Dagblaðið Vísir - DV - 12.09.2014, Page 6
Helgarblað 12.–15. september 20146 Fréttir
Rukkaður fyrir notkun
á rafrænum skilríkjum
n Síminn rukkaði fyrir notkun rafrænna skilríkja þar til í vor n Innleiðing hafin
K
arlmaður, sem ekki vill láta
nafns síns getið, segist hafa
verið rukkaður af Síman-
um fyrir notkun á rafræn-
um skilríkjum í upphafi
ársins. Auðkenni ehf., fyrirtækið
sem séð hefur um innleiðingu raf-
rænna skilríkja á Íslandi, rukkaði
manninn ekki fyrir notkunina á raf-
rænu skilríkjunum heldur var það
aðeins Síminn sem rukkaði vegna
sms-skilaboða sem hann fékk send
í farsíma sinn í tengslum við auð-
kenninguna.
Auðkenni ehf. er í eigu Sím-
ans auk nokkurra fjármálafyrir-
tækja sem sett hafa nokkur hundr-
uð milljónir króna inn í fyrirtækið
í formi hlutafjár enda er Auðkenni
ekki farið að skila hagnaði enn þá
þar sem innleiðing rafrænna skil-
ríkja stendur enn yfir hér á Íslandi.
Maðurinn segir farir sínar ekki
sléttar í málinu og segir mjög á reiki
hvernig eigi að rukka fyrir notkun
rafrænna skilríkja. Hann bendir á
að notkun á rafrænum skilríkjum á
debetkortum sé ókeypis en að það
kosti að nota rafræn skilríki í gegn-
um farsíma. Að sögn mannsins hef-
ur hann fengið þær upplýsingar frá
Auðkenni ehf. að símafyrirtækjun-
um sé í sjálfsvald sett hvernig þau
rukka fyrir þjónustuna sem tengist
rafrænu skilríkjunum.
Sagði símafélögin ákveða
kostnaðinn
Þetta rímar við það sem Haraldur
Bjarnason, framkvæmdastjóri Auð-
kennis, hefur sagt um málið í fjöl-
miðlum. Hann hefur sagt að síma-
fyrirtækin sjálf þurfi að ákveða
hvernig þau rukka fyrir þjónustuna
sem tengist rafrænu skilríkjun-
um. „Síðan er það eitthvað sem við
erum í viðræðum um við símafé-
lögin […] Það eru í rauninni símafé-
lögin sem munu ákveða þetta.“
Rafrænu skilríkin hafa verið
nokkuð til umræðu síðustu daga í
kjölfarið á tilkynningu ríkisstjórn-
arinnar þess efnis að til þess að
nýta sér skuldaleiðréttinguna þurfi
fólk að hafa rafræn skilríki sem
sótt sé um hjá Auðkenni ehf. Um
105 þúsund einstaklingar sóttu um
skuldaleiðréttinguna og þurfa þess-
ir einstaklingar því að sækja um raf-
ræn skilríki. Þessi rafrænu skilríki
geta bæði verið á debetkortum eða
kreditkortum fólks og eins getur
það auðkennt sig rafrænt í gegnum
farsíma sinn.
Ögmundur Jónasson, þingmað-
ur Vinstri grænna, hefur gagnrýnt
að einkaaðilar geti hagnast á inn-
leiðingu rafrænna skilríkja og hef-
ur bent á að heppilegra sé að notast
við íslykilinn svokallaða sem gefinn
er út af Þjóðskrá.
Ísland er eftirbátur nokkurra
nágrannalanda hvað varðar inn-
leiðingu á rafrænum skilríkjum. Til
dæmis er notkun slíkra auðkenna
orðin mjög algeng í Svíþjóð þar sem
hún kostar ekkert og eru slík rafræn
skilríki bæði gefin af þarlendum
skattayfirvöldum og eins fjármála-
fyrirtækjum.
Stefnunni breytt
Í svari frá Símanum kemur fram
að fyrirtækið hafi breytt um stefnu
hvað varðar gjaldheimtu fyrir notk-
un á rafrænum skilríkjum í gegn-
um farsíma fyrr á þessu ári. „Ekk-
ert gjald er tekið fyrir rafræna
auðkenningu hjá Símanum. Hvorki
greiða viðskiptavinir fyrir SIM-
kortaskiptin né notkunina á skilríkj-
unum á þessum 70 þjónustuvefjum
sem þau ganga að. Þetta á bæði við
um frelsisnúmer og þau í áskrift.
Þannig hefur það verið frá því í vor.
