Dagblaðið Vísir - DV - 27.03.2013, Blaðsíða 62

62 Lífsstíll 27. mars-2. apríl 2013 Páskablað
Njótum páskanna
með fjölskyldunni
n Gerðu páskana skemmtilegri með skreytingum og ýmsum leikjum
N
ú eru páskarnir að bresta
á með tilheyrandi veislu-
höldum og súkkulaðiáti.
Þetta er tíminn til að njóta
og slaka á með vinum og
vandamönnum.
Krökkum finnst fátt skemmti-
legra á þessum tíma en að fara
í páskaeggjaleit og keppast þeir
við að ná sem flestum eggjum í
leitinni.
Hefðir eru misjafnar hjá fjöl-
skyldum; á meðan einhverjir fela
egg víðs vegar á heimilinu fyrir þau
yngstu til að finna þá eru aðrir sem
búa til miðaleik.
Miðaleikurinn fer þannig fram
að mörgum miðum er komið fyrir
víðs vegar um heimilið og ná þeir
jafnvel út í garð eða nærliggjandi
umhverfi og gefur hver og einn
miði vísbendingu um hvar næsta
miða er að finna og svo koll af kolli.
Á endanum bíður páskaegg handa
þeim sem tekst að leysa þrautina.
Til þess að skilja engan útundan
er ráð að hafa aukaegg fyrir þann
sem lendir í öðru sæti og síðan koll
af kolli.
Skreytingar
Að sitja saman og skapa er gefandi
og oft skapast skemmtilegar umræð-
ur meðan setið er við borð og dund-
að við skreytingar. Þau yngstu ráða
auðveldlega við að mála egg í öll-
um regnbogans litum og eru þau til-
valin til þess að hengja á greinar eða í
glugga til skrauts.
Páskagott
Kökur eru ómissandi á kaffiborðið
á páskunum. Einföld súkkulað-
ikaka getur orðið að glæsilegri
páskaköku með því að skreyta
hana í ýmsum litum. Það er auð-
velt að skera út marsípan og mála
með matarlit, til dæmis páskaunga
eða páskakanínu. Um að gera er að
láta hugmyndaflugið ráða og leyfa
börnunum að hafa sínar skoðanir á
þessu. Páskarnir þurfa ekki að vera
stíliseraðir, þeir eru til að njóta. n
Íris Björk Jónsdóttir
blaðamaður skrifar iris@dv.is
Smart Hér hefur skurnin af eggi verið nýtt undir sprittkerti sem er mjög páskalegt.
Skemmtilegt Hér hefur köku verið komið
fyrir á priki og skreytt.
Girnilegt Soðið egg fyllt með sýrðum
rjóma eða majónesi sem hefur verið skreytt
með matarlit.
Augnakonfekt Það er auðvelt að skreyta
einfalda köku með litarefni og marsípan
að vopni.
Óhefðbundið Svart getur líka passað um páskana eins og alla aðra daga.
Páskahreiður Auðvelt og flott hugmynd
fyrir páskana.
Falleg
sætindi á
páskum
Framsetningin skiptir miklu máli
í matseldinni. Hér að neðan eru
nokkrar hugmyndir að skemmti-
legri framsetningu. Sumar þeirra
eru einstaklega einfaldar meðan
aðrar krefjast einbeitingar.
Glansmyndir á egg
Fyrir þá sem eru ekki
sérlega lagnir eða
fingrafimir er létt að
finna til fallegar glans-
myndir og pensla þær með lími
á egg. Útkoman er sérlega falleg
eins og sjá má hér að ofan.
Vanillubúðingur í eggjaskurn
Hér eru notuð brotin egg, þau
skoluð og í þau sett vanillubúð-
ingur. Best er síðan að bera fram
eftirréttinn í eggjabakka.
Falleg kaka
Þessi kaka er fyrir
fingrafima. Til þess
að vel megi verða
eru formkökubotnar
mótaðir í ávala lögun.
Eggjakökur
Hér er formkaka
mótuð í egglaga
form. Í litla holu fyr-
ir miðju er svo sett
sítrónumarmelaði.
Sítrónuís
Notið melónuskeið eða annað
áhald til þess að taka úr kjötið úr
sítrónunni. Ofan í sítrónuna má
svo setja sítrónubúðing eða ís.