Dagblaðið Vísir - DV - 16.09.2011, Blaðsíða 4

4 | Fréttir 16.–18. september 2011 Helgarblað
H
inrik Kristjánsson, fyrrver­
andi aðaleigandi útgerðar­
fyrirtækisins Kambs á Flat­
eyri, fjárfesti meðal annars
í fasteignaverkefni í Berlín
eftir að hafa selt eignir Kambs vorið
2007. Verðmætasta eign Kambs voru
umtalsverðar aflaheimildir, um 3.000
tonna kvóti. Heimildir DV herma að
Hinrik hafi fengið um 1.700 milljónir
króna fyrir Kamb þegar hann seldi fé­
lagið. Hluti af kvótafé Flateyrar endaði
því í Berlín ef svo má segja.
Hinrik fjárfesti í eignarhaldsfélag­
inu Torstrasse 85,87 ehf. í gegnum
eignastýringu Glitnis banka. Félagið
var stofnað í nóvember 2007, nokkr­
um mánuðum eftir að Kambur var
seldur. Félagið á fasteign í Berlín á Tor­
strasse 85 og 87. Eignarhlutur Hinriks
í félaginu nam 20 prósentum. Eignar­
haldsfélag Hinriks, IHK ehf., heldur
utan um hlutinn í fasteignafélaginu
og er hann metinn á rúmlega 52 millj­
ónir króna í ársreikningi félagsins fyrir
árið 2009. Hinrik er jafnframt einn af
stjórnarmönnum félagsins.
Sagði ákvörðunina erfiða
Í viðtali við DV vorið 2007 sagði Hin­
rik að ákvörðunin um að selja Kamb
hefði verið erfið. Hann sagði að fyr­
irtækið hefði verið í taprekstri mán­
uðina þar á undan. Ástæðuna fyrir
því sagði hann vera hátt gengi krón­
unnar og dýran leigukvóta. „Auðvit­
að er þetta sárt og skapar mikla erfið­
leika á öllu svæðinu. [...] Það gengur
ekkert upp að þurfa að leigja kvóta á
tvö hundruð krónur. Þetta var hægt
hérna í eina tíð á meðan gengið var
lægra og leigukvótinn var á 130 krón­
ur kílóið. Hann mátti meira að segja
fara í 150 krónur og samt lifðum við af
og höfðum upp í vexti og afborganir.“
Í sautjánda sæti
Eftir söluna á Kambi og kvótanum
úr byggðarlaginu flutti Hinrik suð­
ur, nánar tiltekið til Hafnarfjarðar, og
fjárfesti fyrir hluta af hagnaði sínum
af sölunni á fyrirtækinu. Fyrirtækið
Eyraroddi keypti frystihús Kambs á
Flateyri og réð um 40 manns í bæn­
um í vinnu, fyrirtækið var því einung­
is með um einn þriðja hluta af starfs­
mannafjölda Kambs. Eyraroddi varð
gjaldþrota í upphafi þessa árs.
Hinrik er í dag einn ríkasti maður
landsins samkvæmt upplýsingum úr
skattaskrám fyrir árið 2010. Á nýleg­
um lista DV yfir ríkustu menn lands­
ins var hann þar í 17. sæti. Hinrik
greiddi rúmlega 14.5 milljónir í auð­
legðarskatt í fyrra og á því hreina eign
upp á um milljarð. Ef hann er sam­
skattaður með konu sinni eru auðævi
hans tvöfalt meiri.
Skuldirnar nærri
hálfur milljarður
Félagið Torstrasse var stofnað af Jó­
hanni Ómarssyni, þáverandi for­
stöðumanni eignastýringar Glitnis,
og Selmu Filippusdóttur, þáverandi
starfsmanni bankans, síðla árs 2007.
Svo virðist sem aðrir hluthafar í
Torstrasse hafi fjárfest í félaginu í
gegnum eignastýringu Glitnis. Af öðr­
um hluthöfum má nefna Ottó Björn
Ólafsson, fyrrverandi framkvæmda­
stjóri Delta, Elías Skúla Skúlason,
fyrrverandi framkvæmdastjóra
Flugflutninga sem var með umboð
fyrir Cargolux á Íslandi og Pál Sveins­
son frá Vestmannaeyjum sem á fisk­
sölufyrirtækið Icebrit í Bretlandi.
Skuldir Torstrasse nema rúm­
lega 470 milljónum króna samkvæmt
ársreikningi fyrir 2010. Fasteignin á
Torstrasse er metin á nærri 450 millj­
ónir króna á móti þessum skuldum.
Eigið fé félagsins er neikvætt um rúm­
lega 20 milljónir króna. Torstrasse
á að greiða nær allar skuldir sínar á
næsta ári, 2012.
Ekki náðist í Hinrik Kristjánsson á
fimmtudaginn.
n Seldi útgerðarfyrirtæki á Flateyri og fjárfesti í fasteign í Berlín n Fékk um 1.700 millj-
ónir fyrir Kamb n Félagið skuldar nærri hálfan milljarð í dag og er með neikvætt eigið fé
Kvótinn varð að
blokk í Berlín
„Auðvitað er þetta
sárt og skapar
mikla erfiðleika á öllu
svæðinu.
