Gerðir kirkjuþings - 1989, Page 122

Skýrsla nefndar um safnaðaruppbYqginqu
Með bréfi dags. 7. janúar 1988 skipaði Kirkjuráð eftirtalda i
nefnd til þess að vinna í samræmi við samþykkt 18. Kirkjuþings
árið 1987 að safnaðaruppbyggingu: Ragnheiði Sverrisdóttur,
djákna, séra Örn Bárð Jónsson og dr. Gunnar Kristjánsson, sem
er formaður nefndarinnar.
18. Kirkjuþing ályktaði um stofnun nefndarinnar og starf hennar
á þessa leið:
"18. Kirkjuþing 1987 beinir þeim tilmælum til biskups og
Kirkjuráðs að skipa þriggja manna nefnd, sem hafi það endanlega
markmið að gera áætlun um safnaðaruppbyggingu og eflingu kirkju-
legs starfs almennt.
Áður en til raunverulegrar áætlunargerðar kemur, skal nefndin
afla frumgagna, sem verði grundvöllur fyrir áætlanagerðinni. í
þvi skyni skal nefndin láta framkvæma könnun á kirkjusókn i
kirkjum landsins og starfsemi safnaðanna.
Nefndin skal í upphafi gera kostnaðaráætlun er lögð verði fyrir
Kirkjuráð og framkvæmdir verði í samráði við það og fjármögnun
hverju sinni.
Nefndin skal hafa samráð við undirbúningsnefnd varðandi 1000 ára
afmæli kristnitöku á íslandi. Skal að því stefnt að verkefnið
tengist kristnitökuafmælinu.
Nefndin kveðji sér til ráðuneytis sérhæfða aðila, sbr. þó
kostnaðaráætlun.
Nefndin gefi Kirkjuþingi skýrslu um stöðu mála i síðasta lagi
1989."
Á 19. Kirkjuþingi lagði nefndin fram ályktunartillögu (4. mál)
um safnaðaruppbyggingu að ósk biskups - ári fyrr en gert var ráð
fyrir i upphaflegu samþykktinni. Var sú tillaga felld og óskað
eftir þvi að nefndin starfaði áfram i eitt ár eins og upphaflega
var ætlast til.
Var afgreiðsla Kirkjuþings þannig:
"19. Kirkjuþing 1988 leggur til að nefnd sú, sem Kirkjuráð
skipaði í samræmi við 7. mál Kirkjuþings 1987, starfi áfram og
skili ítarlegu áliti og tillögum um safnaðaruppbyggingu og
almennt kirkjulegt starf á Kirkjuþingi 1989. í áliti nefndarinnar
komi fram: Tillaga (model) um skipulega tilraun i nokkrum ólíkum
söfnuðum um markvissa safnaðaruppbyggingu. Að tilraun lokinni
verði niðurstöður hennar dregnar saman og gefnar út til athugunar
og umræðu í söfnuðum landsins. Kirkjuþing vísar að öðru leyti til
samþykktar sinnar frá árinu 1987."
119