Són - 01.01.2008, Side 94

KENDRA J. WILLSON94
In the room the women come and go
Talking of Michelangelo.
verður á íslensku41
Í stofunni koma frúrnar og fara, og þó
fjasa þær allar um Michelangelo.
Hér verður hið hlutlausa og einfalda „talking“ að „fjasa“ (sem Sverrir
og félagar þýða sem „chatter away“)42 sakir ljóðstafa en orðið er ekki
alveg í samræmi við þá mynd sem setningin kallar fram í huga þessa
lesanda. Í frumtextanum er rímið eins og tilviljunarkennt og svolítið
fyndið einkum þar sem „Michelangelo“ tilheyrir allt öðru sviði en
þau einföldu og hversdagslegu orð sem koma á undan. Orðið „þó“ í
þýðingunni er greinilega til staðar eingöngu vegna rímsins. Merking-
in líður stundum fyrir það þegar Sverrir ákveður að ríma og stuðla,
eins og í dæmum úr Eyðilandinu sem rædd eru að ofan.
Tilraun Sverris til að endurgera „hálfform“ ljóðsins er aðdáunar-
verð og athyglisverð frá sjónarhorni þróunar ljóðlistar á Íslandi. Það
var löngu orðið tímabært að fá Eyðilandið á íslensku og Sverrir á hrós
skilið fyrir að hafa komist í gegnum allt kvæðið og skilað því svo
sæmilega. Eliot gagnrýndi skáldið Matthew Arnold fyrir að skorta
„auditory imagination“43 en fáir búa yfir jafn miklu hljóðrænu hug-
myndaflugi og Eliot sjálfur. Þýðanda má ekki lasta þótt honum hafi
ekki alveg tekist það ógerningsverk að endurskapa ólýsanlega, gáska-
fulla lipurð frumtextans.
HEIMILDIR
Barry, M. Martin. 1969. An analysis of the prosodic structure of selected poems of
T.S. Eliot. The Catholic University of America Press, Washington.
Bäckman, Sven. 1993. „The metres in T.S. Eliot’s early poetry.“ Metrik
och modernism. Rapport från Tredje nordiska metrikkonferensen på Hana-
holmens kulturcentrum den 10–12 oktober 1991:181–192. Redigerad av
41 Eliot (1991:429).
42 Sverrir Hólmarsson, Christopher Sanders og John Tucker (1989).
43 Bäckman (1993:182).