Dagblaðið Vísir - DV - 29.08.2014, Blaðsíða 46

46 Menning Helgarblað 29. ágúst–1. september 2014
Nýtt lag
frá Elízu
Heldur tónleika á Ljósanótt
Tónlistarkonan Elíza Newman
hefur sent frá sér lagið Flösku-
skeyti. Lagið er fáanlegt á tonlist.
is en það er fyrsta lagið sem fer í
spilun af væntanlegri fjórðu breið-
skífu söngkonunnar sem Lava-
land Records gefur út. Lagið er
samið af Elízu og Gísla Kristjáns-
syni sem einnig stjórnar upptök-
um. Sunnudaginn 7. september
mun Elíza halda tónleika á Ljósa-
nótt í Reykjanesbæ, nánar tiltekið í
Kirkjuvogskirkju í Höfnum en tón-
leikarnir hefjast klukkan 16.00. Þar
mun Elíza spila ýmis lög af ferlin-
um, allt frá Kolrössu til Eyjafjalla-
jökuls ásamt því að frumflytja nýja
lagið. Aðgangur er ókeypis á tón-
leikana en frjáls framlög til styrktar
viðhaldi Kirkjuvogskirkju sem varð
fyrir umtalsverðu tjóni nýverið.
Ragnhildur
í Neskirkju
Sunnudaginn 31. ágúst verður
opnuð í safnaðarheimili Nes-
kirkju sýning á verkum listakon-
unnar Ragnhildar Stefánsdóttur.
Sýningin ber yfirskriftina Skynjun
og á henni er að finna þrjú verk:
Vox populi, sem er hugleiðing
um tunguna, Svo á himni sem á
jörðu, sem er um augað, og Innút,
sem er um þefskynið. Ragnhildur
sem einnig er hómópati er þekkt
fyrir að nota ýmsa líkamshluta
á óvæntan hátt í verkum sínum
en líkaminn er sá efniviður sem
hún vinnur helst með. Ragnhild-
ur lauk námi frá Myndlista- og
handíðaskóla Íslands árið 1981
og stundaði síðan framhaldsnám
í Bandaríkjunum, fyrst í Minnea-
polis College of Art and Design
en síðar í Carnegie-Mellon Uni-
versity í Pennsylvaníu.
Málar með
líkamanum
Silja Hinriksdóttir listakona opnar
sýninguna Silja Hinriks í Grósku
þann 11. september. Sýningin
stendur stutt yfir eða til 14. sept-
ember en á sýningunni mun Silja
sýna verk sem hún hefur unnið
að síðastliðið ár. Verkin eru unn-
in þannig að Silja notar líkama
sinn til þess að koma verkunum á
striga. Silja segir líkamsprent leika
mikilvægt hlutverk í að kanna
hver raunveruleg birtingarmynd
kvenlíkamans sé.
Reið Er fyrsta frum-
sýning á nýju leikári í
Borgarleikhúsinu.
Mörkin milli konu og hryssu
Dansverkið Reið frumsýnt á laugardaginn
D
ansverkið Reið verður frum-
sýnt í Borgarleikhúsinu á
laugardaginn klukkan 21.30
en þetta er fyrsta frumsýn-
ing nýs leikárs. Um er að ræða nýtt
íslenskt dansverk en höfundar
þess eru dansararnir og danshöf-
undarnir Steinunn Ketilsdóttir og
Sveinbjörg Þórhallsdóttir.
Í fréttatilkynningu um sýn-
inguna segir að svið stígi „Níu
flóknar skepnur. Glæsilegar, ljós-
ar yfirlitum, holdugar, loðnar og
gljáandi. Dásamlega dramatískar,
skapmiklar, villtar og viðkvæmar.
Þær eru með tígulegan limaburð,
langan háls, sterka leggi, breið bök
og mjúkar línur. Þægar en óút-
reiknanlegar, varar um sig, þolin-
móðar og gáfaðar. Tillitssamar,
kærleiksríkar, kynæsandi og kraft-
miklar. Þetta eru hraustar, frjóar og
geðþekkar gyðjur.“
Í verkinu skoða þær Steinunn
og Sveinbjörg mörkin á milli kon-
unnar og hryssunnar. Hvernig þær
endurspegla hvor aðra en í til-
kynningu Borgarleikhússins segir
að samlíkingin bjóði upp á margar
spaugilegar myndir en geti um
leið varpað ljósi á önnur og jafn-
vel dekkri málefni lífsins. Kveikt
spurningar um eðli náttúrunn-
ar og grunnþarfir bæði manna og
skepna. Svo sem kærleika, um-
hyggju, samstöðu og samkeppni.
