Náttúrufræðingurinn - 2009, Page 5

5
Tímarit Hins íslenska náttúrufræðifélags
Freysteinn Sigurðsson
jarðfræðingur
Minningarorð
Freysteinn Sigurðsson, jarðfræðingur á Orkustofnun,
lést 29. desember 2008 eftir stranga baráttu við
krabbamein, 67 ára að aldri. Hann var einn helsti
forystumaður íslenskra náttúrufræðinga um árabil,
stóð í fararbroddi í félagsmálum þeirra og var
heiðursfélagi í Hinu íslenska náttúrufræðifélagi.
Freysteinn var fæddur 4. júní 1941 á Reykjum í
Lundarreykjadal og ólst þar upp. Foreldrar hans
voru Sigurður Ásgeirsson garðyrkjubóndi þar og
kona hans Valgerður Magnúsdóttir kennari.
Freysteinn lauk stúdentsprófi frá Laugarvatni
1959, þá nýorðinn 18 ára. Strax um haustið hélt
hann til Þýskalands og hóf nám í jarðeðlisfræði við
háskólann í Mainz (Johannes Gutenberg Universität).
Þar var hann til 1963, ekki samfellt þó því árið 1961
lenti hann í alvarlegu slysi sem setti verulegt strik í
námsferilinn. Á árunum 1965–1975 stundaði hann
svo jarðfræðinám við háskólann í Kiel (Christian
Albrechts Universität) og lauk þaðan Diploma-prófi
í jarðvísindum.
Freysteinn Sigurðsson starfaði hjá Raforku-
málastjóra og á Orkustofnun í áratugi. Strax árið
1958 var hann ráðinn sem aðstoðarmaður við mæl-
ingar og þar er líklegt að áhugi hans á jarðfræðum
hafi kviknað. Á háskólaárunum var hann áfram
sumarmaður við jarðhitarannsóknir og mælingar
ár eftir ár og strax að námi loknu 1975 var hann
ráðinn sem fastur starfsmaður á Orkustofnun. Þá