Dagblaðið Vísir - DV - 12.09.2014, Page 36

Helgarblað 12.–15. september 201436 Neytendur
n Fatlaður maður ósáttur við að missa af landsleik því hann notar ekki kreditkort
É
g er fatlaður þannig að ég þarf
að gera ráðstafanir fyrirfram.
Ég get ekki farið með ferða­
þjónustu fatlaðra á Laugar­
dalsvöll upp á von og óvon
hvort ég fái miða. Þeir keyra mig ekk­
ert til að tékka hvort ég fái miða. Þeir
yrðu að skutla mér og skilja mig eft­
ir. Ef ég fæ ekki miða þá er ég bara
strandaður þar,“ segir Ólafur Árna­
son, sem er afar svekktur yfir því að
hafa misst af landsleik Íslands og
Tyrklands á þriðjudag vegna þess að
hann notar ekki kreditkort sem þarf
til að kaupa miða í forsölu. Hann
gagnrýnir harðlega að miðasala KSÍ
skuli fara í gegnum Miði.is. Vegna
þessa hafi hann misst af sínum fyrsta
landsleik í langan tíma.
Fékk ekki svör frá KSÍ
Ólafur, sem á erfitt með gang og
styðst við hækjur, reyndi að bjarga
sér með því að heimsækja annan af
auglýstum afgreiðslustöðum Miði.is,
í versluninni Brim í Kringlunni. Eftir
að hafa tekið strætó þangað varð hins
vegar ljóst að þar væru engir mið­
ar seldir. Ólafur gerði sér því næst
ferð í höfuðstöðvar Miði.is í Skafta­
hlíð til að reyna að kaupa miða, en
án árangurs. „Þeir gátu ekki selt mér
miða þar. Þannig að eina leiðin til
að fá miða í forsölu var að vera með
kreditkort. Ég nota ekki kreditkort,
þannig að ég var bara útilokaður.“
Ólafur kveðst ítrekað hafa hringt í
KSÍ á þriðjudag til að fá upplýsingar
um hvort uppselt væri á leikinn en
náði ekki sambandi. Að auki sendi
hann tölvupóst, sem ekki var svarað.
DV fékk að sjá umræddan tölvupóst.
Tryggja þarf jafnt aðgengi
Fram undan í næsta mánuði er stór­
leikur gegn Hollandi þar sem lík­
legt má teljast að seljist upp í for­
sölu enda margar heimsþekktar
knattspyrnustjörnur í liði Hollands
og gengi Íslands gott. Verði uppselt
er Ólafur í slæmum málum. „Þá er
ég bara utangarðs.“ Hann segir málið
grátlegt því lítið þurfi til að laga þetta
og tryggja jafnan aðgang fólks að
leikjum landsliðsins. „Af hverju get
ég ekki keypt miða með peningum
eða debetkorti? Af hverju neyðist ég
til að vera með kreditkort til að geta
keypt miða í forsölu?“
KSÍ vill aðstoða
Þórir Hákonarson, framkvæmda­
stjóri KSÍ, segir það rétt að kreditkort
þurfi til að kaupa miða í forsölu eftir
hefðbundnum leiðum. „Kerfið býður
bara ekki upp á annan greiðslumáta.“
Hann bendir hins vegar á að miðar
fyrir fólk sem bundið er við hjólastól
séu seldir á skrifstofu KSÍ og hægt að
leggja inn pöntun fyrir þeim. Þórir
segir að KSÍ hafi þar að auki aðstoð­
að alla þá sem óskað hafa eftir mið­
um, hvort heldur sem er vegna fötl­
unar, sérþarfa eða vegna vandræða
með miðakaup, við að koma þeim
fyrir á vellinum. „Það hefur aldrei
verið vandamál hingað til, fatlað­
ir hafa alltaf getað fengið miða með
því að óska eftir þeim. Ég veit ekki
hvernig það hefur misfarist hjá hon­
um,“ segir Þórir.
„Ef það er ekkert mál að redda
mér, af hverju svöruðu þeir mér þá
ekki og redduðu mér miða þegar ég
reyndi að hafa samband?“ spyr Ólaf­
ur að lokum þegar svar Þóris er bor­
ið undir hann. Bætir hann við að fót­
boltalandsliðið sé greinilega ekki
landslið allra landsmanna, heldur
landslið allra landsmanna sem nota
kreditkort. n
Sigurður Mikael Jónsson
mikael@dv.is
„Af hverju get
ég ekki keypt
miða með peningum
eða debetkorti?
