Dagblaðið Vísir - DV - 29.08.2014, Blaðsíða 4

4 Fréttir Helgarblað 29. ágúst–1. september 2014
Fjölbreyttar vörur
í öllum litum fyrir
bæjarhátíðina!
FAXAFEN 11 • 108 REykjAvík • 534-0534
Stofnandi eineltissamtaka
grunaður um kynferðisbrot
Jóhannes Óli er grunaður um að hafa brotið gegn tveimur drengjum
3
2 ára karlmaður sem nú situr
í gæsluvarðhaldi á Akur­
eyri vegna gruns um kyn­
ferðisbrot gegn tveimur átta
ára drengjum um miðjan
ágúst, er stofnandi eineltissamtak­
anna Sólskinsbarna, Jóhannes Óli
Ragnarsson. Hann er einnig skráð­
ur formaður samtakanna. Jóhann­
es var upphaflega úrskurðaður í
gæsluvarðhald í átta daga, en síðast­
liðinn föstudag var gæsluvarðhaldið
framlengt til 19. september á grund­
velli almannahagsmuna. Drengirn­
ir tveir, sem hann er grunaður um
að hafa brotið gegn, eru vinir. Sam­
kvæmt heimildum DV voru þeir að
leik og spörkuðu óvart bolta í bíl við
fjölbýlishús í Brekkunni á Akureyri.
Jóhannes kom þá aðvífandi og setti
drengjunum afarkosti, annaðhvort
myndi hann hringja á lögregluna
eða þeir kæmu með honum upp í
íbúðina hans.
Grunaður um rassskellingar og
kynferðisbrot
Að sögn Gunnars Jóhannsson­
ar, lögreglufulltrúa á Akureyri,
fylgdu drengirnir Jóhannesi upp
í íbúðina, en þar er hann grun­
aður um að hafa rassskellt þá og
brotið gegn þeim kynferðislega.
Drengirnir sögðu foreldrum sín­
um frá atvikinu, sem í kjölfarið til­
kynntu það til lögreglu. Jóhann­
es tengist drengjunum ekki með
neinum hætti og aðeins er um að
ræða þetta eina tilvik. Gunnar segir
málið enn í rannsókn og að henni
miði vel. „Málið verður svo sent
ríkissaksóknara innan tíðar og þar
verður tekin ákvörðun um ákæru.“
Aðspurður hvort mál sem fari til
ríkissaksóknara séu ekki líkleg til
ákæru, segir Gunnar: „Oftast nær,
en ekki alltaf. Öll kynferðisbrotamál
eru send til ríkis saksóknara sem
tekur ákvörðun um hvort ákært er
í málinu eða það látið niður falla.“
Lenti í slæmu einelti
Þegar samtökin Sólskinsbörn voru
formlega stofnuð fyrir ári kom Jó­
hannes fram í DV og lýsti erfiðri
reynslu sinni af einelti. Það byrjaði í
fyrstu sem saklaus stríðni en ágerð­
ist mikið á fyrstu árum hans í grunn­
skóla. „Í frímínútum vildi enginn
neitt með mig hafa, mér var strítt og
ég var niðurlægður,“ sagði Jóhannes
í DV. „Í tímum var allt gert til þess
að gera mig að skít og gert var lítið
úr öllu sem ég gerði eða sagði. Þetta
gekk á bæði inni í kennslustofunni
meðan á tímum stóð og líka eftir
þá. Í leikfimi var ég sleginn með
blautu handklæði á rassinn.“ Eftir
fimmta bekk var hann hins vegar
fluttur í annan skóla vegna eineltis­
ins og sagði hann það hafa bjargað
sér. Hann var engu að síður ósáttur
við að hann, fórnarlambið, hafi ver­
ið flutt í annan skóla á meðan ger­
endurnir héldu sínu striki í gamla
skólanum.
Höfuðstöðvar á Akureyri
Með stofnun Sólskinsbarna vildi
Jóhannes vekja fólk til umhugsunar
um alvarleika eineltis og afleiðingar
þess. Markmiðið var að vera með
fræðslu í skólum og fyrirtækjum,
reyna að vinna gegn einelti og veita
upplýsingar og ráðgjöf til þeirra
sem þurftu á hjálp að halda. Sam­
kvæmt Facebook­síðu Sólskins­
barna starfa samtökin á landsvísu
en eru með höfuðstöðvar á Akur­
eyri. Blaðamaður náði tali af öðrum
stjórnarmanni í félaginu sem sagði
samtökin lítið sem ekkert virk. Þá
hafði stjórnarmaðurinn ekki heyrt
af meintum brotum formannsins
og vildi því ekki tjá sig um málið. n
Sólrún Lilja Ragnarsdóttir
solrun@dv.is
Í gæsluvarðhaldi
Jóhannes Óli er grunaður
um að hafa brotið kyn-
ferðislega gegn tveimur
átta ára drengjum.
