Dagblaðið Vísir - DV - 16.09.2011, Blaðsíða 20

20 | Fréttir 16.–18. september 2011 Helgarblað
ÍSLAND
Jóhannes Jónsson
Býr í gamla húsinu sínu á Seltjarnar-
nesi með konu sinni Guðrúnu Þórs-
dóttur. Dvelur einnig í Orlando þar
sem hann á hús við Nona-vatnið í
næsta nágrenni við Tiger Woods og
Kristin Björnsson. Fasteignirnar þar
eru hver annarri glæsilegri en talið er
að hús Jóhannesar sé metið að mark-
aðsverði á um eina milljón dollara.
Svæðið þykir hentugt fyrir erlenda
auðmenn en alþjóðaflugvöllurinn
í Orlando er í tíu mínútna aksturs-
fjarlægð frá vatninu. Þar er einnig
einn mest spennandi sveita- og golf-
klúbburinn í Orlando.
Missti talsverðar eignir, eins og
verslunarkeðjurnar og glæsihýsi sitt
fyrir norðan en á þó eitthvað af fast-
eignum, þar á meðal glæsilegt skrif-
stofuhúsnæði á Akureyri í félagi við
aðra. Hann á einnig helmingshlut í
verslunarfyrirtækinu SMS, sem mun
vera það stærsta í Færeyjum og rekur
meðal annars verslanir undir nafn-
inu Bónus.
Hann er enn á lista yfir þá sem
greiða mest í skatt á landinu og
greiddi 78,3 milljónir í skatt í fyrra
sem skilaði honum 9. sætinu á þeim
lista.
Jóhannes var ungur farinn að
vinna með föður sínum og fékk
fyrsta 200 kallinn í laun átta ára gam-
all. Hann er vinnuþjarkur og gamall
skáti sem lenti í vandræðum með
vín. Fór svo að stunda líkamsrækt
um sextugt, spila golf og ferðast um
hálendið á fjórhjóli, en þorði ekki á
hestbak.
Hann er að jafna sig á erfiðum
veikindum og undirbýr útgáfu bók-
arinnar Hagavagninn þar sem nei-
kvæð skrif um fjölskylduna og fyr-
irtækin verða tekin saman í þeim
tilgangi að benda á einelti óvinanna
– sem hann getur ekki fyrirgefið. „Ég
er enginn glæpon,“ segir hann.
Björgólfur Guðmundsson
Býr enn í húsi eiginkonu sinnar, Þóru
Margrétar Hallgrímsdóttur, að Vest-
urbrún í Laugarneshverfinu en hús-
ið var áður í eigu tengdaföður hans.
Húsið var allt stækkað og endurbyggt
fyrir nokkrum árum en þá komu þau
sér meðal annars upp þjónustuíbúð
í kjallaranum og lyftu, þar sem Þóra
er orðin 81 árs gömul. Eins byggðu
þau hvítan garðskála úti í garði og
setlaug.
Gjaldþrot Björgólfs er stærsta
einstaklingsgjaldþrot Íslandssög-
unnar þar sem hann var í pers-
ónulegum ábyrgðum fyrir tæpum
hundrað milljörðum en átti aðeins
eignir að andvirði 15–27 milljarða
eftir að hlutabréf í Landsbankan-
um og Straumi-Burðarási urðu að
engu. Hann á ekkert en konan hans
er ágætlega stæð. Hann ekur um á
Benz-jeppa sem er í eigu hennar.
Hann hefur lífað tímana tvenna,
hefur upplifað fangelsisvist, dóttur-
missi og verið sæmdur fálkaorðunni,
en ólíklegt þykir að hann rísi aftur
upp í íslensku viðskiptalífi. Hann er
orðinn sjötugur og er eftir sig eftir
hrunið. Hann nýtur þess þó að eiga
góða að og ku oft vera á sveitasetri
sonarins í London þar sem aðbún-
aðurinn er eins góður og má vera.
„Ég borða enn hafragraut á
morgnana,“ sagði hann þegar góðær-
ið stóð sem hæst. Hann lifir hæglátu
lífi en þrífst á því að vera innan um
fólk, er opinn og glaðbeittur, þannig
að hrunið hefur reynst honum erf-
itt. Hann er mikill áhugamaður um
knattspyrnu og KR er hans lið og hef-
ur alltaf verið þó að hann hafi reynt
fyrir sér sem eigandi West Ham. Þar
mætir hann reglulega á völlinn og
hittir sína gömlu vini úr ´56 árgang-
inum. Þá sækir hann enn sína viku-
legu fundi með AA-félögunum.
Sagan segir að nafn Samson-
hópsins komi frá honum og sé til-
komið vegna þess að hann hafi upp-
lifað sig sem Samson, en þótt hann
hafi margt til brunns að bera, sé
hnyttinn, skjótur til ákvarðana og
bóngóður, þykir hann einnig dálítið
sjálfhverfur og fljótfær.