Mistök við merkingu hamborgarakrydds
n Sagt án MSG en inniheldur það samt n Rangir miðar á þúsund Prima-staukum
Þ
etta eru mannleg mistök
sem eiga sér stað, bæði hjá
starfsmönnum prentsmiðj­
unnar og starfsmönnum
hér að taka ekki eftir þessu. Þetta
er bara áfall fyrir okkur, gríðarlegt
áfall en um leið vakning um að
gera hlutina betur,“ segir Kári Kára­
son, framkvæmdastjóri Vilko, sem
framleiðir Prima­krydd sem selt er
í flestum stærstu matvöruverslun­
um á Íslandi.
Þau mistök sem hann talar um
snúa að því að á dögunum voru
umbúðir þúsund kryddstauka af
Prima Hamborgarakryddi ranglega
merktir þannig að á þeim stóð að
varan væri án MSG.
Glöggur neytandi veitti því hins
vegar athygli að þrátt fyrir yfirlýs­
inguna framan á stauknum mátti
sjá í innihaldslýsingunni aftan á að
eitt helsta innihaldsefnið væri hið
bragðaukandi efni E­621, sem er
einmitt MSG.
Kári segir að hann hafi feng­
ið ábendingu um málið frá við­
skiptavini á Selfossi á mánudag og
að umsvifalaust hafi verið farið í að
bregðast við mistökunum.
Mistök á mistök ofan
Hann segir að rangir miðar hafi
verið framleiddir í prentsmiðjunni
fyrir mistök og til að bæta gráu ofan
á svart fóru þeir, án athugasemda
starfsmanna Vilko, á staukana og
þaðan í dreifingu.
„Þegar einn hlekkur klikkar
þá virðist það bara ganga í gegn. Í
beinu framhaldi höfum við haldið
starfsmannafund þar sem við vor­
um að bæta verkferla hjá okkur er
varða gæðastjórnun. Við förum í
dýpri gæðastýringu er við kemur
eftirliti á merkingum því þetta sýn­
ir okkur að svona óhöpp geta gerst.
Þetta er hræðilegt, bara hræðilegt.“
Sala stöðvuð á 700 staukum
Sem fyrr segir telur Kári að um þús­
und staukar af Prima Hamborgara­
kryddi hafi verið framleiddir. „Við
erum búin að stöðva um 700 og
erum að vinna að því með heil­
brigðiseftirliti Norðurlands vestra
að ná í þessi glös sem eru ranglega
merkt.
Kári segir aðspurður að þessi
villa hafi ekki átt sér stað hvað varð­
ar aðrar tegundir í kryddvörulínu
Prima. Farið hafi verið yfir línuna
með starfsmönnum prentsmiðj­
unnar og eini gallinn sem fannst
var á umræddu hamborgarakryddi.
Farið var í gegnum lagerinn þar
sem fundust fleiri rúllur af hinum
gölluðu merkimiðum og var þeim
hent í ruslið í hvelli.
„Þetta er mjög leiðinlegt. Það er
búinn að vera mikill skóli að ganga
í gegnum þetta. Þetta er gríðarlegt
áfall en um leið vakning um að gera
hlutina betur.“
Markaðurinn vill MSG
„Við höfum verið að reyna að eyða
þessu MSG­kryddi en svör mark­
aðarins hafa ekki verið í samræmi
við það sem við höfum haldið,“ seg­
ir Kári. Hann nefnir sem dæmi að
þegar kryddi hafi verið breytt og
MSG fjarlægt úr því hafi sala á þeim
hríðfallið. Bendir hann á að vinsæl­
ustu erlendu kryddtegundirnar á
Íslandi innihaldi allar MSG. n
mikael@dv.is
Mistök við prentun Hamborgarakryddið
var merkt þannig að það væri án MSG. Við
nánari athugun kom í ljós að það inniheldur
E621 sem er einmitt hið svokallaða þriðja
krydd. Um mannleg mistök í prentsmiðju var
að ræða og hefur Vilko, sem framleiðir Prima-
krydd, gripið til aðgerða. Mynd SaMSeTT/aðSend
„Landslið íslenskra
kreditkorthafa“
Missti af
leiknum Ólafur
er verulega ósáttur
við að þurfa að eiga
kreditkort til að
kaupa sér miða á
landsleiki Íslands
vegna þess að KSÍ
noti Miði.is til að
selja miða í forsölu.
Mynd ÞoRMaR ViGniR
GunnaRSSon
aldrei verið vandamál Þórir Hákonar-
son, framkvæmdastjóri KSÍ, segir að það
hafi aldrei verið vandamál fyrir fatlaða að
fá miða og að reynt sé að aðstoða alla sem
lenda í erfiðleikum með það. Miðasölukerfi
Miði.is bjóði hins vegar ekki upp á annan
greiðslumáta en kreditkort.
Missti af leiknum Kolbeinn Sigþórsson
skoraði eitt marka Íslands í 3-0 sigri á Tyrk-
landi. Frækilegur sigur sem Ólafur missti af
vegna þess að hann á ekki kreditkort.