högni Egilsson
„Hildur Lilliendahl
er einn hugrakk-
asti Íslendingur sem uppi
hefur verið og því á hún
skilið titilinn Hetja ársins.
„Mér finnst hetja
ársins vera Hildur
Lilliendahl fyrir óþreytandi
baráttu sína í því að lú-
berja á feðraveldinu þrátt
fyrir allan þann skít og við-
bjóð sem hún fær fyrir
Viðurkenning Hildur tekur
við viðurkenningu og blóm-
vendi sem Reynir Traustason,
ritstjóri DV, afhendir henni.