Karl Wernersson
Býr í einbýlishúsi í Engihlíðinni en
hann stækkaði húsið um 53 fermetra
árið 2009. Er forstjóri og eigandi Lyfja
og heilsu sem gengur vel, en þetta er
stærsta keðja lyfjabúða hér á landi og
telur 63 búðir undir merkjum Lyfja
og heilsu og Apótekarans. Þá á hann
hlut í Torfunesi en hrossaræktarbúið
Fet á hann sjálfur. Þar fæðast fjörutíu
til fimmtíu folöld árlega sem eru seld
út um allan heim. Karl á einnig næstu
jörð við búið Efri-Rauðalæk sem Rid-
ley Scott leigði á dögunum fyrir sig
og fylgdarlið sitt vegna Hollywood-
myndarinnar Prometheus. Char-
lize Theron lék í myndinni, sem og
Noomi Rapace og Guy Pearce.
Þar að auki á hann víngarð og
ræktar ólífur á Ítalíu en hann á meðal
annars þriggja hæða sumarhöll í Luca
í Toscana-héraði á Ítalíu, þar sem
glæsibifreiðar voru hýstar í kjallar-
anum fyrir hrun. Húsið keypti Karl á
sex milljónir evra þegar góðærið stóð
sem hæst.
Samkvæmt álagningu árið 2010
námu eignir Karls um fram skuld-
ir tæpum 1,1 milljarði króna. Karl
græddi líka nokkrar milljónir á útihá-
tíð í Galtalæk síðasta sumar þar sem
europopparinn Scooter kom fram.
Karl keypti nefnilega Galtalækjarskóg
fyrir 300 milljónir árið 2007.
Á Akureyri sást til hans á svörtum
stífbónuðum Bentley Continental,
400 hestafla, árgerð 2006, en slíkur
eðalvagn kostar um nítján milljónir
króna.
Bíllinn er tryggður hjá Sjóvá en
sérstakur saksóknari hefur rannsak-
að Karl vegna meðferðar Milestone
á bótasjóði Sjóvár fyrir hrunið 2008.
Milestone keyrði Karl í gjaldþrot upp
á níutíu milljarða króna. Bróðir Karls
bar honum ekki vel söguna og kall-
aði bróður sinn „einræðisherra“ í yf-
irheyrslum og sagði að hann hefði
kúgað sig svo mikið að hann hefði
næstum getað sagt honum hvenær
hann ætti að fara á klósettið.
Vændi hann bróður sinn um að
hafa ítrekað farið á bak við sig í rekstri
Mileston og Sjóvá, sagði að hann
hefði rekið sig frá höfuðstöðvunum
með því að kalla sig aumingja og vit-
leysing sem gæti ekki neitt. Hann væri
því „algjörlega siðblind persóna“.
Á sínum tíma var hann kallaður
háloftalöggan í elítuklúbbi peninga-
mannanna af því að hann hafði ein-
kennisstafina VP-COP á Bombardier
Challenger 600-vélinni sinni.
Árið 1998 var hann dæmdur í
tveggja mánaða skilorðsbundið fang-
elsi vegna brota á lögum í gegnum
virðisaukaskatt.
Jón Sigurðsson
Býr á Seltjarnarnesi en hann færði
fasteignir á Unnarbraut 17 og 19 á
Seltjarnarnesi yfir á eiginkonu sína,
Björgu Fenger, árið 2009. Ætlunin var
að rífa Unnarbraut 19 en úrskurðar-
nefnd skipulags- og byggingarmála
kom í veg fyrir það. Engin áhvílandi
lán eru á húsinu en frúin er sterkefn-
uð. Auðurinn kemur fyrst og fremst úr
N. Olsen-félaginu sem þau eiga.
Hann er eftirsóttur ráðgjafi í yfir-
tökum á fyrirtækjamarkaði á Íslandi
þar sem hann þykir gríðarlega klár og
einstaklega vel gefinn. Hann er mik-
ill rólyndismaður og er sagður geta
svæft heilu hverfin með nærveru
sinni. Hann þykir þó ekki leiðinlegur,
er bara vinnusamur og þessi endur-
skoðendatýpa, eins og pabbi hans.
Eignir Jóns voru kyrrsettar en úr-
skurðurinn var felldur úr gildi.
Sigurjón Árnason
Býr á Íslandi og starfar sem ráðgjafi
fyrir ýmsa, meðal annars í sjávar-
útvegi og fyrir fyrirtæki sem eru og
hafa verið að semja við banka um
fjárhagslega endurskipulagningu.
Hann hefur hægt um sig en hann
þykir úrræðagóður og með talnag-
löggari mönnum, er sagður séní á
bókina en að hann hafi þó stundum
farið of hratt yfir og hafi kannski ekki
djúpa skynjun á umhverfinu. Marg-
ar af hans ákvörðunum þóttu bera
vott um fyrirhyggjuleysi og voru oft
á gráu svæði. „Ef þetta er löglegt eft-
ir einhverjum gjörningaleiðum þá er
þetta bara í lagi,“ var sagt að væri hans
mottó.
