Dagblaðið Vísir - DV - 02.03.2012, Síða 2

2 Fréttir 2.–4. mars 2012 Helgarblað
Björgólfur aftur
ríkastur
Björgólfur
Thor Björg­
ólfsson, fjárfestir
og eigandi sam­
heitalyfjafyrir­
tækisins Actavis,
skoðar nú mögu­
leikann á því að
selja fyrirtækið til bandaríska lyfja­
fyrirtækisins Watson. Þetta kom
fram í DV á mánudag. Ef Björg­
ólfur Thor nær að selja Actavis
fyrir meira en fimm milljarða evra,
rúmlega 832 milljarða króna, mun
hann persónulega, ásamt lykil­
starfsmönnum Actavis, fá 30 pró­
senta hlutdeild í þeim hagnaði.
Björgólfur Thor mun persónulega
fá 80 prósent af þessum 30 pró­
senta hagnaði ef það næst að selja
Actavis fyrir meira en fimm millj­
arða evra.
94 ára í fangelsi
„Á með­
an hvorki
elliheimilin né
önnur úrræði
á vegum heil­
brigðisyfirvalda
geta gert neitt
þá sitjum við
bara uppi með
þetta og við
verðum bara að gera það sem við
getum.“ Þetta sagði Páll Winkel
fangelsismálastjóri í DV á mánu­
dag þegar hann var spurður um
það að 94 ára karlmaður hafi hafið
afplánun á Kvíabryggju í síðustu
viku. Páll sagði að aldrei áður hafi
svo gamall fangi komið til afplán­
unar. Maðurinn er fæddur árið
1918. Hann var árið 2008 dæmd­
ur í fjögurra ára fangelsi fyrir gróf
kynferðisbrot gagnvart barnabarni
sínu.
Agné fyrir dómi
Aðalmeð­
ferð í máli
Agné Krata­
viciuté, sem
ákærð hefur ver­
ið fyrir að bana
nýfæddu barni
sínu, fór fram
í Héraðsdómi
Reykjavíkur í
vikunni. Agné neitar staðfastlega
sök og segist aldrei hafa haft vitn­
eskju um að hún væri með barni.
Þá sagðist hún ekki muna eftir að
hafa fætt barn. Í von um viðbrögð
sýndi saksóknari Agné blað þar
sem voru fjórar myndir sem tekn­
ar voru af nýfæddu barni hennar
látnu. „Vekur þetta ekki upp nein­
ar minningar,“ spurði saksóknari
og hélt myndunum á lofti. Agné
sat, horfði svipbrigðalaus á blaðið
og svaraði neitandi.
Fréttir vikunnar í DV
1
2 3
- getur m.a. hjálpað ef þú finnur fyrir:
Sjúkraþjálfari framkvæmir göngugreiningu hjá Heilsulandi
Aumum hælum
Beinhimnubólgu
Verkjum í iljum
Þreytuverkjum og
pirring í fótum
Verkjum í hnjám
Verkjum í baki eða
mjöðmum
Hásinavandamálum
Sérfræðingar Heilsulands eru Ásmundur Arnarsson
og Jónas Grani Garðarsson sjúkraþjálfarar
GÖNGUGREINING
Hreindýrakvótinn
eykst um 300 dýr
Þ
að besta er að þetta er sam­
bærilegt við hreindýraveið­
ina hér heima þegar kem­
ur að verði,“ segir Stefán
Sigurðsson, sölustjóri og einn
eigenda Lax­á ehf. Fyrirtækið, sem
sérhæfir sig í sölu veiðileyfa á Íslandi
og raunar víða um heim, hefur undir­
ritað samning við Stefán Magnússon,
hreindýrabónda á Grænlandi, um
einkarétt á hreindýraveiði við Qaersu­
arsuuk á suðvesturströnd Grænlands.
Samningurinn er til 20 ára.