Þá var þjónustunúmerunum sem
Auðkenni notar breytt í gjaldfrjáls
númer.“
Í svarinu frá Símanum kemur
fram að áður en þessi breyting var
gerð og þjónustan var gerð gjald-
frjáls hafi þrjú smáskilaboð þurft
fyrir hverja auðkenningu en tvö
þeirra voru greidd af viðskiptavin-
inum og eitt af Auðkenni: „Fram að
því voru sms-in þrjú. Eitt greitt af
Auðkenni, tvö af viðskiptavinum,
rúmuðust oftast þó innan fjölda
þeirra smáskilaboða sem innifalin
eru í áskriftarleiðum viðskiptavina.“
Frelsiskortið tæmdist
Viðmælandi DV segir að hann hafi
fengið sér rafræn skilríki og notað
þau í gegnum síma sinn. Hann seg-
ir að það hafi verið á reiki hversu
mikið þjónustan kostaði og því
hafi hann viljað ganga úr skugga
um það. Orðrétt segir maðurinn í
tölvupósti að hann hafi fengið sér
frelsiskort og að inneignin á því hafi
eyðst upp í kjölfarið.
„Ég ákveð að fá mér frelsiskort
hjá Símanum í febrúar og prufa
og þó að Auðkenni hafi sagt mér
að þessi auðkenning væri ókeypis
þá tæmist inneignin mín því hver
auðkenning er þrjú sms-skeyti. Ég
kvarta í Símann og þeir segja ekkert
athugavert við að ég hafi verið rukk-
aður. Ég kvarta í Auðkenni og þeir
segjast ætla að athuga (enn þá ekki
fengið svar). Ég kvarta í fjármála-
ráðuneytið og er bent á að tala við
einn aðila hjá Símanum sem segir
að um galla hafi verið að ræða (þó
að þetta sé mörgum mánuðum eft-
ir að farið var að bjóða upp á auð-
kenningu á sim-korti) og búið sé að
lagfæra hann núna (fékk aldrei inn-
eignina sem spændist upp endur-
greidda).“
Síminn hefur nú breytt þessari
stefnu hjá sér, líkt og fram kemur
hér að ofan er notkunin á rafræn-
um skilríkjum í gegnum farsíma nú
gjaldfrjáls. n
Ingi Freyr Vilhjálmsson
ingi@dv.is
Ekki á þeirra valdi
Auðkenni ehf., sem sér
um innleiðingu rafrænna
skilríkja á Íslandi, ræður
ekki hvernig símafyrir-
tækin rukka fyrir þjón-
ustuna. Félaginu er stýrt
af Haraldi Bjarnasyni
og er að hluta til í eigu
Símans. Mynd FréttablaðIð
Símafyrirtækin ráða Símafyrirtækj-
unum er í sjálfsvald sett hvernig þau rukka
fyrir notkun á rafrænum skilríkjum í gegnum
farsíma. Orri Hauksson er forstjóri Símans
sem nú rukkar ekki lengur fyrir þjónustu sem
tengist notkun rafrænna skilríkja.
„Ég kvarta í Símann
og þeir segja ekk-
ert athugavert við að ég
hafi verið rukkaður.
Þorsteinn
Evrópumaður
ársins
Þorsteinn Pálsson, fyrrverandi
forsætisráðherra og formaður
Sjálfstæðisflokksins, hefur ver-
ið valinn Evrópumaður ársins af
Evrópusamtökunum. Þetta kem-
ur fram í tilkynningu frá sam-
tökunum en valið var tilkynnt á
aðalfundi Já Ísland á fimmtudag
í síðustu viku. „Góður rómur var
gerður að þessu vali á fundinum
og var klappað vel og lengi fyrir
Þorsteini,“ segir í tilkynningunni.
Í rökstuðningi valnefndar seg-
ir að Þorsteinn hafi um árabil
bæði rætt og ritað um Evrópumál
á vandaðan og yfirvegaðan hátt.
Hann hafi með greinum sínum
varpað skýru ljósi á þá valkosti
sem lítið land hafi í alþjóðamál-
um. Þorsteinn, sem er 66 ára, hef-
ur meðal annars verið forsætis-,
sjávarútvegs-, iðnaðar og dóms-
og kirkjumálaráðherra. Hann
var einnig sendiherra í London
og Kaupmannahöfn og ritstjóri
Fréttablaðsins.
Hryssa féll í
vatnsból
Meðlimir Björgunarfélagsins
Blöndu á Blönduósi björguðu
hryssu sem fallið hafði í vatnsból
við bæinn Kagaðarhól í Svínadal
í Austur-Húnavatnssýslu á mið-
vikudag.
Sex björgunarsveitarmenn
komu hryssunni til bjargar og tók
björgunin um tuttugu mínútur.
Ekki er víst hvenær hryssan féll
í vatnsbólið, en girða á í kring-
um bólið um helgina svo atvikið
endurtaki sig ekki.
Hryssan var ekki alvarlega
slösuð, en hafði sjálf reynt að
komast upp úr vatninu. Hún mun
hafa jafnað sig ágætlega eftir
óhappið.