Dagblaðið Vísir - DV - 21.03.2014, Qupperneq 60

Helgarblað 21.–24. mars 20144 Páskaferðir
Sigldu um síkin
n Þrjár borgir til að heimsækja á vormánuðum n Nóg um að vera í þeim öllum
Amsterdam
n Í höfuðborg Hollands mætast ólíkir menn-
ingarheimar í áhugaverðri útkomu. Fjölbreytn-
in ræður ríkjum innan um falleg síki og sögu-
leg söfn, sem gefa borginni rómantískan blæ.
Skammt frá aðalverslunargötunni má finna safn
sem er tileinkað listamálaranum Vincent van
Gogh. Gaman er að setjast niður á eitt af fjöl-
mörgum kaffihúsum borgarinnar og njóta staðar
og stundar.
Gerðu þetta
Leigðu bát og sigldu um fornfræg síki borgarinn-
ar í rólegheitum. Þannig upplifirðu borgina frá
einstöku sjónarhorni þar sem þú getur fylgst með
fjölbreyttu mannlífi og virt fyrir þér einstakar
byggingar.
Veðrið í apríl
Meðalhiti er í kringum 12 gráður. Veðrið er ekki
ósvipað íslensku sumri.
Boston
n Það er ekki að ástæðulausu að Boston er
jafn vinsæl meðal Íslendinga og raun ber vitni.
Hver og einn getur fundið eitthvað við sitt hæfi
í borginni. Verslanirnar eru fjölmargar, tónlist-
arhefðin er mikil og góðir veitingastaðir eru
löngu orðnir eitt helsta kennimerki borgarinn-
ar. Hafnaboltaáhugamenn geta skellt sér á völl-
inn og horft á hið sögufræga lið Boston Red Sox
leika.
Gerðu þetta
Heimsæktu Harvard-háskólann. Skólinn var
stofnaður árið 1636 og er einn virtasti skóli sinn-
ar tegundar í heiminum. Byggingarlistin þykir
afbragð.
Veðrið í apríl
Veturnir í Boston geta verið kaldir, en vorið og
sumarið er gott. Meðalhiti er 15 gráður.
Glasgow
n Stærsta borg Skotlands var heimsfræg á árum
áður fyrir skipaiðnað. Í dag er hún þekkt sem
mesta viðskiptaborg landsins og vinsæll áfanga-
staður meðal ferðamanna. Menningin rís hátt í
borginni og þar má finna fjölmörg söfn og leik-
hús. Þar á meðal er Kelvingrove Art Gallery and
Museum sem er eitt fjölsóttasta safn heimsins.
Heimamenn taka á móti ferðamönnum með
hlýju viðmóti.
Gerðu þetta
Knattspyrnustórveldin Celtic og Rangers eru
staðsett í Glasgow og er afar góð stemning á
leikjum liðanna. Tugþúsundir áhorfenda troð-
fylla gríðarstóra leikvanga þeirra á hverjum leik
og syngja sig hása.
Veðrið í apríl
Meðalhiti er átta gráður. Veðrið getur verið sveiflu-
kennt á þessum tíma, en yfirleitt er það stillt.
Rómuð snjóþyngsli og náttúrufegurð í Fljótum
Skíðagöngumót fyrir alla fjölskylduna á skírdag
F
erðafélag Austur-Fljóta
stendur fyrir skíðagöngumóti
í Fljótum fyrir alla fjöl-
skylduna, skírdag 17. apr-
íl 2014. Fljótin eru vel í sveit
sett með snjóalög. Í Fljótum er yf-
irleitt nægur snjór sem býður upp
á fjölbreyttar brautir nærri byggð.
„ Skorað er á alla fjölskylduna, unga
sem aldna að taka nú fram skíðin
og taka þátt í þessu sérstaka móti í
gömlu höfuðbóli skíðaíþróttarinn-
ar,“ segir Björn Ásgrímsson, einn
aðstandenda mótsins, en í Fljótun-
um er hefð fyrir skíðagöngu, rómuð
snjóþyngslin tryggja skíðafæri langt
fram eftir vori.
Nokkrar þekktar kempur eru frá
svæðinu, þeirra á meðal Trausti
Sveinsson frá Bjarnagili sem tók þátt
í Ólympíuleikunum í Innsbruck í
Austurríki árið 1976. Vagga skíða-
íþróttarinnar var lengi vel í Fljótun-
um og þar haldin stór skíðamót. Nú
er útlit fyrir að hefðin verði endur-
vakin.