Þá þótti hann fluggáfaður og flest-
ir treystu hans dómgreind. „Hann
hlustar ekki mikið á aðra auk þess
sem alls ekki allir treystu sér til að
mótmæla Sigurjóni þegar hann hafði
ákveðið eitthvað því hann er svo
dómínerandi karakter.“
Í gegnum tíðina hefur hann þó
oft verið umdeildur, sem formaður
Stúdentaráðs fyrir að hafa látið Vöku
greiða stöðumælasektir í stórum stíl
og blómvendi handa kærustunni.
Ekki batnaði það þegar búið var að
eyða öllum gögnum úr tölvum félags-
ins. Seinna var hann sakaður um að
hafa pappírstætara í stofunni til að
eyða skjölum úr bankanum. Þá var
hann gagnrýndur fyrir að hafa lánað
sjálfum sér 70 milljónir af eigin líf-
eyrissparnaði og fyrir að hafa látið
mágkonu sína leppa kaup á fimm-
tán milljóna króna Benz-sportbíl af
Landsbankanum.
Hann var þó hjarta bankans og
leiðtogi hans, gríðarlega vinnusam-
ur og skipti sér af hverju smáatriði.
Allavega einu sinni reddaði hann
manni starfi annars staðar því honum
fannst svo sárt að segja honum upp.
Eftir hrunið fór hann að kenna
Afdrif og ævintýri
26 útrásArvíkingA
E
ftir að hrunið skall á hafa þeir
ekki borist á eins og áður, þeir
Björgólfsfeðgar, Bónusfeðg-
ar, Bakkabræður og allir hin-
ir víkingarnir sem voru hetjur
Íslands um tíma. DV rakti slóðina og
teiknaði upp hvert þeir fóru, hvað þeir
gerðu og hvernig lífi þeir lifa nú. Marg-
ir þeirra eru farnir úr landi og þeir
ætla sér ekki allir að koma aftur, eru í
einhvers konar sjálfskipaðri útlegð.
Í þeirra huga var Bretland öruggur
staður til að vera á – þar til eignir Jóns
Ásgeirs Jóhannessonar voru kyrrsett-
ar þar í landi. Þá fóru margir þaðan og
leituðu sér skjóls annars staðar. Lúx-
emborg passar best upp á sína, því
þar er gert út á bankaleynd og einnig
í Sviss.
Þeir sem eru hér enn, hvort sem
það er alla daga eða með annan fót-
inn segja að það sé bæði heiðarlegra
og heppilegra að viðhalda tengslum
við ræturnar, því þetta er jú þeirra
heimaland.
Ástæðurnar fyrir brotthvarfi þeirra
frá landinu eru margvíslegar en af 26
lykilmönnum í íslensku efnahagslífi
fyrir hrun eru átta með lögheimili sitt
á landinu nú. Sumir hinna eru bara
að leita að nýjum tækifærum og aðrir
hafa starfað lengi erlendis. Enn aðrir
vilja komast frá reiði og rannsóknum
á viðskiptaháttum sínum.
Útrásarvíkingarnir koma misvel
undan hruni, sumir eru enn sterkefn-
aðir og hafa jafnvel aukið við eignir
sínar eins og Bjarni Ármannsson en
aðrir skilja slyppir og snauðir við þetta
ævintýri. Ljóst er að Björgólfur Thor
Björgólfsson getur enn skemmt sér
vel í Suður-Frakklandi þar sem hann
var vanur að spóka sig um ber að ofan
kvölds og morgna, Karl Wernersson
getur haldið áfram að rækta ólífur á Ít-
alíu og Ólafur Ólafsson kemst á fleiri
ljónaveiðar í Afríku ef hann kærir sig
um. Aðrir eiga minna, jafnvel ekki
neitt, en geta þó haldið áfram að leika
sér. Það kostar Jón Ásgeir til dæmis
ekkert að fara í gamnislag við besta
vininn eins og hann gerir gjarna.
n Slóð útrásarvíkinga rakin n Farið yfir feril þeirra, góðærissögurnar og rýnt í týpurnar
Ingibjörg Dögg Kjartansdóttir
ingibjorg@dv.is
Úttekt
Sigurjón
Árnason
Stefán Hilmar
Hilmarsson Jón Ásgeir
Jóhannesson
Ágústa Margrét Ólafsdóttir,
eiginkona Lárusar Welding
Ingibjörg Pálmadóttir, eiginkona
Jóns Ásgeirs Jóhannessonar
Magnús
Ármann
Halla Halldórs,
eiginkona Pálma
Haraldssonar
Friðrika Hjördís
Geirsdóttir, eiginkona
Stefáns Hilmars
StefánssonarUnnur Sigurðardóttir,
eiginkona Hannesar
Smárasonar
Margrét Íris
Baldursdóttir,
eiginkona Magn-
úsar Ármann
Pálmi HaraldssonStuð Útrásarvíkingar og makar þeirra
í góðu gamni í skíðaferð í frönsku Ölp-
unum í boði Baugs í apríl 2007. „Hann er mik-
ill veiðimaður en
hann er sagður hafa eytt
tugum milljóna í veiði-
ferðir til Afríku þar sem
hann hefur skotið þrjú
ljón og jafnvel fíl.