Dagblaðið Vísir - DV - 16.09.2011, Blaðsíða 23

Fréttir | 23Helgarblað 16.–18. september 2011
og talið er að kostnaður við byggingu
sumarbústaða hans á Þingvöllum
hlaupi á um 250 milljónum króna.
Ágúst á einnig skíðaskála í frönsku
Ölpunum, nánar tiltekið í Chamonix,
og náði að semja um lán upp á 1.100
milljónir fyrir kaupunum.
Þekktustu eignir Bakkabræðra eru
þó líklega 50 metra lúxussnekkja sem
áður var í eigu ítalska tískukóngs-
ins Giorgio Armani og einkaþota
af tegundinni Gulfstream. Snekkj-
an, María, er metin á 3–3,7 milljarða
króna og einkaþotan á fjóra.
Steingrímur Wernersson
Býr í London þar sem hann hefur
hægt um sig og glímir við veikindi.
Lítið er vitað um hann en talið er að
öll fjölskyldan hafi komið nokkuð vel
frá hruninu, sérstaklega Ingunn systir
hans.
Hann er minnihlutaeigandi í Mile-
stone og bróðir hans ræður ferðinni.
Ármann Þorvaldsson
Býr í stúdíóíbúð í London þar sem
hann sinnir ráðgjafastörfum fyrir
föllnu íslensku bankana í London.
Hann á einnig heimili á Íslandi. Bjó
um tíma í Kew Riverside í London,
sem er auðmannahverfi, afgirt og
vaktað af öryggisvörðum. Eftir hrunið
gerði hann kaupmála við eiginkonu
sína, Þórdísi Edwald, og samdæg-
urs færði hann glæsihýsi þeirra að
Dyngjuvegi 2 yfir á hana. Hann hefur
ekki komið vel undan hruni og ekki
hjálpuðu aðgerðir SFO honum, en
félagar hans segja það vitað að hann
hafi leikið litla rullu í því máli. Félag
hans, Ármann Þorvaldsson ehf., var
tekið til gjaldþrotaskipta fyrr á árinu.
Hann gaf út bókina Ævintýra-
eyjuna sem fjallaði um ævintýri ís-
lenskra bankamanna.
Lárus Welding
Heldur heimili í London og Reykja-
vík, en hann á glæsihýsi að Blöndu-
hlíð 8 og Range Rover. Hann flakkar
á milli en á ekki húsnæði í Bretlandi.
Ítrekað hefur frést af honum við Ham-
stead High Street í norðurhluta Lund-
úna.
Árið 2008 var talað um að hann
ætlaði í meistaranám í hagfræði í
Harvard en hann hætti við það en
hefur sinnt ráðgjafastörfum fyrir hina
og þessa. Sagt er að hann sé flinkur í
ráðgjöfinni. Nú síðast bárust fréttir
af því að hann hefði aðstoðað þá Ívar
Guðmundsson og Arnar Grant með
orkudrykkinn Hámark og orkustöng-
ina Hreysti.
Heilsurækt er honum líka hug-
leikin, hann drekkur ekki og er með
svarta beltið í karate og hótaði iðulega
að nota þessa tækni á strákana ef þeir
voru eitthvað að gantast í honum.
Hann þykir líka algjör þrjóskuhundur.
Hannn fékk þrjúhundruð millj-
ónir fyrir að ganga til liðs við Glitni á
sínum tíma en telst ekki til milljarða-
mæringa í dag.
SVISS
Ólafur Ólafsson
Býr í látlausu fjölbýlishúsi við Chem-
in de la Vuaché í Lausanne í Sviss
en sagan segir að hann hafi ætlað að
sækja um svissneskt ríkisfang ásamt
eiginkonu sinni Ingibjörgu Krist-
jánsdóttur. Hann á enn umtalsverð-
ar eignir og er sennilega sá sem kom
best undan hruni en sagt er að hann
hafi fengið vildarúrlausn sinna mála
með Alfesca og Samskip og eigi um
200 milljónir evra í beinhörðum pen-
ingum í sínum félögum. Árið 2001
voru eignir hans metnar á 850 millj-
ónir króna, samkvæmt útreikningum
blaðamanns, á hátindi góðærisins var
talið að þær hefðu hundraðfaldast en
tap hans vegna Kaupþings nam um
50 milljörðum.
