Dagblaðið Vísir - DV - 21.03.2014, Page 38

Helgarblað 21.–24. mars 201438 Lífsstíll
Skíðað á
Skjaldbreið
Mögulega kemst maðurinn í
hvað besta snertingu við nátt-
úruna einn á ferð, kannski með
hesti og hundi, líkt og Jónas Hall-
grímsson forðum þegar hann
reið á háa Skjaldbreið og orti um
fjallið, allra hæða val. Hugsanlega
er næstbesta leiðin til að sigra
Skjaldbreið sú að ganga á skíðum
upp á fjallið. Skjaldbreið er nefni-
lega hið fullkomna gönguskíða-
fjall og býður upp á jafna og ekki
of bratta hækkun alla leið. Næsta
laugardag verður tækifærið not-
að til að sigra þetta sögufræga
fjall á skíðum þegar Ferðafélag
Íslands stendur fyrir skíðaferð á
Skjaldbreið. Lagt verður af stað
frá Hofmannaflöt og haldið um
Eyfirðingaveg hinn forna.
Þátttakendum er bent á að skrá
sig í ferðina á skrifstofu FÍ í síma
568-2533 fyrir kl. 16 á föstudag.
Námskeið í
vetrarfjalla-
mennsku
Fræðsla og aftur fræðsla er eina
leiðin til að tryggja öryggi á fjöll-
um. Í lok mars býður Ferðafé-
lag Íslands göngufólki upp á
námskeið í grundvallaratriðum
vetrar fjallamennsku.
Á námskeiðinu verður meðal
annars leiðbeint um leiðarval,
snjóflóðahættu, línumeðferð
og tryggingar, ásamt notkun
brodda og ísaxa.
Undirbúningsfundur fyrir
námskeiðið verður haldinn
þriðjudagskvöldið 25. mars kl.
20 í sal FÍ, Mörkinni 6. Skráning
á skrifstofu FÍ .
Vetraropnun
Skálavörður FÍ er nú kominn
til starfa í Landmannalaugum
og verður með fasta viðveru í
Laugum út apríl. Í byrjun febr-
úar var farin vinnuferð í Landa-
mannalaugar þar sem skálinn
var standsettur fyrir vetraropnun.
Öll aðstaða er nú opin í Laugum;
skálinn, gistiaðstaða og eldhús,
sem og salernisaðstaðan; vatns-
salerni og sturtur, og er nú hvort
tveggja heitt og kalt rennandi
vatn á svæðinu. Sem fyrr þarf að
bóka og greiða fyrir gistingu á
skrifstofu FÍ.
Skálavörðurinn Eiður Smári
hefur starfað sem skálavörður hjá
FÍ í þrjú ár í Langadal í Þórsmörk.
L
andmannalaugar eru án efa
ein af helstu náttúruperlum
landsins. Náttúrufegurðinni
er vart hægt að lýsa í orðum.
Alla regnbogansliti er að finna
í fjallahringnum umhverfis svæðið.
Guli liturinn í líparítinu er þó ríkj-
andi og magnar hann upp sólar-
geislana á góðviðrisdögum og gefur
svæðinu vinalegt yfirbragð.
Það er vegna jarðhitaum-
myndana sem þessi litadýrð er til
staðar, en Torfajökulssvæðið er eitt
mesta háhitasvæði landsins og því
er þar að finna kraumandi hveri og
laugar. Svæðið er virk megineldstöð,
líparítkvikan er bæði seig og köld en
við snögga kólnun myndar kvikan
svart gljáandi gler, þ.e. hrafntinnu.
Líparít er oftast grátt, gult, bleikt eða
grænt á lit.
Þrátt fyrir að vaxtartími plantna
sé ekki nema um tveir mánuðir á
ári hafa fundist um 150 tegundir af
plöntum á svæðinu s.s. klófífa, gras-
víðir, mýrastör og eyrarrós.
Gestum sem koma á svæðið gefst
kostur á að baða sig í heitri náttúru-
laug sem er rétt við skálasvæðið. Þar
er dásamlegt að slappa af og njóta
dýrðarinnar.
Uppbygging og þjónusta
Árlega kemur fjöldi ferðamanna
til þess að njóta þessarar eins-
töku náttúrufegurðar, Landmanna-
laugar eru einn af fjölsóttustu ferða-
mannastöðum á landinu þar sem
um 70.000 ferðamenn sækja stað-
inn heim yfir sumartímann. Erlendir
ferðamenn koma víða að til þess að
njóta dýrðarinnar og hefur hróður
staðarins borist víða. Staðurinn er Ís-
lendingum kær og eiga margir góðar
minningar þaðan.
