Dagblaðið Vísir - DV - 28.12.2012, Síða 69

Annáll 61Áramótablað 28. desember 2012
Vettel varði
titilinn
F
ormúlukappinn Sebastian
Vettel varð heimsmeistari í
Formúlu 1 þriðja árið í röð. Þar
með varð hann yngsti þrefaldi
heimsmeistari formúlunnar frá upp-
hafi, en Þjóðverjinn er aðeins 25 ára.
Minnstu munaði að titillinn rynni úr
Vettel úr greipum en hann byrjaði
skelfilega og féll niður í neðsta sætið
fljótlega. Hann náði að vinna sig upp
og skilaði sér í mark í sjötta sæti sem
dugði honum til að landa titlinum.
Skin og Skúrir í heimi íþróttanna
n Vonbrigði hjá handboltalandsliðinu n Íslendingur vann Ólympíugull n Stelpurnar komust á EM n Tryggvi og Lionel Messi slógu markamet
Spánverjar settu met
S
pænska knattspyrnulandsliðið tryggði sér sess meðal bestu landsliða
sögunnar með sannfærandi sigri á Evrópumótinu í Póllandi og Úkraínu
í sumar. Spánverjar unnu þar með þriðja stórmótið í röð, en áður höfðu
þeir unnið EM 2008 og HM í Suður-Afríku 2010. Spænska liðið er það
fyrsta í sögunni sem vinnur það afrek og það fyrsta til að verja Evróputitilinn. Í
úrslitaleiknum mættu Spánverjar Ítölum og lönduðu þægilegum og öruggum
4–0 sigri. Miðjumaðurinn snjalli, Andres Iniesta, var valinn leikmaður mótsins.
Tryggvi sló markamet
E
yjamaðurinn öflugi Tryggvi Guðmundsson sló markametið í efstu deild
karla þann 29. maí síðastliðinn í leik ÍBV og Stjörnunnar þegar hann
skoraði sitt 127. mark. Fyrir leikinn deildi Tryggvi metinu með Inga
Birni Albertssyni sem skoraði sitt 126. mark árið 1987. Tryggvi hélt svo
áfram að bæta metið í sumar og mun líklega bæta það enn frekar næsta sum-
ar. Hann hefur nú yfirgefið herbúðir ÍBV eftir stormasamt sumar og gengið í
raðir Fylkismanna sem leika í efstu deild.
Chelsea vann Meistaradeildina
C
helsea náði loksins að landa sigri í Meistaradeild Evrópu í vor þegar liðið lagði FC Bayern í mögnuðum úrslitaleik
á heimavelli Bayern. Þar með lauk langri bið eigandans, Romans Abramovich, eftir sigri í þessari stærstu og bestu
knattspyrnudeild heims. Flest benti til þess að Chelsea myndi tapa þegar Thomas Mueller kom Bæjurum yfir 10
mínútum fyrir leikslok. Fimm mínútum síðar jafnaði Didier Drogba og eftir markalausa framlengingu varð að grípa
til vítaspyrnukeppni. Þar hafði Chelsea betur og braust út ægilegur fagnaður meðal leikmanna og stuðningsmanna.
Murray rúllaði yfir Federer
S
kotinn Andy Murray tók svissneska tennissnillinginn Roger Feder-
er í kennslustund í úrslitaleik þeirra á Ólympíuleikunum í sumar.
Murray vann sannfærandi sigur í þremur settum, 6–2, 6–1 og 6–4 og
braust mikill fögnuður út enda flestir á bandi Skotans. Sigurinn var
einstaklega sætur fyrir Murray enda varð hann fyrsti Bretinn frá árinu 1908
til að vinna gull í tennis á Ólympíuleikunum.
Messi skoraði
og skoraði
A
rgentínumaðurinn Lionel
Messi hjá Barcelona bætti
markamet Þjóðverjans Gerd
Muller hvað varðar flest mörk
skoruð á einu almanaksári. Met Þjóð-
verjans, 85 mörk á einu ári, var sett
fyrir 40 árum en Messi náði að slá
metið í leik gegn Real Betis í spænsku
deildinni þann 9. desember. Hann
hélt síðan áfram að bæta metið og
munu eflaust líða nokkrir áratugir
áður en met Messi verður bætt –
nema hann geri það sjálfur á nýju ári.
Loksins hringur hjá LeBron
M
iami Heat varð NBA-meistari í vor þegar liðið lagði Oklahoma City
Thunder í úrslitaeinvíginu. Útlitið var ekki bjart því Miami tapaði
fyrsta leiknum. Liðið kom þó sterkt til baka og vann næstu fjóra leiki
og einvígið því samanlagt 4–1. Þar með lauk langri bið eins fremsta
körfuknattleiksmanns heims, LeBron James, eftir hringnum eftirsótta sem
sigurvegarar NBA-deildarinnar hljóta í verðlaun. Auk þess að vinna sinn
fyrsta NBA-titil var James valinn verðmætasti leikmaður úrslitakeppninnar.
Ísland Evrópumeistari
Í
slenska kvennalandsliðið varð Evrópumeistari í hópfimleikum í Árósum
í Danmörku í október. Þar með varði liðið titilinn sem kvennalið Gerplu
vann árið 2010. Óhætt er að segja að árangurinn hafi verið framúrskar-
andi góður og einn af hápunktum ársins í íslensku íþróttalífi. Ísland varð
á undan Svíþjóð sem endaði í öðru sæti og Finnlandi sem varð í þriðja sæti.