Hann hefur enn forræði yfir Sam-
skipum og er þar stjórnarformaður.
Hann er einnig stjórnarformaður og
stærsti hluthafinn í Alfesca, á hlut í
Granda og Icelandic Seafood.
Hann á fjölmargar fasteignir hér á
landi og á sumarbústað við Þingvelli
en hann lét gera þyrlupall við bústað-
inn og lenti síðan í veseni með ná-
granna sem kvörtuðu undan ónæði
af þyrlulátum. Eins hefur hann byggt
upp glæsilega aðstöðu á Miðhrauni
í Miklaholtshreppi á Snæfellsnesi.
Hann mun eiga fleiri jarðir. Hann er
mikill veiðimaður en hann er sagður
hafa eytt tugum milljóna í veiðiferðir
til Afríku þar sem hann hefur skotið
þrjú ljón og jafnvel fíl.
Hann lagði líka sitt af mörkum til
að styrkja fátæk börn í Afríku en hann
gaf 120 milljónir á þremur árum til
að byggja upp barnvænt mennta-
kerfi og skólahúsnæði sem tæki mið
af þörfum stúlkubarna með UNICEF
í Síerra Leóne. Þá gaf hann milljarð
í velgjörðarsjóð á fimmtugsafmæli
sínu árið 2007 og sló síðan upp veislu
þar sem Elton John spilaði fyrir gesti í
kæligeymslu Samskipa.
Spánn
Hannes Smárason
Heldur heimili í Gava-hverfinu í
Barcelona en fór þangað frá Lúx-
emborg. Hann flakkar mikið þar á
milli og sagði fyrir dómi um daginn
að hann væri búsettur í Lúxemborg.
Hvort heldur sem er þá stundar hann
viðskipti með erlendum viðskipta-
félögum sínum frá fyrri tíð og gengur
víst vel.
Hannes var aðaltöffarinn í FL-
Group og fékk milljarða arðgreiðslur
frá félaginu. „Ég hef ekkert með þetta
blessaða bankahrun að gera,“ sagði
hann samt fyrir dómi á dögunum.
Tollstjóri ætlaði að kyrrsetja eign-
ir Hannesar upp á 150 milljónir en
endaði á því að kyrrsetja tvo bíla í
eigu Hannesar og sjö og hálfa milljón
króna bankainnistæðu. Sú ákvörðun
var felld úr gildi eftir að í ljós kom að
engin lagaheimild væri fyrir hendi til
að kyrrsetja eignir vegna brota á lög-
um um virðisaukaskatt. Hannes fer
því fram á bætur upp á þrjár milljón-
ir. Segir hann að möguleikar hans séu
ekki þeir sömu og þeir hefðu annars
verið vegna þessa. Öll eignarhalds-
félög Hannesar standa höllum fæti
eftir hrunið enda töpuðu þau samtals
fleiri tugum milljarða.
Hannes átti glæsihýsi við Fjölnis-
veg 9 og 11 og virðist enn hafa aðgang
að þeim báðum. Fjölnisvegur 9 er 370
fermetra hús sem var skráð á sam-
býliskonu Hannesar, Unni Sigurðar-
dóttur, sem var áður einkaritari Jóns
Ásgeirs, áður en það var síðan selt til
huldufélags í Lúxemborg sem talið er
að Hannes eigi eða tengist. Þar hef-
ur bíll hans verið myndaður. Lands-
bankinn tók Fjölnisveg 11 aftur á
móti yfir en leigir Hannesi húsið sem
er 430 fermetrar að stærð.
Hannes er einnig forfallinn bíla-
áhugamaður og tók þátt í Gumball
3000-kappakstrinum með Jóni Ás-
geiri. Þá átti hann fjölda glæsivagna
en flutti nokkra þeirra yfir á unn-
ustuna. Hann þykir mikill öfgamað-
ur, nýtur þess að lifa hátt, slá um sig
og fara hratt yfir, enda líkja vinir hans
honum við Jackass-strákana á MTV,
segja að hann sé skemmtilegur en að
það sé oft æðibunugangur á honum.