Það var árið 1951 sem fyrsti
skálinn á svæðinu var byggður,
áður en vegur var lagður um svæð-
ið, því var það ekki á allra færi að
fara í Landmannalaugar. Eftir að
vegurinn var lagður lét Ferðafélagið
gera varnargarð við Jökulgilskvísl
til að verja svæðið fyrir ágangi ár-
innar. Það er ein af forsendum þess
að uppbygging geti átt sér stað því
annars var hætta á að áin hefði flætt
yfir svæðið.
Nú er þar að finna finna skálahús
sem rúmar 78 manns í rúmum, hús-
ið er á tveimur hæðum. Uppi eru
þrjú svefnloft og lítið kvistherbergi,
niðri er stór svefnskáli, eldhús, for-
stofa og móttaka fyrir ferðamenn.
Auk gistiskála er stórt hreinlætishús
með sturtum og vatnssalernum.
Ferðamynstur fólks hefur breyst
mikið síðustu ár, ferðamenn gera
aukna kröfu um þjónustu og að-
gengi að áfangastöðum hefur batn-
að, vegakerfið er betra og bílakostur
landans er betri. Allt þetta gerir það
að verkum að fleiri eru farnir að ferð-
ast og ekki einvörðungu að sumar-
lagi heldur allan ársins hring. Yfir
sumartímann ganga áætlunarleiðir
daglega á svæðið og því geta allir sem
vilja heimsótt svæðið. Langstærstur
hluti ferðamanna sem heimsækja
Landmannalaugar stoppar þar við í
aðeins 4–5 klukkustundir.
Þolmörk og manngert umhverfi
Markmið Ferðafélags Íslands er að
hvetja til ferðalaga um Ísland og
greiða fyrir þeim.
Fjöldi ferðamanna hér á landi
hefur aukist mikið síðustu ár og
að sama skapi inn á hálendinu. Ís-
lendingar hafa einnig sótt í sig veðrið
og má greina mikinn áhuga í þjóðfé-
laginu á útivist og ferðalögum. Sífellt
fleiri halda til fjalla til að njóta úti-
vistar og náttúrunnar. Ferðafélag-
ið vill efla þjónustu við þessa ferða-
menn og byggja upp betri aðstöðu.
Náttúruvernd
Ferðafélag Íslands og Umhverfis-
stofnun hafa verið í samstarfi um
árabil. Sjálfboðaliðar hafa komið
hingað til lands að utan og unnið að
stikun og viðhaldi göngustíga meðal
annars á Laugaveginum og á svæðinu
í kringum Landmannalaugar. Þetta
er mjög brýnt og þarft verkefni því
mikil vægt er að viðhalda þeim stígum
sem fyrir eru og stýra göngufólki inn á
rétta leið, það lágmarkar ágang á nátt-
úruna og eykur öryggi ferðamanna.
Umhverfisstofnun hefur formlega
umsjón með svæðinu og ræður land-
verði til starfa. Starf landvarðar er
bæði margþætt og mikilvægt, hann
sér meðal annars um að ferðamenn
fylgi reglum friðlandsins og vinnur
að annarri náttúruvernd. Þörf er á að
fá fleiri landverði til starfa á komandi
árum til að anna öllum þeim verk-
efnum sem liggja fyrir.
Miklu máli skiptir að þeir sem
kjósa að njóta útivistar umgangist
náttúruna af virðingu. Mikilvægt er að
skilja ekki eftir rusl á víðavangi heldur
taka allar umbúðir, klósettpappír og
annað til byggða, einnig er mikilvægt
að fylgja merktum stígum og traðka
ekki á viðkvæmum gróðri. n
n Einn fjölsóttasti ferðamannastaður landsins
Náttúruperlan
Landmannalaugar
„Gestum sem koma
á svæðið gefst
kostur á að baða sig í
heitri náttúrulaug sem er
rétt við skálasvæðið
Vetrarparadís
Aðstæður eru góðar til
vetrarferðamennsku
á fjallabaki og nægur
snjór á fjöllum
Ferðagleði Glaðvær hópur á góðum degi í Landmannalaugum að leggja af stað Laugaveginn.