Dagblaðið Vísir - DV - 28.12.2012, Page 77

Þ
órir Bergsson, matreiðslu-
maður og eigandi Bergsson
mathúss, mætti í mörg ár
í fjölskylduboð á gamlárs-
kvöld þar sem móðurfólk-
ið hans kom saman; borðaði ham-
borgarhrygg og söng undir borðum
og fram eftir kvöldi. Skipulaginu var
breytt þegar um 60–70 manns voru
farnir að mæta og hefur Þórir undan-
farin ár verið heima á gamlárskvöld
með konu sinni og börnum. Þó verð-
ur breyting þar á um þessi áramót
þar sem mágur hans ætlar að sjá um
hlaðborð á heimili sínu.
„Ég hef prófað eitthvað nýtt til
að hafa í matinn á gamlárskvöld
undanfarin ár. Við höfum meðal
annars verið með nautasteik, krón-
hjartarsteik, hreindýr og kalkún. Það
er aðeins reynt að krydda upp á til-
veruna með þessu.“
Þórir segir að það hafi alltaf verið
grafinn lax í forrétt í stórfjölskyldu-
boðunum en þegar hann, kona hans
og börn hafa verið heima á gamlárs-
kvöld hefur hann stundum verið
með grafinn lax í forrétt auk þess að
bjóða meðal annars verið með reykt-
an svartfugl. Þá er hann yfirleitt með
súkkulaðifrauð eða tiramisu í eftir-
rétt.
„Þetta er svo mikið spennings-
kvöld að maður þarf að njóta þess
að borða í rólegheitunum og svo er
nóttin ung.“
Forréttur: Grafinn lax
n 7 msk. dill, þurrkað
n 1 kg lax, villtur, hrár
n 4 msk. salt, borðsalt
n 2 msk. strásykur
Makið öllu á laxinn, pakkið inn í ál­
pappír og laxinn látinn standa í 1–2
sólarhringa.
Sósa
n 100 gr hunang
n 400 gr majónes
n 150 gr sinnep, dijon
Heilsteiktur krónhjörtur
n Krónhjartarlundir um 1,5 kg
n 750 ml nautasoðskraftur
n Um 1/2 flaska rauðvín
Steikið á öllum hliðum. Kryddið
með salti og pipar. Setjið í um 180°C
heitan ofn og bakið þar til kjarnhiti
er 58°C. Þá er kjötið tekið út og látið
jafna sig í 10–20 mínútur.
Madeirasósa passar vel með. Rauð-
vín er soðið niður til helminga
með lauk, hvítlauk og smá gulrót.
Nautasoðskrafti er bætt í og látið
sjóða niður. Smakkið til þangað til
komið er djúpt og þungt bragð en þá
er sósan að verða klár. Það er hægt
að þykkja hana með smá maizena
en ekki of mikið. Síðan er tekið
madeira og hellt í sósuna og munið
að smakka hana til og nota salt og
pipar.
Gott er að vera með ofnbakað-
ar kartöflur og grænar belgbaunir.
Passið að sjóða þær í vel söltu vatni
og kæla hratt niður.
Eftirréttur: Súkkulaðifrauð
Ofureinfalt og þægilegt að gera klárt
í glösin fyrirfram.
n 200 gr rjómi
n 200 gr súkkulaði
n 300 ml léttþeyttur rjómi
Rjómi og súkkulaði hitað upp
saman. Kælið smá niður þegar allt
er bráðnað. Blandið léttþeytta rjóm­
anum saman við. Setjið í skálar og
kælið í ísskáp í um eina klukkustund.
Stórfjölskyldan kemur saman
„Gamlárskvöld hjá mér og fjöl-
skyldu minni er mjög hefðbundið
vegna þess að þá erum við hjá for-
eldrum mínum,“ segir Jóhanna Vig-
dís Hjaltadóttir fréttamaður. „Það
er alltaf hamborgarhryggur í mat-
inn með brúnni sósu, brúnuðum
kartöflum, heimagerðu rauðkáli og
heimagerðu rifsberjahlaupi. Síð-
an er alltaf heimatilbúinn ís með
súkkulaðisósu í desert og svo fáum
við okkur kaffi og smákökur.“
Rúmlega 20 manns koma saman
á heimili foreldra Jóhönnu Vigdís-
ar – systkini hennar og fjölskyldur
þeirra, auk vinkonu móður hennar
og fjölskylda hennar.
Jóhanna Vigdís segir að vaninn
sé að mæta um klukkan sex, svo er
borðað og við borðhaldið ræðir fólk
venjulega um árið sem er að líða og
rifjar upp sameiginlegar minningar.
