Són - 01.01.2008, Blaðsíða 144

HELGA BIRGISDÓTTIR144
Gerður yrkir þó einnig um nútímalegri persónur eins og Helga tattú
og Önnu á efri hæðinni. Hún tekur einnig upp yrkisefni úr fyrri
bókum, kötturinn hennar, sem er lifandi í Launkona, er til dæmis dáinn
í Höggstað og Gerður lætur svæfa hann.
Í gullfallegu ljóði, „Dauðastríði Egils“60 bregður Gerður Kristný
nýju ljósi á þekkta sögu og spyr „[á]tti hún ekki alltaf / inni hjá þér
ljóð?“ Í ljóðinu „Hallgerður í Laugarnesi“ talar Gerður Kristný til
allra kvenna, þá og nú:61
Þögnin svo römm
að hún umlukti
allar sem á eftir komu
Þær sem reyndu að
rjúfa hana
fundu vangann
loga af skömm
Jónas Hallgrímsson fær líka sinn skerf og reikar hann óstyrkum fót-
um upp stigann og fólkið í húsinu biður um „að nú verði ekki sung-
ið“62 en daginn eftir eru hrafnar á þakinu og skáldið hefur sungið sitt
síðasta.
Það er ekki bara Gerður Kristný sem minnist Jónasar á afmælisári
hans. Það gerir t.d. Aðalsteinn Ásberg líka í „Heilsaðu einkum“ þar
sem langt er síðan ljóðmælandi heimsótti sumardalinn og skúfurinn er
geymdur á skúffubotni. Bókin Í sumardal er öll helguð skáldinu góða
og ljóðin ort af átta skáldkonum undir handleiðslu Þórðar Helga-
sonar. Kvæðin eru tilbrigði við stef úr ljóðum og ævi Jónasar og eru
ljóðin jafn ólík að efni og gæðum og skáldin eru mörg. Mörg ljóðanna
eru ort eftir háttum sem Jónas notaði og hugmyndir hans eru
útvíkkaðar á skemmtilegan hátt, t.d. í ljóði Heiðar Gestsdóttur
þar sem ljóðmælanda eru greiddir lokkar við Galtará og eins og
Gerður Kristný yrkir Heiður líka um „ferðalok“ Jónasar þar sem
hann hrasar í stiga „og til bjargar / ekkert / hrjáðri sál“.63 Skáldkon-
urnar brjóta líka niður helgimyndina, stundum á ansi skemmtilegan
60 Gerður Kristný (2007:27).
61 Gerður Kristný (2007:20).
62 Gerður Kristný (2007:25).
63 Í sumardal (2007:10).