Dagblaðið Vísir - DV - 29.08.2014, Blaðsíða 45

Helgarblað 29. ágúst–1. september 2014 Sport 45
1 Di María heitir fullu nafni Angel Fabían Di María
Her nandez og er fæddur 14.
febrúar 1988 í borginni Rosario í
Argentínu. Hann gekk í raðir
stórliðs borgarinnar, Rosario
Central, árið 1995 eftir að forsvars­
menn félagsins komu auga á hann
er hann lék með öðru litlu félagi í
borginni. Þá var hann einungis sjö
ára. Athygli vekur að Di María var í
raun keyptur frá litla liðinu þó
kaupverðið hafi ekki verið mjög
hátt, 30 fótboltar.
2 Faðir Di María, Miguel, þótti frambærilegur knattspyrnu­
maður og dreymdi um að spila
fyrir stórlið River Plate. Hann var
nálægt því að láta draum sinn
rætast en áður en að fyrsta leik
hans kom með félaginu meiddist
hann illa á hné og þurfti að leggja
skóna á hilluna. Miguel fékk starf
í námavinnslu í kjölfarið þar sem
hann starfaði í 16 ár.
3 Gælunafn Di María er
Fideo, eða Núðlan,
vegna þess hversu
grannur hann er.
4 Átrúnaðargoð Di María á hans yngri árum var Kily
Gonzalez, örvfættur leikmaður sem
lék meðal annars með landsliði
Argentínu og félagsliðum á borð
við Inter og Valencia. Kily fæddist í
sömu borg og Di María, Rosario.
5 Eftir að hafa leikið með aðalliði Rosario í tvö ár fór
Di María að vekja verulega athygli
fyrir frammistöðu sína. Hann lék
sinn fyrsta leik með Rosario árið
2005. Árið 2007, þegar Di María var
19 ára, yfirgaf hann heimaland sitt
þegar portúgalska stórliðið Benfica
vildi fá hann í sínar raðir. Það mun­
aði þó ekki miklu að hann endaði
hjá rússneska félaginu Rubin Kazan
sem vildi fá hann strax í janúar
2007. Hann hafnaði tilboðinu og
gekk í raðir Benfica um sumarið.
Portúgalska félagið greiddi 8 millj­
ónir evra, 1,2 milljarða á núverandi
gengi, fyrir leikmanninn sem þótti
talsverður peningur fyrir svo ungan
og óreyndan leikmann. Di María
skrifaði undir nýjan samning við
Benfica í október 2009 og fram­
lengdi samning sinn um þrjú ár. Í
samningnum var klásúla þess efnis
að ef tilboð upp á 40 milljónir evra,
6,2 milljarða króna, bærist gæti
Benfica ekki hafnað því. Innan tíu
mánaða kom tilboð frá Real Madrid
og varð Di María dýrasti leikmaður
Josés Mourinho á hans fyrsta
tímabili með Real Madrid sumarið
2010.
6 Eins og svo margir knattspyrnumenn nú til
dags er Di María með nokkur
húðflúr. Áður en hann yfirgaf
Benfica fyrir Real Madrid fengu
hann og sex æskuvinir hans sér
sama húðflúrið með áletruninni
(í íslenskri þýðingu): „Að fæðast
í El Perdriel var og er það besta
sem gerst hefur í mínu lífi.“
Húðflúrið er hann með á vinstri
handleggnum.
7 Í júní 2010 skrifaði Di María undir fimm ára samning við
Real Madrid sem átti að færa hon­
um að minnsta kosti 25 milljónir
evra, 3,8 milljarða króna, í vasann
á samningstímanum. Ferill hans
byrjaði vel hjá Madrid og skoraði
hann sitt fyrsta mark í æfingarleik
gegn Penarol í 2–0 sigri. Í septem­
ber það ár skoraði hann sitt fyrsta
deildarmark fyrir Real Madrid í 2–1
sigri gegn Real Sociedad. Og tíu
dögum síðar skoraði hann sitt fyrsta
mark í Meistaradeild Evrópu í 1–0
sigri á Auxerre.
8 Di María hefur verið fasta­maður í argentínska lands­
liðinu undanfarin ár og hefur, þegar
þetta er skrifað, leikið 52 landsleiki
og skorað 10 mörk. Síðasta mark
hans tryggði Argentínu sæti í 8­liða
úrslitum HM í sumar en þá tryggði
hann Argentínu sigur á Sviss í fram­
lengingu.