„Ég á þetta, ég má þetta,“ eru
sennilega frægustu ummæli Hannes-
ar. Í aðra röndina er hann varfærinn
en haft var eftir Kára Stefánssyni að
það væri varla hægt að treysta manni
sem setti alltaf á sig belti í leigubíl-
unum í New York, en Hannes var að-
stoðarforstjóri deCode þegar félagið
flaug sem hæst.
Magnús Ármann
Býr í Barcelona þar sem hann lifir hátt
og er með einkabílstjóra og barnapíu.
Hann starfar með föður sínum sem
er stórtækur í innflutningi frá Kína.
Magnús á einnig helmingshlut í fast-
eignafélagi í Berlín en litlar sem engar
eignir á Íslandi.
Skömmu eftir að sagt var frá því
að Magnús Ármann skuldaði 24 þús-
und milljónir umfram eignir og eigið
fé fréttist af honum á lúxusskíðahóteli
í frönsku Ölpunum en þangað bauð
hann tólf vinum og vandamönnum.
Talið var að hópurinn hefði dvalið
þar í tvær vikur en hótelið var í eigu
Magnúsar Ármanns, Hannesar og
Þorsteins. Sjálfur er hann mikill ferða-
langur og býður oft vinum sínum
með, hvort sem ferðinni er heitið upp
á fjöll eða til sólarlanda.
Eins er hann mikill bílaáhugamað-
ur og átti ekki bara fjölda lúxusbíla,
sem voru sumir hverjir fluttir á nafn
föður hans, heldur átti hann líka bíla-
geymslu þar sem útrásarvíkingarnir
geymdu eðalvagnana sína um tíma,
eða þar til um þá var fjallað í fjölmiðl-
um. Þá voru þeir fluttir á brott, en tal-
ið var að einhverjir þeirra væru á leið
úr landi. Á meðal þeirra farartækja
sem fjallað var um voru sandbíll, fjór-
hjól og forláta Jaguar.
Magnús hóf ferilinn sem súlu-
staðareigandi og var vinsælasti út-
rásarvíkingurinn þar sem hann var
sagður síkátur og örlátur. Góða skap-
ið fór aldrei af honum, hvorki fyrir né
eftir hrun. „Ég borga,“ var hans frasi
og dró hann iðullega upp veskið fyr-
ir félagana. Einu sinni fór hann út að
borða á Akureyri og borgaði fyrir alla
á veitingastaðnum.
LÚXEMBORG
Hreiðar Már Sigurðsson
Býr í fjögurra hæða raðhúsi við Rue
Des Pommiers í hverfinu Cents,
nærri miðbæ Lúxemborgar. Bílafloti
fjölskyldunnar samanstendur af ný-
legum Audi S8 sem er vart metinn á
minna en 17 milljónir króna, BMW-
jeppa sem konan hans ekur um á
og nýlegum svörtum Land Cruiser
2000-jeppa auk vespu. Börn hans
sækja skóla þar sem skólagjöld fyrir
leikskólabörn eru nærri 2 milljónir á
ári og enn hærri fyrir eldri börn
Líklega hefur enginn Íslending-
ur það eins gott í Lúxemborg eins og
Hreiðar Már en hann var með tæp-
ar átta hundruð milljónir í tekjur á
síðasta ári og eignir hans eru taldar
skipta hundruðum milljónum króna.
Þar á meðal er 300 fermetra hús að
Hlyngerði 6 sem hann á.
Hreiðar Már var launahæsti ís-
lenski bankamaðurinn og slapp bet-
ur frá hruninu en margir af sam-
starfsmönnum hans. Hann rekur
nú ráðgjafafyrirtækið Consolium í
Lúxemborg ásamt fyrrverandi yfir-
mönnum Kaupþingsbanka en bein-
ir sjónum sínum í auknum mæli að
veitingarekstri með eiginkonu sinni.
Hann var handtekinn og dæmdur
í tveggja vikna gæsluvarðhald í maí
í fyrra vegna rannsóknar á málefn-
um Kaupþings. „Þetta er bara mjög
sárt hvernig þetta hefur farið og hvað
þetta hefur valdið fyrrum samstarfs-
mönnum mínum miklum vandræð-
um,“ sagði hann en fyrrverandi sam-
starfsmaður hans segir að hann hafi
verið „mjög búllí“.