„Öll kynferðisbrota-
mál eru send til
ríkissaksóknara sem
tekur ákvörðun um hvort
ákært er í málinu eða það
látið niður falla.
62.000 vilja niðurfærslu
n Loka fyrir umsóknir næsta mánudag n Greiðslum lýkur á 3 mánuðum
M
ánudagurinn næstkom­
andi, 1. september, er síð­
asti umsóknardagur fyrir
leiðréttingu húsnæðislána,
en þeir sem sækja ekki um áður en
umsóknarfresturinn rennur út geta
ekki nýtt sér leiðréttingarleið ríkis­
stjórnarinnar. Ríkisstjórnin leggur
til 80 milljarða til verkefnisins, sem
greiddir eru af ríkissjóði með skatt­
tekjum sem dreifast yfir fjögur ár.
Opnað var fyrir umsóknir um
leiðréttingu lána í maí síðastliðn­
um. Skráning var mjög fljót að taka
við sér og á aðeins nokkrum dögum
höfðu yfir þrjátíu þúsund heimili sótt
um leiðréttingu.
Umsóknarferlið hefur að sögn
Tryggva Þórs Herbertssonar, verk­
efnisstjóra um framkvæmd höfuð­
stólslækkunar íbúðalána, gengið vel.
Hann segir að mikið af umsóknum
hafi borist síðustu daga, en í heild
telur Tryggvi að um 62.000 umsókn­
ir um niðurfærslu á húsnæðislánum
hafi borist.
Aðspurður hvenær fólk megi
búast við því að sjá útreikninga segir
Tryggvi að áætlað sé að birta þá um­
sækjendum í byrjun október. „Nú
tekur við þetta tímabil þar sem þarf
að reikna þetta allt saman út og fara
yfir allar umsóknir og annað slíkt.
Við áætlum að það taki einhverjar
vikur.“
Hann segir að samkvæmt lögum
hafi fólk allt að þremur mánuðum
til að samþykkja útreikninga, þannig
að það gæti liðið lengri tími þar til
að fólk fái leiðréttinguna greidda.
„En við áætlum að flestir muni sam­
þykkja þetta fljótlega. Þá sjáum við
fyrir okkur að þetta fari inn á lánið í
nóvember, eitthvað svoleiðis,“ segir
Tryggvi að lokum. n
jonsteinar@dv.is
Hótaði að
stökkva í sjóinn
Rétt fyrir miðnætti á miðviku­
dag handtók lögreglan á höfuð­
borgarsvæðinu erlendan karl­
mann í Sundahöfn. Í dagbók
lögreglunnar kemur fram að
maðurinn hótaði að stökkva í
sjóinn þegar lögreglan hafði af­
skipti af honum. Í dagbókinni
kemur fram að Skógarfoss, skip
Eimskipafélagsins, hafi verið að
leggja úr höfn þegar lögreglan
kom á vettvang.
Brotaþoli er
einhverfur
Pilturinn sem Gunnar Scheving
Thorsteinsson lögreglumaður
er ákærður fyrir að nafngreina
í Facebook­samskiptum við vin
sinn, þann 20. ágúst 2012 síðast­
liðinn, er einhverfur. Pilturinn
var þrettán ára þegar hann skall­
aði Gunnar og hrækti á hann, en
Gunnar er ákærður fyrir hegn­
ingarlagabrot fyrir að nafngreina
piltinn og fyrir að segja frá því
hvers vegna hann hafði afskipti af
piltinum sem lögreglumaður.
Einnig er Gunnar, sem kunn­
ugt er, ákærður fyrir að fletta upp
nöfnum tuga kvenna í LÖKE­kerfi
ríkislögreglustjóra, en er frávís­
unarkrafa í málinu var tekin fyrir
á fimmtudag kom í ljós að hann
var lögreglumaður á vettvangi í
máli fjögurra kvenna, og því var
ákærunni breytt og nær nú til 41
konu. Meint brot áttu sér stað á
tímabilinu 7. október 2007 til 16.
nóvember 2013.