Gerðir kirkjuþings - 1989, Qupperneq 28

námsstjórum en fleiri hafa ekki svarað fyrirspurn
Kirkjuráðs. En þakka ber þeim, sem hafa svarað og
benda upplýsingar þeirra til, að námsskrá sé vel
fylgt í þeirra umdæmum. ítrekuð verður beiðni til
annarra námsst jóra og þeim send greinargerð þeirra
Guðmundar Magnússonar og Guðmundar Inga
Leifssonar.
Álit fræðslustjóra fylgir á sérstöku þingskjali.
23. mál. Stefnumörkun varðandi kirkjueignir.
Kirkjuþing leit svo á, að málinu hafi aðeins verið
frestað þar til kirkjueignanefnd hefur lokið störfum.
(sjá skýrslu frá 1984)
Ég lýk þessari skýrslu með skírskotun til upphafs, þar sem
mannaskipti hafa orðið í forsæti Kirkjuráðs. Vona ég, að
framangreint gefi engu að siður gott yfirlit yfir gjörðir
Kirkjuráðs eins og þær tengjast samþykktum Kirkjuþings.
Þakka ég kirkjuráðsmönnum og starfsfólki Biskupsstofu og öðrum
þeim, sem leitað hefur verið til og starfað með. Fel ég Guði
störf okkar, hvar sem þau eru unnin, að þar megi allt vera honum
til dýrðar gjört og okkur öllum til heilla.
2. Umræða
Nefndarálit allsherjarnefndar
um skýrslu Kirkiuráðs
Frsm. dr. Gunnar Kristjánsson
Samkvæmt venju var skýrslu Kirkjuráðs visað til allsherjar-
nefndar. Nefndin fjallaði um skýrsluna á nokkrum fundum og verður
hér skýrt frá athugasemdum hennar. Nefndin telur skýrsluna í
heild itarlega og greinargóða. Til umfjöllunar hennar komu enn
fremur ýmsar aðrar skýrslur sem borist hafa til biskups og
kirkjuráðs og lagðar voru fram á Kirkjuþingi til kynningar. Er
iðulega visað til þeirra skýrslna í skýrslu kirkjuráðs en
eðlilega fá þær sjálfstæða meðferð á vegum nefndarinnar eða
annarra nefnda.
Mestar umræður i nefndinni urðu um 6. oq 7. mál siðasta
kirkjuþings, þ.e.a.s. um afgreiðslu kirkjuráðs á frumvarpi til
laga um skipan prestakalla og prófastsdæma og um starfsmenn
Þjóðkirkju íslands.
Meirihluti nefndarinnar samþykkti eftirfarandi:
25