Dagblaðið Vísir - DV - 29.08.2014, Blaðsíða 20

Helgarblað 29. ágúst–1. september 201420 Fréttir Erlent
Drap 300 manns
– laus úr fangelsi
n Var leigumorðingi fyrir Pablo Escobar n Drap kærustuna að skipan hans
J
ohn Jairo Velasquez er
nafn sem hringir ef til vill
ekki mörgum bjöllum hjá
sumum. Staðreyndin er
samt sú að Velasquez er
einn alræmdasti leigumorðingi
sögunnar. Velasquez, sem kallað­
ur er Popeye, eða stóreygur á ís­
lensku, starfaði fyrir kólumbíska
eiturlyfjabaróninn Pablo Escob­
ar og sá um að koma þeim fyrir
kattarnef sem þvældust fyrir hon­
um. Velasquez var snemma á tí­
unda áratug liðinnar aldar dæmd­
ur í 30 ára fangelsi fyrir morðin en
honum hefur nú verið sleppt úr
haldi eftir að hafa afplánað 22 ár í
fangelsi.
Þúsundir fórnarlamba?
Velasquez játaði að hafa myrt 300
manns á níunda og tíunda ára­
tug 20. aldar en gaf það þó í skyn
að fórnarlömbin væru miklu,
miklu fleiri, eða allt að 3.000 tals­
ins. Löngu síðar, eða árið 2005, bar
hann vitni gegn fyrrverandi dóms­
málaráðherra Kólumbíu sem var
sakfelldur fyrir að leggja á ráð­
in um morð sem Velasquez síðan
framkvæmdi. Breska ríkisútvarpið,
BBC, fjallaði um málið í vikunni og
segir fréttaritari þess í Kólumbíu,
Arturo Wallace, að skiptar skoð­
anir séu á að Velasquez hafi gefið
frelsi. Margir væru þeirrar skoðun­
ar að hann hefði ekki goldið að
fullu fyrir þá glæpi sem hann
framdi á meðan aðrir séu þeirr­
ar skoðunar að eftir tvo áratugi í
fangelsi sé tími til kominn að veita
honum annað tækifæri. Velasquez
var sleppt úr haldi á þriðjudag og
var öryggisgæsla við fangelsið mik­
il. Nú tekur við fjögurra ára skilorð
og þarf Velasquez að halda sig rétt­
um megin við lögin ætli hann sér
að verða frjáls maður áfram.
Drap forsetaframbjóðanda
Meðal þeirra morða sem
Velasquez var dæmdur fyrir er
morð á forsetaframbjóðandanum
Luis Carlos Galan árið 1989. Í
ljós kom að fyrrverandi dóms­
málaráðherra Kólumbíu, Alberto
Santofimio, sem einnig sóttist eftir
forsetaembættinu, hafði fyrirskip­
að morðið á Galan. Sem fyrr segir
vitnaði Velasquez gegn Santo fimio
löngu síðar og fór svo að ráðherr­
ann fyrrverandi var dæmdur í 24
ára fangelsi árið 2007. Hæstiréttur
landsins staðfesti síðar þann dóm.
Galan hafði þá skýru stefnu að
skera upp herör gegn eiturlyfja­
klíkum landsins og stefndi raun­
ar allt í sigur hans í forsetakosn­
ingunum. Allt kom fyrir ekki því
hann var skotinn til bana í smábæ
skammt fyrir utan höfuðborgina
Bógóta. Santofimio var náinn
bandamaður Pablos Esco bar,
stofnanda Medellin­eiturlyfja­
hringsins sem smyglaði ógrynni
af eiturlyfjum, kókaíni einna helst,
til Bandaríkjanna og Evrópu á
níunda og tíunda áratugnum.
Kom fyrir sprengjum
Reuters greindi frá því í vikunni
að Velasquez hefði verið sleppt úr
fangelsi, meðal annars vegna góðr­
ar hegðunar og þeirrar staðreynd­
ar að hann stundaði nám inn­
an veggja Combita­ fangelsisins
þar sem hann afplánaði dóminn.
Velasquez er í dag 52 ára og var
því ungur að árum þegar hann
hóf störf fyrir Escobar. Hann var
einn af hans helstu bandamönn­
um. Hann kom að mörgum voða­
verkum og er hann meðal annars
sagður hafa átt þátt í hryðjuverki
sem framið var þegar flugvél Avi­
anca­flugfélagsins var sprengd
árið 1989 með þeim afleiðingum
að allir 107 um borð létust. Þá kom
hann fyrir sprengjum víða um
borgirnar Bógóta, Medellin og Cali
þegar barátta Escobars gegn kól­
umbískum yfirvöldum stóð sem
hæst. Ekki nóg með það heldur
stóð hann einnig fyrir mannrán­
um og rændi Andres Pastrana sem
átti síðar eftir að verða forseti Kól­
umbíu. Á þeim tíma var Pastrana
borgarstjóri Bógóta. Þá rændi
hann Francisco Santos sem átti
síðar eftir að verða varaforseti Kól­
umbíu.
