Dagblaðið Vísir - DV - 16.09.2011, Blaðsíða 34

34 | Sakamál Umsjón: Kolbeinn Þorsteinsson kolbeinn@dv.is 16.–18. september 2011 Helgarblað
A
ngel Maturino
Resénd iz fæddist 1960
og sökum þess að
hann hafði ekkert fast
aðsetur er helst til lítið
vitað um bakgrunn hans. Hann
gekk undir mörgum dulnefnum
og eitt þeirra var Ángel Reyes
Reséndiz sem hljómar nokkuð
líkt því nafni sem kemur fram
á fæðingarvottorði hans; Ángel
Leoncio Reyes Recendis. Ang­
el var þó einna helst eftirlýstur
undir nafninu Rafael Resendez­
Ramirez.
Angel þvældist um með
járnbrautarlestum um gervallt
Mexíkó, en einnig um Kanada
og Bandaríkin, stökk af þeim
og á og tókst með þeim hætti að
forðast hinn langa arm laganna
í þó nokkurn tíma.
Angel viðhafði margar að­
ferðir við ódæði sín. Að minnsta
kosti 15 fórnarlamba sinna
myrti hann með því að berja
þau með grjóthnullungum
eða öðru bareflum á heimilum
þeirra. Alla jafna gaf Angel sér
tíma að morði loknu til að tylla
sér niður á heimili þess myrta;
fá sér snæðing, leita sér minja­
gripa og grandskoðaði skilríki
þess myrta til að kynna sér að­
eins hvern hann hafði verið að
myrða.
Skartgripi sem Angel fann
á heimilum fórnarlamba sinna
seldi hann eða bræddi og í
kjölfar handtöku hans fundust
skartgripir og aðrir hlutir úr fór­
um fórnarlambanna á heimili
eiginkonu hans í Mexíkó. Þrátt
fyrir að Angel nauðgaði ein­
hverjum þeirra kvenna sem
hann myrti virtist sem morðið
væri aðaltilgangurinn.
Fyrstu fórnarlömbin
Árið 1986 fannst lík heimil­
islausrar konu á yfirgefnum
bóndabæ skammt frá San Ant­
onio í Texas. Konan hafði verið
skotin fjórum skotum og sagði
Angel síðar að hann hefði myrt
hana vegna þess að hún hefði
sýnt honum óvirðingu. Angel
fullyrti einnig að hann hefði
myrt kærasta konunnar, en lík
hans hefur aldrei fundist og
ekkert er um hann vitað. Þessi
tvö morð játaði Angel sig sekan
um í september 2001 og vonaði
að þannig gæti hann flýtt aftöku
sinni.
Í júlí 1991 fannst lík Micha­
els White í garði yfirgefins íbúð­
arhúss. Angel játaði á sig morð­
ið árið 2001 og sagði ástæðuna
fyrir morðinu hafa verið sam­
kynhneigð fórnarlambsins.
Árið 1997 myrti Angel Jesse
Howell í Ocala í Flórída, Jesse
hafði verið laminn með slöngu­
tengi og líki hans fleygt við
brautarteina. Unnusta Jesses,
Wendy von Huben, hlaut sömu
örlög; Angel nauðgaði henni,
kæfði hana með því að líma fyrir
vit hennar og gróf líkið í grunnri
gröf í Sumter­sýslu í Flórída.
Í júlí 1997 fannst lík óþekkts
flækings í járnbrautarporti í
Colton í Kaliforníu. Flækingur­
inn hafði verið barinn til bana.
Angel var ávallt sterklega grun­
aður um morðið en það sann­
aðist aldrei á hann.
Morð við brautarteina
Síðla í ágúst 1997 var Christoph­
er Maier á göngu meðfram
brautarteinum í Lexington í
Kentucky ásamt kærustu sinni,
Holly. Það varð síðasti göngu­
túr parsins því Angel barði
Christo pher til bana og nauðg­
aði Holly og gekk í skrokk á
henni. En Holly lifði af og er ekki
vitað um fleiri fórnarlömb Ang­
els sem áttu því láni að fagna.
Angel myrti rúmlega áttræða
konu, Leafie Mason, í Hughes
Springs í Texas í október 1998.
Leafie var barin til bana á heim­
ili sínu sem var í um 50 metra
fjarlægð frá brautarteinum.