Gengnar verða stuttar vegalengdir í
öllum flokkum barna, unglinga og full-
orðinna. Keppt verður með hefðbund-
inni aðferð. Aðstoð og ráðleggingar
verða veittar varðandi smurningu
og áburð. Keppt verður í eftirfarandi
vegalengdum í öllum aldursflokkum:
3 km, 5 km, 10 km og 20 km.
Mótsgjald er 2.000 krónur fyrir
hvern þátttakanda 16 ára og eldri
en 1.000 krónur fyrir þá yngri. Þátt-
takendur fá fríar veitingar að keppni
lokinni í félagsheimili Fljótamanna,
Ketilsási. Gistimöguleikar eru á
Bjarnagili í Fljótum og einnig á Siglu-
firði. n kristjana@dv.is
Vagga skíðaíþróttarinnar Vagga skíðaíþróttarinnar var lengi vel í Fljótunum og þar
haldin stór skíðamót.
Alvöru
sjósund á
Skaganum
Fyrir þá allra hörðustu
Langisandur á Akranesi var um
árabil eitt best geymda útivistar-
leyndarmál suðvesturhornsins
en það hefur sem betur fer breyst
á undangengnum árum. Þessi
sandgyllta útivistarperla er fjöl-
sótt yfir sumartímann en það vita
kannski ekki allir að ströndin,
sem svipar svo til erlendra sólar-
stranda, er ekki síður vinsæl yfir
vetrartímann. Það er fátt fegurra
en góður göngutúr með fram
sjávarsíðunni í sólarlaginu þegar
dagarnir eru sem stystir. En þeir
sem fara hvað fremstir í flokki
þeirra sem nýta sér Langasand
yfir vetrartímann eru sjósund-
kappar. Aðstæður við Langasand
í námunda við íþróttasvæði Akra-
neskaupstaðar er eins og best
verður á kosið og eru þaulreynd-
ir sjósundkappar á því að þar
séu aðstæður eins og þær gerast
bestar til þessarar iðkunar. Sjó-
sund nýtur enda sívaxandi vin-
sælda í bænum og hefur myndast
vaskur félagsskapur
sjósundkappa,
í Sjósund-
félagi Akra-
ness, í kring-
um áhugamálið.
Hittist hópurinn
reglulega og skell-
ir sér út í ískalt hafið eldsnemma
morguns um helgar allan ársins
hring. Fullyrða menn að ekki sé
til betri leið til að byrja daginn.
Slík er snilldin, umhverf-
ið og aðstaðan segja þeir sem
til þekkja að óhætt er að mæla
með Langasandi fyrir alla áhuga-
menn um sjósund. Fyrir fólk
hvaðanæva að af landinu má
gera sér lauflétta ferð á Akranesi
yfir páskana og gera sér glaðan
dag með fjölskyldunni hjá gest-
risnum Skagamönnum. Eftir að
menn hafa buslað í sjónum má
ylja sér yfir kaffibolla og „me'þí“
á veitingahúsum bæjarins eða
á Garðakaffi á safnasvæðinu á
Akranesi. Má samnýta þá ferð
til að kíkja á eitt stærsta steina-
safn landsins í Steinaríki Íslands
sem og kynna sér íþróttasöguna
á Íþróttasafni Íslands. Allt undir
einu þaki. Í hverjum mánuði eru
svo að jafnaði nýjar listsýningar í
Safnaskálanum.
Þetta getur
bjargað þér
Fæstir búast við því að þurfa
á aðstoð björgunarsveita að
halda þegar þeir leggjast í ferða-
lög, en slys eiga sér stað og þá
er gott að vera við öllu búinn.
Snjallsímaforritinu 112 Iceland
er ætlað að auka öryggi ferða-
fólks á Íslandi, bæði erlendra
ferðamanna og innlendra. Með
því geta ferðamenn bæði kall-
að eftir aðstoð og skilið eftir sig
slóð með mikilli nákvæmni, en
upplýsingarnar geta skipt sköp-
um þegar neyðarkall berst. For-
ritið tengir sig inn á símasam-
band og virkar því svo lengi sem
símasamband er fyrir hendi.112
snjallsímaforritið er verðlaunað
forrit og eru ferðamenn hvatt-
ir til þess að sækja það áður en
þeir leggja af stað. Þá eru Ís-
lendingar sem vita af erlendum
ferðamönnum sem hyggja á
ferðalög hér á landi hvattir til að
útskýra fyrir þeim gagnsemi for-
ritsins og mikilvægi þess.