Dagblaðið Vísir - DV - 11.07.2014, Page 20

Helgarblað 11.–14. júlí 201420 Fréttir
„Hann var einn af
þeim flottustu“
n Fjölskylda og vinir syrgja Andra Frey sem lést í slysi á Spáni n Lýsa honum sem góðum og metnaðarfullum dreng
H
ann var svo hlýr og ljúf-
ur,“ segir Harpa Bryndís
Brynjarsdóttir, móðir Andra
Freys Sveinssonar, unga
piltsins sem lést í skelfi-
legu slysi í rússíbana í Terra Mítica-
skemmtigarðinum á Benidorm á
Spáni hinn 7. júlí síðastliðinn. Andri
Freyr var staddur á Spáni með fjöl-
skyldu sinni, föður, stjúpmóður og
systkinum, og hugðist vera þar í
rúmar þrjár vikur í viðbót. Þau höfðu
öll farið í dagsferð í skemmtigarðinn
og höfðu varið deginum þar þegar
Andri Freyr, systir hans og vinur
Andra fóru í vinsæla rússíbanann In-
ferno. Við lok rússíbanaferðarinnar
bilaði öryggisbúnaður með þeim af-
leiðingum að Andri Freyr féll fimmt-
án metra. Hann lést stuttu síðar.
Fjölskylda Andra og vinir syrgja
ljúfan dreng og góðan félaga sem
vildi öllum vel, var metnaðarfullur
og ábyrgur. Málið hefur tekið mjög
á fjölskylduna alla, þá sérstaklega
systkini Andra Freys og stjúpsystk-
ini hans. „Við erum bara að reyna
að halda utan um þetta allt,“ seg-
ir Harpa sem gaf sér tíma til þess að
ræða við blaðamann á fimmtudag.
Síðustu dagar hafa verið afar anna-
samir og flóknir enda að mörgu að
huga. „Við viljum fara að fá drenginn
okkar heim,“ segir Harpa.
Metnaðarfullur tölvukarl
Andri Freyr var átján ára gamall og
stundaði nám við Tækniskólann í
Reykjavík á tölvubraut. Hann bjó hjá
móður sinni ásamt systkinum sín-
um og stjúpföður í Seljahverfinu í
Reykjavík.
Hann var afar metnaðarfullur og
stefndi á að ná góðum tökum á tölv-
unarfræði. Andri Freyr hafði mik-
inn áhuga á tölvum og reyndist fjöl-
skyldu og vinum vel þegar eitthvað
bjátaði á í tæknimálum. „Hann var
svo ótrúlega flinkur. Hann ætlaði
að verða eldklár tölvunarfræðingur
í framtíðinni,“ segir Harpa. „Hann
hafði svo mikinn metnað fyrir þessu.
Hann vildi afla sér þekkingar svo
hann gæti skarað fram úr. Þannig tók
hann á öllum málum.“ Harpa seg-
ir Andra Frey hafa verið mikið að
grúska og var hann mjög staðfastur
að ná markmiðum sínum.
„Hann var svo mikill tölvukarl
og var mikið í því. Hann var bæði
að leika sér í tölvunni en líka að æfa
sig. Maður leitaði til hans með öll
vandamál. Hann var líka duglegur að
kenna sjálfum sér,“ segir hún.
Treystu honum hundrað prósent
Andri Freyr var góður bróðir, hlý-
legur og ábyrgðarfullur. „Maður veit
eiginlega ekki hvar maður á að byrja
að lýsa svona ofboðslega jákvæð-
um og björtum dreng. Hann hef-
ur alltaf verið svoleiðis, bara frá því
að hann var ungbarn. Maður finn-
ur aldrei neinn sem gæti sagt um
hann eitt einasta styggðaryrði,“ segir
Harpa um drenginn sinn. „Hann var
einstaklega hlýr og góður við öll sín
systkini. Maður gat alltaf treyst hon-
um hundrað prósent fyrir öllu,“ seg-
ir hún. „Það var svo margt gott að ég
kem því varla í orð. Jákvæður, dug-
legur, hjartahlýr – hann var með svo
ofboðslega stórt og fallegt hjarta.“
Harpa segir það hafa sérstaklega
sýnt sig í því hvað hann var góður við
fjölskylduna sína og sótti í að vera með
þeim. „Hann var mikið fyrir að vera
hérna heima og vera með okkur. Hon-
um fannst það svo gott. Hann vildi vera
með fjölskyldunni sinni,“ segir hún.
Þau fjölskyldan nota líka tím-
ann mikið til þess að vera saman
og leggja áherslu á góða samveru.