Önnur kona, Claudia Bent­
on, hlaut sömu örlög í desemb­
er sama ár. Henni var nauðg­
að og hún síðan myrt á heimili
sínu skammt frá brautarteinum
Union Pacific­lestarfélagsins.
Þegar þar var komið sögu var
Angel eftirlýstur vegna innbrota
en enn hafði hann ekki verið
bendlaður við morð.
Enn og aftur komu lestar­
teinar Union Pacific við sögu 11.
maí 1999. Þá voru Sirnics­hjón­
in, Norman og Karen, barin til
bana í prestbústað í Weimar í
Texas, en þar þjónaði Norman
sem prestur. Bústaðurinn var
steinsnar frá brautarteinum
Union Pacific. Fingraför Angels
fundust í bifreið hjónanna í San
Antonio þremur vikum síðar og
lögreglu tókst að tengja málið
morðinu á Claudiu Benton.
Angel myrti Noemi Dom­
inguez, kennara frá Houston, 4.
júní 1999, með öxi í íbúð henn­
ar skammt frá brautarteinum.
Sama dag notaði Angel öxina til
að myrða Josephine Konvicka í
svefni og ekkert lát virtist ætla
að verða á ódæðum hans.
Leitað til systur Angels
Lögreglan greip til þess örþrifa­
ráðs að leita uppi systur Ang­
els, Manuelu, og þar sem hún
óttaðist að Angel myndi myrða
fleiri, eða jafnvel verða skotinn
af lögreglunni samþykkti hún
að aðstoða lögregluna.
Það varð úr að Manuela,
andlegur ráðgjafi og löggæslu­
maðurinn Drew Carter hittu
Angel á brú sem tengir El Paso
við Ciudad Juárez og urðu
málalyktir þær að Angel sam­
þykkti að fela sig lögreglunni á
vald.
Síðar sakaði Angel Carter
um að bera ljúgvitni því Angel
og fjölskylda hans héldu að
hann slyppi við dauðarefsingu,
en eðli málsins samkvæmt voru
örlög Angels í höndum kvið­
dóms en ekki Carters.
Saksóknari Texas, Jim Matt­
ox, hafði af því áhyggjur að
reynt yrði að bendla Angel við
hvert einasta morð sem framið
hefði verið í grennd við braut­
arteina, en sú varð ekki raunin.
Angel var ákærður fyrir morðið
á Claudiu Benton – og dæmdur
til dauða.
Í júní 2006 úrskurðaði dóm­
ari í Houston að Angel væri sak­
hæfur og nógu heill á geði til að
verða tekinn af lífi. Þegar Angel
heyrði úrskurðinn sagði hann:
„Ég trúi ekki á dauðann. Ég veit
að líkaminn verður að engu. En
ég, sem persóna, ég er eilífur. Ég
mun lifa til eilífðar.“ Einnig sagði
Angel að hann væri hálfur mað­
ur og hálfur engill og fullyrti
að það væri ekki hægt að taka
hann af lífi því hann tryði ekki
að hann gæti dáið.
Baðst fyrirgefningar
Angel Maturino Reséndiz hafði
rangt fyrir sér. það var hægt að
taka hann af lífi og það var gert,
með banvænni sprautu, 27. júní
2006, í Huntsville í Texas.
Í lokayfirlýsingu sinni bað
Angel um fyrirgefningu og
spurði hvort fólk gæti gert það:
„Þið þurfið ekki að gera það. Ég
veit að ég leyfði djöflinum að
stjórna lífi mínu. Ég bið ykkur
að fyrirgefa mér og biðja Drott­
inn að fyrirgefa mér fyrir að hafa
látið djöfulinn hafa mig að leik­
soppi [...] Ég verðskulda það
sem mér hlotnast nú.“
Lestarteina-
morðinginn
„Ég trúi ekki
á dauðann.
Ég veit að líkaminn
verður að engu. En
ég, sem persóna, ég
er eilífur. Ég mun lifa
til eilífðar.
n Angel Maturino Reséndiz var mexíkóskur flækingur
n Hann varð þekktur sem lestarteinamorðinginn
n Hafði að minnsta kosti 30 mannslíf á samviskunni
Í hlekkjum Angel
Maturino Reséndiz
leiddur fyrir dómara.
Gamall og
gráhærður
Angel var
grár fyrir
hærum
þegar hann
var tekinn af
lífi, 46 ára að
aldri.
Síðasti íverustaðurinn Angel söng sitt síðasta í Huntsville-fangelsinu í Texas.