Són - 01.01.2008, Side 27

LIST Í LOKRUM 27
þó birst á stangli í tengslum við umfjöllun eða rannsóknir. Nýlegt
dæmi um slíkt er að Sverrir Tómasson birtir þrjár vísur úr rímunum
í grein frá 1996.5 Fróðlegt er að bera útgáfu hans á vísu sem vitnað
var til hér að framan saman við útgáfur Finns Jónssonar. Í tíundu vísu
annarrar rímu er Skrými jötni lýst.
FJ 1896:3
Bjargi líkt var Bauga nef
bjúgt sem hornið hrúta,
furðu-lángt bar fúlan þef
úr fylki hellis-skúta.
FJ 1905–1912:295
Bjarge likt var Bauga nef,
bivgt sem hornnit hrvta;
furduligan bar fulan þef
ur fyl ke hellis skuta.
ST 1996:31
Bjargi líkt var Bauga nef
bjúgt sem hornið hrúta;
furðuligan bar fúlan þef
er fyki í hellis skúta.
Finnur leiðréttir textann minna í seinni útgáfu sinni en hinni fyrri og
Sverrir leiðréttir hann ekki neitt. Þetta er mjög í samræmi við breytta
stefnu í útgáfum en í seinni tíð hafa menn heldur glatað trúnni á djarf-
ar leiðréttingar og leyfa fremur ýmsu að standa sem ekki er augljóst
hvernig megi fá góða merkingu úr. Sá er þetta ritar er ekki ósnortinn
af þessari stefnu.
Rannsóknarsaga
Eins og rakið var í kaflanum hér að framan voru Lokrur gefnar út í
ljósprentaðri útgáfu, í stafréttri útgáfu og í útgáfu með samræmdri
stafsetningu þegar fyrir miðja síðustu öld. Þær hafa því verið lengur
og betur aðgengilegar til rannsókna en flestar íslenskar miðaldarímur.
Því miður hafa þær ekki að sama skapi mikið verið rannsakaðar.
5 Vésteinn Ólason birtir aðrar þrjár vísur í enn nýrri grein (1999:224).