„Okkur finnst gaman að fara í veiði-
ferðir og útilegur. Andri kom eigin-
lega alltaf með. Hann hafði mikinn
metnað í öllu sem hann tók sér fyr-
ir hendur og það var ekkert minna
í veiðinni,“ segir hún. „Hann vildi
veiða mest og best. Standa sig best
og metnaðurinn var mikill. Hann var
svo duglegur.“
Andri vildi alltaf vera með í öllum
ferðum. „Við reynum að gera eins
mikið af því og við getum.“
Einn af þeim flottustu
„Ég á hérna einn lítinn tveggja og
hálfs árs gamlan dreng. Þeir bræð-
urnir voru alveg óaðskiljanleg-
ir. Andri Freyr kenndi honum svo
margt,“ segir hún. „Þeir brölluðu svo
margt saman. Sá litli vildi alltaf vera
með honum og hann var svo góður
við litla bróður sinn,“ segir Harpa.
„Hann sinnti honum vel og mikið.
Hann var svo barngóður,“ segir hún.
Þau foreldrarnir treystu Andra
Frey vel og vissu að ef honum var
treyst fyrir verkefnum leysti hann
þau vel af hendi. „Við gátum alltaf
treyst honum fyrir öllu svona. Hann
passaði systkini sín oft og maður
hafði aldrei áhyggjur. Hann hugsaði
um allt,“ segir hún. „Hann var einn
af þeim flottustu. Einstaklega vel
heppnaður. Hann hafði mikla rétt-
lætiskennd og mátti aldrei vita af
neinum í vanda. Þá var hann boðinn
og búinn að hlaupa til og aðstoða.“
Ljúfur félagi
„Hann var einhver sá mesti ljúfling-
ur sem ég hef kynnst,“ segir félagi og
fyrrverandi samstarfsmaður Andra
Freys. „Mér fannst hann skemmti-
legur og frábær strákur. Það var gott
að vinna með honum.“ Andri Freyr
vann meðal annars í Bónus um tíma
þar sem hann var vel liðinn og svo
undanfarið í Krónunni.
„Mér þótti hann alveg frábær. Það
var svo óraunverulegt að heyra að
hann væri látinn,“ segir annar félagi
hans sem bendir á hversu mikinn
áhuga hann hafði á tölvum.
„Hann var mjög einbeittur og
hafði áhuga á því að starfa í þess-
um heimi, þessum tölvuheimi,“ seg-
ir hann.
Engin ákvörðun um skaðabætur
Harpa, móðir Andra Freys, segir
það rangt að fjölskyldan hafi tekið
nokkra ákvörðun varðandi skaða-
bætur eða hvort þau höfði einka-
mál á hendur forsvarsmönnum
skemmtigarðsins. „Eiginlega all-
ar fréttirnar hafa verið rangar,“ seg-
ir Harpa og segir að í spænskum
fjölmiðlum sé sérstaklega mikið
um rangan fréttaflutning. Hið rétta
er að faðir Andra Freys hafði þurft
að undirrita skjöl tengd flutningi á
Andra heim. Ekkert annað var rætt.
Íslenskir fjölmiðlar sem og
spænskir greindu frá því að rann-
sóknardómari hefði staðfest það við
fjölmiðla að þau hefðu mætt fyrir rétt
og staðfest að þau hygðust sækjast
eftir skaðabótum. „Við höfum engar
ákvarðanir tekið tengdar þessu. Þetta
er ekki eitthvað sem við höfum einu
sinni byrjað að ræða,“ segir Harpa og
segir álagið af röngum fréttaflutningi
vera þeim mjög þungbært. „Ég er
hætt að lesa þetta,“ segir hún.
Sat aftast
Á miðvikudag sendi fjölskyld-
an því frá sér yfirlýsingu og vildi
árétta nokkur atriði. Þar kom fram
að Andri Freyr ásamt föður hans,
stjúpmóður og stjúpsystkinum,
ætluðu að vera á Spáni í 28 daga.
Stefnt var á skemmtilegt sumar-
frí og stefndi fjölskyldan því á Spán
eins og svo margir aðrir Íslendingar.
Benidorm er einn vinsælasti sum-
arleyfisstaður Íslendinga en sem
kunnugt er hefur Spánn verið sér-
staklega vinsæll áfangastaður nú
í sumar. Fjölskyldan hafði ver-
ið á Spáni í viku þegar ákveðið var
að fara í vinsælan og fjölsóttan
skemmtigarð, Terra Mítica, sem er
ekki langt frá Benidorm.
„Á sjöunda degi var farið í
skemmtigarðinn Terra Mítica rétt
hjá Benidorm og var öll fjölskyld-
an búin að eyða deginum í garðin-
um,“ segir í yfirlýsingunni. Slysið
varð síðdegis þegar Andri Freyr fór
í rússíbanann Inferno. Andri sat aft-
ast í tækinu ásamt vini sínum og
yngri systur sinni. „Í lok ferðar, í ca
15 metra hæð, gefa sig öll öryggis-
Ásta Sigrún Magnúsdóttir
astasigrun@dv.is
„Hann var
einhver
sá mesti ljúf-
lingur sem ég
hef kynnst
Andri Freyr
Sveinsson
F. 02.04. 1996 D. 07.07. 2014
Bjartur og jákvæður
Vinir hans og fjölskylda
segja hann hafa verið
bjartan og góðan ljúfling
sem vildi allt fyrir alla gera.
Mynd Úr EinkaSafni