9 Di María er Ólympíuverð­launahafi en hann var í liði
Argentínu sem stóð uppi sem
sigurvegari á leikunum í Peking
2008. Hver annar er Di María
skoraði sigurmarkið í úrslitaleikn­
um og auðvitað með vinstri fæti.
10 Di María er í raun hlægilega einfættur eins og oft er raunin
með örvfætta leikmenn. Þannig
á hann til, þegar hann er á hægri
vængnum, að spyrna svokölluðum
Rabona­spyrnum fyrir markið í stað
þess að nota hægri fótinn. Þeir sem
fylgjast með ensku úrvalsdeildinni
munu eflaust sjá nokkrar þannig
spyrnur hjá Di María í vetur. Fáir
eru betri en Di María að fram­
kvæma slíkar spyrnur og hefur
hann skorað og lagt upp nokkur
mörk með þeim.
11 Real Madrid vildi selja Di María síðasta sumar eftir
að liðið keypti Gareth Bale fyrir
metfé frá Tottenham. Di María
ákvað að vera um kyrrt í Madrid,
ekki síst vegna veikinda sem dóttir
hans glímdi við. Eiginkona hans,
Jorgelina, sem Di María kvæntist
árið 2011, hafði eignast dóttur
þeirra, Miu, þremur mánuðum fyrir
tímann og þurfti litla stúlkan að
dveljast á gjörgæsludeild í nokkurn
tíma. Di María lét þetta ekki hafa
mikil áhrif á sig og skoraði til dæmis
sigurmark gegn nágrönnunum og
erkifjendunum í Atletico Madrid
fimm dögum eftir að dóttir hans
fæddist. Sem betur fer er Mia litla
við góða heilsu í dag.
12 Sem fyrr segir er Di María fæddur þann 14. febrúar, á
sjálfan Valentínusardaginn, árið
1988. Þennan sama dag kvæntist
Buzz Aldrin, annar maðurinn til að
stíga fæti á tunglið, þriðju eigin­
konu sinni, Louis Driggs Cannon.
Og þennan dag var lag Bills Medley
og Jennifer Warnes, The Time of My
Life, númer eitt á breska vinsælda­
listanum. Hver elskar ekki fánýtan
fróðleik?
13 Búist er við því að Di María muni leika í treyju númer
7 hjá Manchester United. Meðal
annarra leikmanna sem leikið hafa í
treyju með sama númeri hjá United
má nefna George Best, Bryan Rob­
son, Eric Cantona, David Beckham
og að sjálfsögðu Cristiano Ronaldo
sem sagður er hafa sannfært Di
María um að ganga í raðir United. n
Allt sem þú þarft
að vita um Di María
n Kallaður núðlan n Var seldur fyrir 30 fótbolta n Dýrastur í sögu úrvalsdeildarinnar
A
rgentínski landsliðsmað­
urinn Angel Di María
varð í vikunni dýrasti
knattspyrnumaður í sögu
ensku úrvalsdeildarinnar
þegar Manchester United festi
kaup á honum frá Real Madrid.
Kaupverðið er talið nema 59,7
milljónum punda, eða 11,6 millj­
örðum króna. Ljóst er að forsvars­
menn Manchester United binda
vonir við að Di María geti komið
United í fremstu röð að nýju eftir
vonbrigðin síðan Sir Alex Fergu­
son lét af störfum fyrir rúmu ári.
Þessi 26 ára leikmaður, sem nýt­
ur sín best á vinstri vængnum eða
vinstra megin á miðjunni, hafði
verið í herbúðum Real Madrid frá
árinu 2010 þegar hann var keypt­
ur frá portúgalska félaginu Ben­
fica. Eftir tiltölulega rólega byrjun
hjá spænska stórliðinu sló Di Mar­
ía í gegn á síðustu leiktíð og var
óumdeilanlega einn af lykilmönn­
um Madrid­liðsins sem vann
Meistara deild Evrópu í vor í fyrsta
skipti í rúman áratug. Breska blað­
ið Telegraph fjallaði ítarlega um
Di María í vikunni og tók saman
nokkrar athyglisverðar staðreynd­
ir um þennan magnaða kappa. n
Einar Þór Sigurðsson
einar@dv.is
Dýrastur Angel
Di María er dýrasti
knattspyrnumaður
í sögu ensku úrvals-
deildarinnar.