Jóní Jónsdóttir sér um bún-
inga á sýningunni og Andra Gylfa-
dóttir um tónlist en dansarar eru
þær Díana Rut Kristinsdóttir, Elín
Signý W. Ragnarsdóttir, Eydís Rose
Vilmundardóttir, Gígja Jónsdótt-
ir, Halla Þórðardóttir, Saga Sig-
urðardóttir, Snædís Lilja Ingadótt-
ir, Valgerður Rúnarsdóttir og Védís
Kjartansdóttir. n
Roth Bar & Grill í Somerset
n Íslenskt yfirbragð á alþjóðlegri listamiðstöð n Roth Bar & Grill „lifur“
Ásgeir Jónsson
asgeir@dv.is
L
íkt og DV greindi frá fyrr
í sumar opnaði Hauser &
Wirth-galleríið listamið-
stöð í hinu margrómaða
landbúnaðarhéraði Somer-
set á Englandi. Óhætt er að segja
að miðstöðin hafi að hluta sér-
íslenskt yfirbragð þar sem Roth-
feðgar, Þeir Björn og Oddur, sáu
um að smíða og hanna veitinga-
stað og bar sem leikur mikilvægt
hlutverk í heildarupplifun staðar-
ins. Roth-feðgar smíðuðu einnig
bókabúð og sitthvað fleira en þeir
halda aftur út í september til að
smíða verslun sem mun selja vör-
ur úr nágrenninu.
Samfélagið kemur saman
„Þetta er svolítið magnað verkefni,
að koma upp þessari listamiðstöð.
Þetta hefur víða verið reynt með
misjöfnum árangri en þarna sam-
tvinnast allt samfélagið við þessa
miðstöð sem er í raun miklu meira
en bara listamiðstöð,“ segir Björn
Roth. „Þarna er stórt gallerí, sýn-
ingarsalir, verslanir, veitingastaður
og bar. Síðan verður þarna líka
kennsluprógramm í gangi í sam-
starfi við grunn- og háskóla í ná-
grenninu. Í bæjunum Broughton,
Bath og Frome sem eru skólabæir.
Síðan er þarna mikið af stúdíóum
og íbúðum fyrir listamenn.
Síðast en ekki síst eru þeir með
veitingahús, Roth Bar & Grill, sem
við Oddur settum saman. Þeir eru
líka með öfluga bókaverslun og
núna í lok september erum við að
fara að hanna og smíða Farmers
Store. Þar verða seldar afurðir út
nágrenninu svo sem nautakjöt,
hænur og kindur, grænmeti og svo
framvegis.“
Lifur í Somerset
Til marks um þá forgangsröð og
hugsjón sem miðstöðin er byggð
á segir Björn að fyrst hafi verið
haldin opnun fyrir fólkið í sveitun-
um. „Fyrsta opnunin sem var
haldin var fyrir fólkið í Broughton
og sveitunum í kring og það mættu
á bilinu 4.000–5.000 manns. Síð-
an var haldin opnun fyrir alþjóða-
listasamfélagið,“ en það eru hjónin
Iwan og Manuella Wirth sem eru
hugmyndasmiðirnir og eigendur
Hauser & Wirth-galleríkeðjunnar.
„Hauser & Wirth Somerset er
því ekki bara listamiðstöð heldur
er lögð áhersla á að þarna sé fjöl-
breytt dagskrá í gangi. Meðal
annars veitingastaður og bar með
lifandi músík og uppákomum þar
sem nóg er af mat og drykk. Þannig
að Roth Bar & Grill er kannski ekki
eins og hjarta, heldur lifur staðar-
ins.“ n
„Roth Bar & Grill
er kannski ekki
eins og hjarta, heldur
lifur staðarins.
Oddur sagar þakið af
„Við fengum til afnota Toyota-
jeppa með við unnum verkið.
Þegar konur og fjölskyldan
komu fyrir opnunina vantaði
okkur stærra faratæki. Þannig
að við söguðum þakið af
bílnum og breyttum honum í
hálfgerða rútu. Pallbíl fyrir 11
manns. Konurnar í hópnum
saumuðu svo segl á pallinn
úr handgerðum teppum frá
Somerset. Bræðurnir (Oddur
og Einar) voru snöggir að
þessu og það fyndna er að
bíllinn fékk nýlega skoðun,“
segir Björn. Mynd BJaRni GRíMSSOn