Hann var líka þekktur fyrir að vera
ótrúlega uppátækjasamur á gleði-
stundum. Það var til dæmis hans
hugmynd að fara á þyrlunni í pulsu-
vagninn. Reyndar átti hann það til að
panta flugvélar hvert á land sem er
þegar hann var einhvers staðar við
veiðar, sem honum þótti ekki leiðin-
legt.
Þorsteinn M. Jónsson
Á lögheimili í Lúxemborg en býr í raun
í glæsilegu einbýlishúsi við Sunnu-
flöt í Garðabæ sem hann keypti ný-
lega fyrir að minnsta kosti 150 millj-
ónir króna. Hann hefur komið sér vel
fyrir þar og ekur um á Range Rover en
í bílakjallara Magnúsar Ármanns var
meðal annars Cadillac Escalade-lúx-
usbifreið sem metin er á um níu millj-
ónar króna og var í eigu hans.
Hann er ekki á flæðiskeri staddur
en árið 2007 greiddi hann sér arð upp
á 250 milljónir króna í gegnum félagið
Sólstafi þrátt fyrir 521 milljón króna
tap. Þorsteinn átti félagið og var eini
maðurinn í stjórn þess. Þá seldi hann
Vífilfell og á enn tíu prósenta hlut í
drykkjarvörufyrirtækinu Refresco
sem er í góðum rekstri og einbeitir sér
að því að auka verðmæti þess.
Hann er sagður ljúfur drengur sem
sjaldan skiptir skapi. Hann var kall-
aður listamaðurinn í hópnum vegna
mikils áhuga á klassískri tónlist. Þá
þykir hann hafa einstaklega góðan
smekk á konum, enda alltaf með feg-
urðardrottningum.
Magnús Guðmundsson
Býr í Lúxemborg og sér um fjármuni
Skúla á Holtinu og fjárfestingar hans
sem nema um tíu milljörðum. Þeir
Hreiðar Már sluppu best frá Kaup-
þingi.
Margir virðast telja hann und-
irförulan í viðskiptum en hann var
handtekinn með Hreiðari Má.
Sigurður Bollason
Býr í Lúxemborg og er einn efnað-
ist Íslendingurinn í dag. Hann var
heppinn, seldi hlutabréf sín í FL
Group árið 2006 og græddi mikið á
því. Síðan hefur hann verið í góð-
um málum, hefur tekist vel upp með
fjárfestingar sínar og er sagður klár
strákur. Það fer lítið fyrir honum en
hann er mjög lunkinn, ferðast víða
og var svolítill spaði í kvennamálum
að sögn félaganna, eins og gengur.
Pálmi Haraldsson
Býr í Lúxemborg en á einnig íbúð í
Chelsea í London og heimili á Sól-
vallagötunni í Reykjavík. Hann á
enn breska flugfélagið Astreus, sem
leigir meðal annars þotur til Iceland
Express, sem hann á líka, Úrval-Út-
sýn, Sumarferðir, Plúsferðir og Nup-
ur-Holding.
Eignir hans eru miklar, en þeirra á
meðal er veglegt safn málverka. Árið
2006 keypti hann nefnilega 20 mál-
verk Skeljungs á 25 milljónir króna.
Verkin voru mörg hver eftir gömlu
meistarana eins og Kjarval, Jón Stef-
ánsson og Gunnlaug Scheving og
höfðu verið í eigu félagsins í nokkra
áratugi. „Mér finnst myndlist bara
alveg yndisleg, bara svo falleg. Ég hef
aldrei haft neinn sérstakan áhuga á
að kaupa mér fína bíla: Rolls Royce
eða Bentley eða eitthvað slíkt, en ég
keypti þessi verk.“
Hann þykir fluggáfaður en af
honum fara margar sögur þar sem
þráðurinn þykir ansi stuttur. Ein sag-
an segir að hann hafi farið í laxveiði
með Jóni Ásgeiri vini sínum og við-
skiptafélaga. Þeir hafi tekist á þar til
Pálmi rauk skyndilega í burtu, keyrði
af stað í bæinn og skildi Jón Ásgeir
eftir uppi í sveit. Þá þykir hann búa
yfir einstöku safni fúkyrða.
