Gerðir kirkjuþings - 1989, Page 119

Úr bréfi Kirkjulistarnefndar til biskups 10.jan.89.
1 bréfi sem Kirkjulistarnefnd sendi biskupi 10. jan. 1989
óskar hún eftir fundi með honum til þess að ræða þau mál
sem fjallað er um í bréfinu. 1 því segir m.a.:
"Á fundi kirkjulistarnefndar þjóðkirkjunnar var gerð
eftirfarandi bókun 5. des. s.l.:
1. [óskað er eftir að ræða um] starfsaðstöðu nefndarinnar,
m.a. hefur nefndin þörf fyrir aðgang að ritara.
2. Fjárhagsmál hennar [þarf einnig að ræða], einkum hvað
varðar þjónustu við sóknir fjarri Reykjavík svo og
kostnaðarsöm verkefni fyrir söfnuði. Samkvæmt ákvörðun
kirkjuráðs á aðalfundi þess í febrúar 1984 segir að þeir
sem kalli nefndina til starfa verði að standa straum af
kostnaði við ráðgjöf o.fl. Þetta telur nefndin að
endurskoða þurfi. í þessu sama bréfi segir að nefndin
skuli leyst undan þriðju grein erindisbréf síns "um
stundarsakir". En þar er rætt um að hún eigi að afla
upplýsinga um íslenskar kirkjur, byggingu og búnað og
færa til heimildar ný aðföng í búnaði þeirra. Nefndin
óskar eftir að fá að vita hvort hún skuli enn um sinn
vera undanþegin þessari grein erindisbréfsins.
3. 1 annarri grein erindisbréfs nefndarinnar frá 22.3. 1982
segir: "Kirkjulistarnefnd á aðild að kirkjubyggingarnefnd
þjóðkirkjunnar er skv. lögum (þ.e.a.s. nú [1982] aðeins
frumvarpi að lögum) skal fjalla um "byggingu, endurbygg-
ingu eða stækkun kirkju" (13.gr). Hvað líður framkvæmd
þessa ákvæðis erindisbréfsins?
4. Tengsl nefndarinnar við sóknarnefndir; vekja þarf athygli
á starfi hennar og þeirri þjónustu sem henni er ætlað að
veita.
3. Leiðarrit um búnað og gerð kirkna er mikið áhugamál
nefndarinnar. Með slíku riti telur hún að unnt verði að
vekja athygli á því hversu mikilvægt er að standa vel og
rétt að búnaði og gerð kirkna auk margra annarra atriða
sem nefndin hefur lýst í hugmynd sinni um slíkt rit á
sínum tíma. Hugmynd nefndarinnar um leiðarritið hefur
verið til umfjöllunar á kirkjuþingum 1987 og 88.
6. Listráðgjafi kirkjunnar. Nefndin telur að þessu máli
verði að fylgja eftir. Það er reynsla nefndarmann að þörf
sé á slíkum ráðgjafa. Kirkjuþing fjallaði um listráðgjafa
1987 og 88 og er málið nú hjá kirkjuráði til frekari
afgreiðslu.
7. Nefndin telur þörf á því að geta sótt ráðstefnur um
kirkjulist og búnað og gerð kirkna almennt erlendis....".
116