Dagblaðið Vísir - DV - 29.08.2014, Blaðsíða 2

2 Fréttir Helgarblað 29. ágúst–1. september 2014
1 matsk. safieða 1 hylki.
F æ s t í a p ó t e k u m , h e i l s u b ú ð u m , F j a r ð a r k a u p o g K r ó n u n n i .
Jafnvægi og vellíðan
lifestream™
nature’s richest superfoods
„Það var búið að
eyðileggja þetta hús“
n Túngata 7 færð í upprunalegt horf n Mun hugsanlega hýsa sendiráð
N
ú standa yfir framkvæmdir
við hið reisulega hús við
Túngötu 7, en félagið Potter
ehf. keypti það af Geðhjálp í
fyrrahaust. Fram hefur kom-
ið að kaupverðið hafi verið tæpar
180 milljónir króna, en fasteignamat
hússins er rúmar 120 milljónir. Potter
ehf. er dótturfélag fjárfestingafélags-
ins Gift ehf.
Húsið, Túngata 7, er byggt árið
1944 og er ekki friðað. Eigendur þess
hafa því nokkuð frjálsar hendur hvað
varðar breytingar, innandyra sem
utan. „Allt nema fikta í burðarvirkjum
og breyta lögnum. Við gerum það
ekki nema að fengnu leyfi,“ segir Þor-
leifur Björnsson, stjórnarmaður í
Potter ehf.
„Húsið verður bara flottara“
Þorleifur segist ekki hafa heyrt nein-
ar óánægjuraddir með breytingarnar
og veit ekki betur en að nágrannarn-
ir séu sáttir. „Þetta er allt í friði,“ seg-
ir hann. „Húsið verður bara flottara.
Við ætlum að færa það aftur í upp-
runalegt horf. Það var búið að eyði-
leggja þetta hús og nú er verið að
gera það betra. Það var búið að eyði-
leggja gluggana á neðri hæðinni.
Það var eyðilegt á meðan ríkið hélt á
húsinu. Það voru gerðar svokallaðar
augnstungur. Gluggarnir voru tekn-
ir úr á neðri hæðinni og sett heilgler.“
Að sögn Þorleifs er nú verið að setja
glugga með mörgum litlum rúðum,
eins og eru á efri hæðum hússins.
Aðspurður segir Þorleifur lítið
þurfa að gera innandyra annað en
að skipta um gólfefni, en skipulag
hússins hentar vel starfseminni sem
fyrirhuguð er í því.
Leigjendur á vegum
utanríkisþjónustunnar
Til stendur að framkvæmdum við
húsið ljúki um miðjan september og
í kjölfarið flytja nýir leigjendur inn, en
Þorleifur vildi lítið gefa upp um hverj-
ir það væru. Samkvæmt heimildum
DV er um að ræða leigjendur á veg-
um utanríkisþjónustunnar, en Við-
skiptablaðið greindi frá því í október
í fyrra að indverska sendiráðið hefði
sýnt áhuga á húsinu. Það hefur þó
ekki fengist staðfest að þeir séu hinir
nýju leigjendur.
Svæðið er vinsælt fyrir sendiráð,
en á nánast sama bletti eru bæði rúss-
neska sendiráðið við Garðastræti 33
og það kanadíska við Túngötu 14.
Geðhjálp fékk húsið að gjöf
Húsið er um 560 fermetrar að stærð
með bílskúr, en það er teiknað af
Einari Erlendssyni arkitekt. Það var
Gísli J. Johnsen, kaup-, ræðis- og út-
gerðarmaður, sem byggði húsið og
bjó þar með eiginkonu sinni Önnu E.
Ó. Johnsen. Eftir andlát eiginmanns
síns gaf Anna íslenska ríkinu húsið
til minningar um hann. Ríkið gaf svo
Geðhjálp húsið árið 1998.
Þegar Potter ehf. keypti húsið
var ljóst að það þarfnaðist töluverðs
viðhalds, en það var ein af ástæðum
þess að Geðhjálp ákvað að selja. Um
það mun þó ekki hafa verið sam-
staða í fyrstu. Þegar ný stjórn tók við í
Geðhjálp árið 2011 hafði borist í það
tilboð upp á 100 milljónir, en því var
hafnað. Vildi nýja stjórnin bíða og
skoða aðra möguleika. Ljóst var þó
að mikið viðhald væri fram undan og
stjórnin sem tók við í kjölfarið ákvað
að það besta í stöðunni væri að selja
húsið til að grynnka á skuldum fé-
lagsins. n
Sólrún Lilja Ragnarsdóttir
solrun@dv.is
Svona var húsið Á þessari
mynd af Túngögu 7 sést að á
neðstu hæð hússins eru glugga-
rnir öðruvísi en á efri hæðunum.