„Það finnst mér óskaplega ljúft.
Þetta er mikið fjölskyldukvöld. Það
er kveikt á sjónvarpinu allt kvöldið
og þegar líður á kvöldið er farið út á
svalir og út í garð og kveikt á flugeld-
um; ég er nokkuð hrædd við flugelda
þannig að ég horfi iðulega á þá út um
gluggann. Við stöndum síðan alltaf
öll saman upp á slaginu tólf, horfum
á sjónvarpið, skálum í kampavíni og
syngjum síðan Nú árið er liðið.“
Uppskriftir Jóhönnu
Jóhanna Vigdís hefur mikinn áhuga
á matargerð og hefur skrifað mat-
reiðslubækur. Hún gefur uppskriftir
að nokkrum réttum.
Forréttur
n 5 til 6 skelflettir humrar á mann (magnið
fer eftir stærð humra)
n 150 gr smjör
n Saffran þræðir
n Ferskur rifinn parmesan
n Klettasalat
n Heimilisbrauð
Bræðið smjörið á pönnu, blandið
saffran saman við og steikið humr­
ana í þessari blöndu (svissið þeim
reglulega í smjörblöndunni) þar til
þeir eru fullsteiktir (má salta og pipra
að smekk), setjið til hliðar. Ristið
heimilisbrauð og léttsteikið síðan
í afganginum af smjörblöndunni
á pönnunni. Setjið brauðið á disk,
humrana ofan á, stráið síðan kletta­
salati yfir og loks ferskum parmesan.
Hamborgarhryggur
n 1 meðalstór hryggur
n 1 krukka tómatpúrra
Sjóðið hrygginn í vatni og blandið
tómatpúrru saman við, svona tæp­
an klukkutíma. Takið úr pottinum
og látið renna af honum.
Gljái
n 1 bolli púðursykur
n 1/2 bolli tómatsósa
n 1/2 bolli dijonsinnep
n 1/2 bolli balsamedik
n 1/2 bolli vatn
Blandið þessu öllu saman í potti
og látið krauma í nokkrar mín­
útur. Setjið hamborgarhrygginn í
ofnskúffu, penslið með blöndunni
(glassering) og látið vera í ofninum
í 15 til 20 mínútur og penslið reglu­
lega.
Rauðkál
n 2 bollar sykur
n 1 bolli edik
n 1 bolli balsamedik
n 1 lítill haus rauðkál
Þekið botninn á potti með sykrin­
um og bræðið alveg. Skerið rauðkál­
ið smátt og steikið í sykrinum, hellið
báðum ediktegundum saman við og
sjóðið við meðalhita í um það bil 20
til 25 mínútur.
Kartöflugratín
n 1 kg forsoðnar kartöflur
n 400 gr rifinn ostur (eða afgangsostar)
n 1/2 l matreiðslurjómi
n Salt
n Pipar
n Gráðaostur
Skerið kartöflur í sneiðar og legg­
ið lagskipt (eins og lasagna), saltið
og piprið og stráið rifnum osti á
milli. Ostur svo efst og svo nokkrar
klípur af gráðaosti, helli rjóma yfir
og bakið í ofni í um það bil hálfa
klukkustund eða þar til osturinn er
gylltur.
Heimatilbúinn ís
n 1 1/2 peli rjómi
n 6 egg
n 6 msk. sykur
Þeytið rjómann og setjið til hlið­
ar. Þeytið vel saman egg og sykur.
Blandið þessu vel saman og setjið í
álform og síðan í frysti. Mér finnst
best að bræða Nóa­rjómasúkkulaði
yfir vatnsbaði og setja það út á ís­
inn rétt áður en hann er borinn
fram.
svava jónsdóttir
Þórir Bergsson og Jóhanna Vigdís Hjaltadóttir eiga það sameiginlegt að vera miklir matgæðingar. Þau velja þó ólíkar leiðir til að
fagna nýju ári. Þórir vill eitthvað nýtt en Jóhanna Vigdís velur hefðbundna siði.
Nýtt á gamlárs-
kvöld „Ég hef
prófað eitthvað nýtt
til að hafa í matinn
á gamlárskvöld
undanfarin ár.“
Hefðbundið „Það er alltaf ham-
borgarhryggur í matinn með brúnni
sósu, brúnuðum kartöflum, heimagerðu
rauðkáli og heimagerðu rifsberjahlaupi.
Nýtt eða ga alt?
Fólk 69Áramótablað 28. desember 2012