Færri komast að en vilja
Í samningnum felst að veiðimenn á
vegum Lax­á hafa heimild til að fella
allt að 300 dýr árlega. Með því fjölgar
þeim hreindýrum sem Íslendingum
stendur til boða að fella umtalsvert,
eða um 30 prósent. Á þessu ári er
leyfilegt að fella rétt ríflega eitt þús­
und dýr úr íslenska hreindýrastofn­
inum; 558 tarfa og 421 kú. Áhugi
íslenskra veiðimanna á hreindýra­
veiðum er gríðarlegur því alls bár­
ust 4.328 umsóknir um leyfi til að
fella hreindýr á þessu ári. Því liggur
fyrir að ríflega þrjú þúsund og þrjú
hundruð veiðimenn fá ekki að veiða
hreindýr á Íslandi á árinu.
Hóflegt verð
Á heimasíðu Lax­á kemur fram að
þriggja til fjögurra nátta túr til Græn­
lands, þar sem allt nema fæði er
innifalið, þar á meðal eitt veiðileyfi
á hreindýr, kostar um þrjú hundruð
þúsund. Í því samhengi má benda á
að veiðileyfi á hreindýrstarf á Íslandi
kostar eitt og sér 135 þúsund krón­
ur. Við þann kostnað bætist greiðsla
til leiðsögumanns í einn eða fleiri
daga, ferðakostnaður, gisting og ann­
að uppihald. Þá greiða menn oft fyrir
aðstoð við að gera að hreindýrinu að
veiði lokinni. Þó kostnaðurinn við
hreindýraveiðar á Íslandi geti verið
misjafn eftir því hvernig veiðin sæk­
ist og um hversu langan veg menn
þurfa að fara, er ljóst að ferðirnar
sem Lax­á býður upp á til Grænlands
eru á sanngjörnu verði.
Hugsað til framtíðar
Lax­á, sem hefur verið starfrækt í um
25 ár, hefur reynslu af því að skipu­
leggja ferðir sem þessar því fyrirtæk­
ið bauð upp á ferðir til hreindýra­
veiða til Grænlands fyrir um áratug.
„Við hugsum þetta til framtíðar. Við
ætlum að byggja upp miklar veiði­
búðir á svæðinu fyrir veiðimennina
okkar, bæði fyrir þá sem koma til að
renna fyrir silung og hreindýr. Svo er
eitthvað um rjúpu þarna á svæðinu
og við munum athuga hvort slíkar
veiðar koma til greina,“ segir Stefán
en fyrirhugað er að byggja 12 svefn­
skála ásamt eldunaraðstöðu, matar­
skála og bryggju.
Stórir tarfar
Veiðisvæðið sem um ræðir spannar
400 ferkílómetra og dýrin eru að sögn
dreifð um marga dali, eyjar og firði.
Um er að ræða einu hreindýrahjörð­
ina í þessum landshluta. Fram kem­
ur á heimsíðu Lax­á að Grænland sé
þekkt fyrir stóra og fallega tarfa sem
mikið sé um á svæðinu. Leiðsögu­
menn og bátar verði til taks í búðun­
um og þeir flytji veiðimenn á milli eyja
og fjarða, bæði til skot­ og stangveiða.
Veiðimenn geti tekið með sér kjöt til
baka að fengnu leyfi frá landbúnað­
arráðuneyti og uppfylltum skilyrðum
og muni Lax­á annast milligöngu um
það sé eftir því óskað. „Þegar veiði­
menn hafa fellt sitt dýr er upplagt að
renna fyrir bleikju í einhverri af þeim
óteljandi ám og vötnum sem eru á
svæðinu eða fara á sauðnautaveiðar,“
segir á heimasíðunni.
Stefán segist strax finna fyrir mikl­
um áhuga íslenskra veiðimanna,
brjálað hafi verið að gera frá því fyrst
var greint frá samningnum. „Þetta er
sannkölluð ævintýraferð,“ segir hann.
Virðast vera að tryggja gæði
„Það sem ég hef heyrt af hreindýra­
veiðum á Grænlandi í gegnum tíð­
ina hefur verið svolítið misjafnt.