Drap kærustuna sína
Til marks um sterkt samband
Velasquez og Pablos Escobar má
geta þess að Velasquez myrti kær­
ustu sína að skipan Escobars. Sem
kunnugt er var Escobar skotinn til
bana árið 1993. Kærasta Velasquez
var einnig fyrrverandi kærasta
Esco bars og vildi hún hefna sín á
honum eftir að hann neyddi hana
til að gangast undir fóstureyðingu.
Í viðtali í fyrra sagði Velasquez að
ástæða morðsins hafi verið sú að
hún hafi haft samband við banda­
rísku alríkislögregluna með það
að markmiði að gerast uppljóstr­
ari. Upp komst um fyrirætlanir
hennar og sagði Velasquez í við­
tali við Semana­tímaritið að það
hafi verið mjög sársaukafullt að
þurfa að fylgja skipunum Esobars.
Í umfjöllun Reuters kemur fram að
mögulega verði Velasquez skot­
spónn annarra leigumorðingja nú
þegar hann er laus úr haldi. Hann
bar vitni gegn fjölmörgum hátt
settum glæpamönnum og emb­
ættismönnum á sínum tíma og ef­
laust eru margir sem vilja hefna
sín á honum. Ekki liggur þó fyr­
ir hvort hann fái aukna vernd frá
kólumb ískum yfirvöldum. n
Einar Þór Sigurðsson
einar@dv.is
Laus úr haldi Velasquez játaði að hafa myrt 300 manns. Líklegt þykir að fórnarlömbin hafi verið fleiri.
Escobar Pablo Escobar lét Velasquez meðal annars drepa fyrrverandi kærustu sína
sem þá var kærasta Velasquez. Ástæðan er sú að hún ætlaði að gerast uppljóstrari fyrir
bandarísk yfirvöld.
Læknir lést
úr ebólu
Yfirvöld í Nígeríu hafa staðfest
fyrsta dauðsfallið í landinu af
völdum ebólu utan fjölmenn­
ustu borgar landsins, Lagos. Sá
sem lést var læknir sem starfaði
í hafnarborginni Port Harcourt
á suðausturströnd Nígeríu. 70
manns í borginni eru undir
eftir liti vegna gruns um smit og
þá hefur eiginkonu mannsins
verið komið fyrir í einangrun,
að því er breska ríkisútvarpið
greinir frá.
Á fimmtudag var staðfest að
1.550 hafi látist í ebólufaraldr­
inum sem nú geisar og yfir þrjú
þúsund smitast, flestir í Gíneu,
Líberíu og Síerra Leóne.
Tilefnislaus
sýruárás
„Þetta var algjörlega tilefnis­
laus árás sem hefur eyðilagt
líf mitt,“ segir Bretinn Darren
Pidgeon sem varð fyrir fólsku­
legri árás um hábjartan dag í
Essex í sumar. Darren, sem er
27 ára tveggja barna faðir, var á
ferð um bæinn Rayleigh þegar
maður gekk upp að bifreið
hans og hellti sýru yfir hann.
Ekki nóg með það heldur lét
hann höggin dynja á honum
áður en hann hafði sig á brott.
Breska blaðið Daily Mail
fjallaði um málið á dögunum
og þar kemur fram að þó
Pidgeon sé í dag á batavegi
muni hann aldrei losna við örin
eftir árásina. „Núna er ég at­
vinnulaus og þarf að farða mig
á hverjum degi til að örin sjáist
síður. Ég hafði ekki hugmynd
um hver árásarmaðurinn var
og var mjög ringlaður,“ segir
hann við blaðið og bætir við að
í fyrstu hafi hann talið að um
piparúða hafi verið að ræða.
Sársaukinn hafi hins vegar ver­
ið svo yfirþyrmandi og honum
hafi liðið eins og andlitið væri
að bráðna.
Pidgeon þurfti að dvelja á
sjúkrahúsi í mánuð og gekkst
hann undir nokkrar aðgerð­
ir. Þannig var húð tekin af fót­
leggjum hans og hún grædd á
andlitið.
Lögregla er engu nær um
tilefni árásarinnar en í fyrstu
var jafnvel talið að um reiðan
ökumann hefði verið að ræða,
einhvern sem var ósáttur við
aksturslag Pidgeons. Lögregla
hefur útilokað þá kenningu og
hefur biðlað til almennings um
að hafa samband ef einhver
skyldi hafa verið vitni að atvik­
inu.