Pálma var stefnt fyrir að láta Fons
borga leigu í þrjú ár fyrir lúxusíbúð
sem hann átti sjálfur í gegnum félag
á Tortóla og notaði einn. Þá lét hann
Fons endurgreiða sér ýmsan kostn-
að, eins og símareikning, gjaldeyris-
kaup, leigu á bifreiðum og 500 þús-
und króna hótelreikning.
Stefán Hilmarsson
Er með lögheimili sitt í Lúxemborg
en býr á Laufásveginum með eigin-
konu sinni, Friðriku Hjördísi Geirs-
dóttur. Þau starfa bæði fyrir 365, þar
sem hann er fjármálastjóri og hún er
með matreiðsluþætti. Hann er mik-
ill fjölskyldumaður og á tvo syni.
Gróa á Leiti hefur leikið þau hjónin
grátt síðustu árin en ýmsar kenn-
ingar voru reifaðar í tengslum við
skemmdarverk sem unnin voru á bíl
Friðriku eftir hrun. Sá atburður hef-
ur aldrei verið upplýstur.
Þá hefur mikið verið fjallað um
það í fjölmiðlum hvernig Stefán
Hilmarsson færði hús sitt á Lauf-
ásveginum yfir á einkahlutafélag í
eigu móður sinnar eftir hrunið 2008.
Nánast má fullyrða að skiptastjóri
þrotabús hans muni reyna að rifta
þeim viðskiptum enda er afar lík-
legt að Stefán hafi með þessu verið
að forða húsinu frá því að vera tekið
upp í skuldir.
Stefáni er lýst sem góðum strák
sem er heill öllum í kringum sig, það
séu ekki til í honum svik eða prettir
og því hafi honum verið fórnað. Við-
skiptasaga hans er með nokkrum
ólíkindum en hann tengist mörgum
af þeim viðskiptum Baugs sem þykja
orka tvímælis, meðal annars við-
skiptum með hlutabréf í Sparisjóði
Hafnarfjarðar þegar Baugur vildi ná
yfirráðum í sjóðnum árið 2005. Stef-
án var auðvitað fjármálastjóri Baugs
og veit því meira en margur um við-
skiptahætti þess félags. Hann varð
gjaldþrota fyrr á árinu en líf hans
hefur kannski ekki breyst til muna.
RÚSSLAnD
Magnús Þorsteinsson
Býr í Rússlandi þar sem hann á
eignir sem erfitt er að átta sig á og
kröfuhöfum hefur reynst erfitt að
sækja. Það sama á við um eign-
ir hans í Bretlandi. Um er að ræða
einhverjar fasteignir, prentsmiðju
og hafnarbakka í Santki Péturs-
borg. Bauð hann þessar eignir upp
í kröfur Landsbankans en án árang-
urs. Magnús var úrskurðaður gjald-
þrota eftir að Straumur-Burðarás
stefndi honum vegna vangoldinnar
skuldar við bankann upp á rúman
milljarð króna. Kröfurnar í þrota-
búið nema meira en 25 milljörðum
króna. Þar með varð hann fyrsti út-
rásarvíkingurinn til að vera úrskurð-
aður gjaldþrota. Þá var hann einnig
ræðismaður Íslendinga í Sankti Pét-
ursborg.
Einu eignir hans hér á landi voru
einhverjar fasteignir á Akureyri það-
an sem hann er ættaður og þar sem
hann var með lögheimili áður en
hann færði það til Rússlands þar
sem hann hefur dvalið langdvölum
síðustu ár. Þar hefur hann meðal
annars verið á skotveiðum til fjalla
ásamt Roman Abramovich, einum
ríkasta manni Rússlands og eiganda
knattspyrnuliðsins Chelsea. Þeir eru
miklir vinir.
Eins hefur sést til hans fúl-
skeggjaðs á flugstöðinni á Akureyri
þar sem hann var að fylgja ungum
herramanni í flug. Hann skildi við
eiginkonu sína í fyrra.
Hús Jóns Sigurðs-
sonar Hann á annað
við hliðina á þessu, sem
hann ætlaði að rífa.
Hús Steingríms Wernerssonar
Hann á þetta hús í Reykjavík en
heldur allajafna til í London.
„Er með svarta belt-
ið í karate og hót-
aði iðulega að nota þessa
tækni á strákana ef þeir
voru eitthvað að gantast í
honum.