Margir eru mjög ánægðir en aðr­
ir hafa sagst hafa haldið sig vera að
kaupa betri pakka. Það sem Lax­á
virðist vera að gera er að stíga skref
að því að tryggja gæði í þessum ferð­
um,“ segir Elvar Árni Lund, formað­
ur Skotveiðifélags Íslands. Honum
líst vel á það sem Lax­á hefur upp á
að bjóða og segir að eftirspurnin um
veiðar utan Íslands hafi verið vax­
andi. „Þetta er mjög spennandi. Við
höfum fundið fyrir því að menn eru
að fara í auknum mæli til útlanda í
alls konar veiðar; bæði hreindýra­
veiðar og annað.“ Spurður hvort
hann hafi sjálfur veitt hreindýr utan
Íslands segir hann svo ekki vera. „En
það gæti alveg orðið af því,“ segir
hann léttur í bragði.
n Lax-á hefur samið við Stefán Magnússon á Grænlandi um veiðar
„Það sem Lax-á
virðist vera að gera
er að stíga skref að því
að tryggja gæði í þessum
ferðum.
Elvar Árni Lund, formaður Skotvís
Baldur Guðmundsson
blaðamaður skrifar baldur@dv.is
Með góðan feng Ánægður rússneskur veiðimaður eftir vel heppnaða veiði á Grænlandi. Þar er að finna stóra og fallega tarfa. Mynd Lax-á
Mikil eftirspurn Stefán segir Lax-á horfa
til framtíðar enda er samið til 20 ára.
Mynd Úr einkaSaFni
Öryggisvörður ársins:
„Bjargaði
lífi mínu“
„Hann bjargaði lífi mínu,“ segir
Helga Harðardóttir um Daníel Þór
Ingólfsson sem er einn af öryggis­
vörðum ársins 2011 hjá Öryggis­
miðstöðinni. Daníel sinnti útkalli
4. nóvember síðastliðinn en þá
hafði neyðarkall borist stjórnstöð
rétt eftir miðnætti. Í tilkynningu
um val öryggisvarðar ársins kem­
ur fram að Daníel Þór hafi verið
mættur á staðinn fáeinum mín­
útum síðar.
„Hún hafði dottið og gat ekki
komist á fætur af sjálfsdáðum.
Nokkur reykur hafði myndast í
íbúðinni frá potti sem var á hellu,“
er haft eftir Daníel í tilkynning­
unni en þar segist Helga hafa verið
að flóa mjólk. „Ég hafði engan
kraft til að koma mér á fætur eða
hreyfa mig til. Þarna bjargaði
hnappurinn og öryggisvörðurinn
lífi mínu. Ég hafði áður látið taka
rafhlöðuna úr reykskynjaranum
hjá mér þar sem hann var sífellt að
fara í gang þegar ég eldaði. Þannig
að enginn hefði komið mér til
aðstoðar ef ég hefði ekki haft ör­
yggishnappinn á mér,“ er haft eftir
Helgu.
Í samráði við hjúkrunarfræðing
á stjórnstöð Öryggismiðstöðvar­
innar var sjúkrabíll kallaður til og
Helga færð til öryggis til skoðunar
á sjúkrahús. Daníel Þór færði pott­
inn út á svalir og opnaði glugga til
að reykræsta íbúðina.
Daníel Þór var valinn öryggis­
vörður ársins ásamt Sigurði E.
Kristjánssyni og Þorsteini R. Ing­
ólfssyni, sem allir komu að þessu
útkalli. 
Ásamt blómvendi var Helgu
færður sérstakur reykskynjari sem
er beintengdur öryggishnappn­
um þannig að hann sendir boð til
stjórnstöðvar Öryggismiðstöðvar­
innar samstundis þegar hann fer
í gang. Slíkur reykskynjari er nú
staðalbúnaður og fylgir án auka­
gjalds með öllum nýjum öryggis­
hnöppum frá Öryggismiðstöðinni,
að því er fram kemur í tilkynningu.
Á hverju ári vinna öryggisverðir
frábær afrek, oft við erfiðar að­
stæður. Í tilkynningu frá Öryggis­
miðstöðinni kemur fram að oft á
tíðum sé þjónusta sem þeir veita
langt umfram það sem telja má
að rúmist innan hefðbundinna
starfsskyldna. Eru verðlaunin
meðal annars veitt til að rifja upp
einstök afrek ársins og verðlauna
það sem vel er gert. Á myndinni
að ofan eru Daníel og Helga.