Fjárfesti í Berlín
Hinrik Kristjánsson
fjárfesti meðal
annars í fasteign í
Berlín eftir að hafa
selt útgerðarfyrir-
tæki sitt Kamb á
Flateyri árið 2007.
120 misstu vinnuna 120 manns misstu vinnuna á Flateyri þegar Kambi var lokað árið
2007. Meðal þess sem Hinrik Kristjánsson, aðaleigandi Kambs, fjárfesti í var þessi fasteign á
Torstrasse í Berlín í Þýskalandi.
Einkatímar
40 mín. tímar 1x í viku |12 vikur
Fyrir byrjendur jafnt sem lengra
komna á öllum aldri.
Skráning er hafin
Skráning í síma 581 1281
gitarskoli@gitarskoli.is
www.gitarskoli.is
Ingi Freyr Vilhjálmsson
fréttastjóri skrifar ingi@dv.is
Leiðrétting
Þau mistök voru gerð í úttekt um
nýjan Landspítala sem birtist í DV
mánudaginn 12. september að
gamlar tölur fóru inn á Íslands­
kort. Prósentutölurnar sem birtust
á mánudaginn voru unnar upp úr
drögum að fjárlögum fyrir árið 2011.
Fjárlögin tóku hins vegar breyt­
ingum og dregið var úr áætluðum
niðurskurði.
Leiðréttar tölur birtast hér með.
Skýrr í góðri
stöðu
Velta Skýrr var liðlega 12,3 millj­
arðar króna á fyrstu sex mánuðum
ársins. Það er talsvert meira en
á sama tíma í fyrra þegar veltan
nam 11,2 milljörðum króna. Í til­
kynningu frá Skýrr segir að tekju­
vöxtur á milli ára sé 10 prósent
og gera áætlanir fyrir 2011 ráð
fyrir 24 milljarða króna veltu og
að EBITDA framlegð verði um 1,4
milljarðar króna. Í lok júní 2011
nam eigið fé Skýrr 3,5 milljörðum.
„Við erum talsvert hreykin af þeim
rekstrarárangri sem liggur núna
fyrir. EBITDA framlegð af reglu­
bundnum rekstri var 511 millj­
ónir króna á fyrstu sex mánuðum
ársins 2011, samanborið við 468
milljónir króna á sama tímabili í
fyrra,“ segir Gestur G. Gestsson,
forstjóri Skýrr í tilkynningu.
Byggðarlag Heildar-
niður-
skurður
Niður-
skurður á
sjúkrasviði
Ísafjarðarbær 3% 15%
Sauðárkrókur 9% 45%
Húsavík 8% 45%
Fjarðabyggð 5% 23%
Vestmannaeyjar 6% 1%
Árborg 4% 26%
Reykjanesbær 7% 28%
Hæstiréttur hefur staðfest farbanns­
úrskurð Héraðsdóm Suðurlands yfir
karlmanni frá Lettlandi sem ákærður
hefur verið fyrir tilraun til nauðgunar.
Ákæruvaldið óskaði eftir því að mað­
urinn yrði úrskurðaður í farbann til
7. október en Hæstiréttur féllst á far­
bann yfir manninum til 30. september,
þegar áætlað er að aðalmeðferð máls­
ins ljúki. Vandamálið er hins vegar að
fórnarlambið, kona af erlendu bergi
brotin, er flúin af landi brott og hef­
ur gengið erfiðlega að fá hana aftur til
landsins vegna málsins.
Forsaga málsins er sú að maður­
inn var ákærður þann 9. mars síðast­
liðinn fyrir tilraun til nauðgunar með
því að hafa að kvöldi föstudagsins 30.
júlí 2010, eftir að þau höfðu setið að
sumbli, reynt að þröngva konunni
með ofbeldi til samræðis með því að
veitast að henni, grípa í handleggi
hennar og þvinga hana niður á gólf,
slá hana í andlitið, sitja ofan á henni,
toga í hár hennar og reyna að afklæða
hana. Hlaut konan nokkra áverka við
þessa árás mannsins en hún reyndi
að verjast nauðguninni og náði að
bíta framan af fingri mannsins. Eft­
ir að þetta gerðist fór konan aftur til
heimalands síns og hefur dvalið þar
síðan. Frá því að málið var þingfest í
apríl hefur þurft að fresta því ítrekað
þar sem konan vill ekki koma aftur til
landsins til að gefa skýrslu fyrir dómi.
Síðar missti hún síðan af flugi sínu til
landsins en ákæruvaldið hefur vilyrði
fyrir því að hún muni mæta. Hins veg­
ar hefur maðurinn sem ákærður er lýst
því yfir að hann hyggist fara til Lett­
lands í byrjun október og dvelja fram
í janúar. Óttast er að maðurinn komi
ekki aftur og féllst héraðsdómur og nú
Hæstiréttur á það. Maðurinn verður í
farbanni til mánaðamóta en áður en
farbanni lýkur þarf ákæruvaldið að fá
konuna til landsins svo hún geti gefið
skýrslu svo unnt sé að ljúka málinu.
Kona flúði land eftir að hafa kært tilraun til nauðgunar:
Fæst ekki til landsins
Hikandi fórnarlamb Erfiðlega hefur
gengið hjá ákæruvaldinu að hefja aðalmeð-
ferð málsins þar sem illa hefur gengið að ná
fórnarlambinu aftur til landsins til að gefa
skýrslu fyrir dómi.