Þorleifur segir að á því hafi verið
gerðar svokallaðar augnstungur.
Mynd SiGtRyGGuR ARi
upprunalegt horf Nú er búið að skipta um glugga á neðstu hæðinni og setja þar glugga
með mörgum litlum rúðum. Mynd SiGtRyGGuR ARi
„Gluggarnir
voru teknir
úr á neðri hæðinni
og sett heilgler
Leiðir öryrkja til
að sækja rétt
Eygló Harðardóttir, félags- og
húsnæðismálaráðherra, hefur
skilað Alþingi skýrslu um leiðir
öryrkja til að sækja rétt sinn inn-
an stjórnsýslunnar. Í skýrslunni
er meðal annars fjallað um kæru-
heimildir, málskot til dómara og
kvartanir til umboðsmanns Al-
þingis og gefið yfirlit um réttindi
sem leiða af örorkumati. Í skýr-
slunni er farið yfir þær reglur
sem gilda um ákvarðanatöku
innan stjórnsýslunnar og hvaða
reglur gilda þegar einstaklingur
er ósáttur við þá niðurstöðu sem
fæst í máli hans og vill leita réttar
síns. Einnig er gefið yfirlit yfir þau
réttindi hjá opinberri stjórnsýslu
sem verða virk þegar einstakling-
ur fær örorkumat og hvernig eigi
að nálgast þau. Eins er tilgreint
hvert unnt sé að skjóta ákvörðun-
um um réttindi og skyldur. Loks
er ítarlega fjallað um kæruleiðir
í málum.
Verðtryggingin lögmæt
Álitið hefur verið birt en það er ráðgefandi fyrir íslenska dómstóla
E
FTA-dómstóllinn hefur gefið út
ráðgefandi álit í máli Gunnars
V. Engilbertssonar gegn Ís-
landsbanka hf., en í málinu
var tekist á um lögmæti skilmála um
verðtryggingu í húsnæðislánasamn-
ingum.
Upphaf málsins má rekja aftur til
ársins 2007, þegar Gunnar tók hús-
næðislán hjá bankanum upp á 4,4
milljónir króna. Lánið var verðtryggt,
líkt og langflest húsnæðislán eru og
hækkaði höfuðstóll lánsins mik-
ið sökum verðbólgu og ákvað Eng-
ilbert því að reyna á lögmæti verð-
tryggingarinnar með því að höfða
mál gegn bankanum.
Héraðsdómur hafði fallist á að
leitað yrði ráðgefandi álits EFTA-
dómstólsins á túlkun á Evróputil-
skipun 93/13/EBE frá árinu 1993
um óréttmæta skilmála í neytenda-
samningum. Íslandsbanki kærði úr-
skurðinn til Hæstaréttar sem ákvað
að leita skyldi til EFTA-dómstólsins
eftir ráðgefandi áliti.
EFTA-dómstóllinn kvað upp mat
sitt á fimmtudag, en þar kemur fram
að þessi Evróputilskipun leggi ekki
almennt bann við skilmálum um
verðtryggingu veðlána í samningum
milli veitenda og neytenda. EFTA-
dómstóllinn segir það vera lands-
dómsins að meta hvort umrædd-
ur skilmáli sé óréttmætur. Segir enn
fremur í mati EFTA-dómstólsins að
matið verði að taka mið af skýringu
dómstólsins á hugtakinu „óréttmæt-
ur skilmáli“.
Már Guðmundsson seðlabanka-
stjóri hefur tjáð sig í fjölmiðlum í
kjölfar álitsins. Hann sagði til að
mynda að hann „andi léttar“ núna,
enda hafi ákveðinni óvissu, sem snýr
að fjármálastöðugleika í landinu,
verið eytt. n jonsteinar@dv.is
Verðtryggð húsnæðislán lögleg
EFTA-dómstóllinn telur verðtryggingu falla
innan tilskipunar ESB um neytendalán, en
íslenskir dómstólar munu engu að síður eiga
síðasta orðið.
Hættur að
skrifa í
Fréttablaðið
Þorsteinn Pálsson, fyrrverandi
forsætisráðherra og fyrrverandi
ritstjóri Fréttablaðsins, er hættur
að skrifa fasta pistla í blaðið,
eins og hann hefur gert árum
saman. Í bréfi til yfirmanna
365 kom fram að með þessari
ákvörðun væri hann ekki að taka
afstöðu til nýrra yfirmanna á rit-
stjórn Fréttablaðsins. „Hitt er að
í framhaldi af fráhvarfi forstjóra
félagsins fyrr í sumar og nú rit-
stjóra, sem tengsl mín við blað-
ið hafa helst byggst á, tel ég að
þau vatnaskil hafi orðið sem gera
þetta óhjákvæmilegt.“