Dagblaðið Vísir - DV - 29.08.2014, Blaðsíða 40

40 Skrýtið Sakamál Helgarblað 29. ágúst–1. september 2014
renuka og seema
fengu dauðadóm
n Rændu börnum til að geta stundað vasaþjófnað og myrtu börnin síðan
F
yrir skömmu staðfesti
Hæstiréttur Indlands dauða-
dóm yfir systrunum Renuka
Shinde og Seema Gavit og
munu þær verða fyrstu kon-
urnar þar í landi sem líflátnar eru
síðan landið fékk sjálfstæði frá
Bretum.
Systurnar fengu dauðadóm fyrir
um 13 árum fyrir að hafa rænt 13
börnum, neytt þau til að stunda
vasaþjófnað og að lokum myrt með
hryllilegum hætti.
Laugardaginn 16. ágúst hafnaði
forseti Indlands endanlega beiðni
systranna um náðun, enda þóttu
glæpir þeirra hinir óhugnanlegustu.
Þær voru ákærðar fyrir tíu morð og
dæmdar fyrir fimm og sagði sak-
sóknari í málinu, Ujjwal Nikam, árið
2006, að þær hefðu staðið á bak við
mun fleiri, en þær hreinlega myndu
ekki fjöldann.
Tvær vikur til að undirbúa sig
Samkvæmt indverskum lögum hafa
systurnar tvær vikur, eftir að dauða-
dómur hefur verið staðfestur, til
kveðja ættingja sína og undirbúa
sig áður en þær verða hengdar og
ku það hafa átt sér stað um síðustu
helgi.
Óhætt er að segja að íbúar víð-
ast hvar á Indlandi hafi verið slegn-
ir óhug þegar ódæði þeirra opin-
beruðust við réttarhöldin 2001,
en Renuka var 17 ára og Seema
var 15 ára þegar þær frömdu sitt
fyrsta morð. Þær ólust upp í fjöl-
skyldu glæpamanna sem sá sér
farborða með vasaþjófnaði og við
réttarhöldin kom fram að móðir
þeirra var við stjórnvölinn. Hún
safnaðist til feðra sinna á meðan
réttarhöldin stóðu yfir.
Markaðstorg og trúarlegir
hátíðardagar
Systurnar notuðu þau börn sem
þær rændu til að trufla fólk á mark-
aðstorgum eða á trúarlegum tylli-
dögum á meðan þær komust yfir
verðmæti þess.
Við réttarhöldin var lýst einu
tilfelli þar sem önnur systranna
kastaði barni í jörðina til að koma
í veg fyrir að augu vegfarenda
beindust að stelandi systur hennar.
Tilgangurinn var að framkalla með-
aumkun vegfarenda með barninu
og leiða athyglina frá vasaþjófnað-
inum.
þegar börn voru orðin of stór til
að hægt væri að bera þau, voru þau
einfaldlega myrt.
Hengd í rjáfrið
Í eitt sinn er barn vakti of mikla
athygli með gráti henti önnur
systirin því í jörðina. Með einum
eða öðrum hætti tókst systrunum
að hafa slasað barnið með sér
þegar þær flúðu af vettvangi. Móð-
ir systranna myrti barnið síðar með
því að berja höfði þess í burðarsúlu.
Annað barn, þriggja ára, talaði
við vegfarendur um foreldra sína
og var fyrir vikið hengt upp í rjáfur,
með höfuðið niður og því slengt
ítrekað í næsta vegg.
Á meðal annarra fórnarlamba
systranna og móður þeirra voru
eins og hálfs árs og tveggja ára
börn.
Dómarinn í málinu sagði mál-
ið vera „það fátíðasta af öllu fátíðu“.
„Þær frömdu verknaðina ekki í
geðshræringu, heldur afslappaðar.
Líf barnanna eða þjáningar foreldr-
anna skiptu þær engu máli,“ sagði
dómarinn. n
„Líf barn-
anna eða
þjáningar foreldr-
anna skiptu þær
engu máli
Renuka (t.v.) og Seema Samviska íþyngdi systrunum og móður þeirra ekki.
Í vörslu lögreglunnar
Systurnar voru ákærðar fyrir tíu
morð og sakfelldar fyrir fimm.
Eyðilagði bíl-
inn viljandi
Þrjátíu og níu ára karlmaður í
Texas í Bandaríkjunum, Andy
Lee House, gæti átt yfir höfði
sér langan fangelsisdóm eftir að
hann játaði að hafa viljandi eyði-
lagt fokdýran sportbíl af gerðinni
Bugatti Veyron. Á þeim tíma var
bifreiðin metin á um milljón
dollara, rúmar hundrað milljónir
króna á núverandi gengi.
Þetta gerði House til að svíkja
fé út úr tryggingunum. Atvikið
átti sér stað við Mexíkóflóa árið
2009 og sagðist House hafa misst
stjórn á bifreiðinni þegar hann
reyndi að forðast að keyra á
pelíkana á lágflugi. Bifreiðin end-
aði úti í vatni og eyðilagðist vél
hennar. Svo óheppilega vildi til
fyrir House að vegfarandi tók at-
vikið upp og á myndbandinu sést
að engir pelíkanar voru á flugi
þegar slysið varð.
Rannsókn leiddi í ljós að
House ók bílnum viljandi út í
vatnið, að því er virðist til þess
eins að fá hana greidda út úr
tryggingunum. Ef honum hefði
tekist ætlunarverkið hefði hann
fengið um tvær milljónir dala,
eða um tvö hundruð milljónir
króna.
Milljarðamær-
ingur sparkaði
í hund
Des Hague, stjórnarformaður
bandaríska fyrirtækisins
Centerplate, er í vondum málum
þessa dagana eftir að myndband
birtist af honum að misþyrma
hundi. Centerplate, sem metið er
á um sex milljarða Bandaríkja-
dala, er matvælafyrirtæki sem
sérhæfir sig meðal annars í að
þjónusta íþróttaleikvanga víða
um Bandaríkin.
Á myndbandsupptökunni sést
Hague sparka í hvolp af tegund-
inni doberman, en hundurinn er
í eigu vinar hans. Atvikið gerðist
í lyftu og náðist á öryggismynda-
vél.
Eftir að málið komst í hámæli
vestanhafs sá Hague sig knúinn
til að senda frá sér yfirlýsingu
þar sem hann harmar atvikið.
„Ég skammast mín. Ég vil nýta
tækifærið og biðjast afsökunar
en einnig biðja fjölskyldu mína,
fyrir tækið og viðskiptavini þess
afsökunar því ég veit að þetta hef-
ur haft neikvæð áhrif á marga.“
Hefur Hague heitið því að
styrkja Sade-stofnunina, sem
lætur velferð dýra sig varða, um
hundrað þúsund Bandaríkjadali,
jafnvirði 11,7 milljóna króna.