Són - 01.01.2008, Síða 134

HELGA BIRGISDÓTTIR134
og reykja þig
upp til agna
jafnvel þó
þú étir mig að innan
og ég hafi fengið ítarlega
fræðslu um það
hversu skaðlegur þú sért mér
Líkt og í Blysförum er ástin einmanaleg, þrúgandi og sár. Ljóðin eru
flest stutt og bera enga yfirskrift og fanga lesandann, þótt þar sé ekki
á ferðinni jafn leikið skáld og Sigurbjörg.
Önnur bók, myrk og drungaleg, þar sem tekist er á við ástina og alls
kyns drauga er Í felum bak við gluggatjöldin eftir Þórdísi Björnsdóttur.
Þetta er mikil stemningabók og eru ljóðin ansi mögnuð, eins og sjá má
í ljóði sem fjallar um ástina sem hvarf í sumarhitanum en þar segir:25
Ég klemmi saman augun,
sé hana fyrir mér með eld í hárinu
þar sem hún situr og strýkur mér
svo blíðlega um vangann.
„Og mundu bara að opna ekki augun
því annars geta þeir blindað þig,
annars geta þeir blindað þig, elskan mín,“
sagði hún í eyra mitt hvíslandi
áður en hún hvarf.
Ástin virðist skeinuhætt í ljóðum skálda ársins 2007. Í Höggstað Gerðar
Kristnýjar eru ekki aðeins ísköld náttúruljóð heldur einnig hjarta-
skerandi ljóð um ást og sorgir. Þarna er á ferðinni nístandi sorg sem
kallast á við ískaldar náttúrustemningarnar. Þetta á m.a. við um ljóðin
„Nótt“26 þar sem ljóðmælandi sekkur „um þúsund faðma / án þess að
nokkur þeirra / nái á mér taki“ og „Brottför“27 þar sem flugvélin bíður
flugtaks og sú sem talar finnur að „flugbeittir hreyflarnir / eru komn-
ir inn að hjarta“ hennar. Öflugastar eru samt myndirnar í titilljóði
bókarinnar28 þar sem ljóðmælandi hyggst hefna þess sem eyðir því
25 Þórdís Björnsdóttir (2007:16).
26 Gerður Kristný (2007:13).
27 Gerður Kristný (2007:23).
28 Gerður Kristný (2007:21).