Glóðafeykir - 01.12.1970, Blaðsíða 11
GLÓÐAFEYKIR
11
í fundarlok færði fundarstjóri Birni í Framnesi einlægar þakkir
fyrir mikil og farsæl störf í þágu Kaupfél. Skagfirðinga — og sleit
fundi að því búnu.
TILLÖGUR
Rdðstöfun á tekjuafgangi. (Stjórn K.S.).
Lagt í varasjóð ................................ kr. 900.000,00
Lagt í stofnsjóð félagsmanna,
í hlutfalli við ágóðaskyld viðskipti.............. — 2.400.000,00
Lagt í Menningarsjóð K.S.......................... — 50.000,00
Lagt í Ferðasjóð félagsmanna...................... — 250.000,00
Eftirstöðvar yfirf. til næsta árs................. — 2.827,59
Samtals kr. 3.602.827,59
Náttúruvernd. (Egill Bjarnason).
I tilefni af því, að nú er í undirbúningi stofnun samtaka um nátt-
úruvernd á Norðurlandi, vil ég undirritaður beina þeirri ósk til
Kaupfélags Skagfirðinga, að það gerist styrktaraðili að þessum vænt-
anlegu samtökum og leggi til þeirra 10 þús. kr. í ár.
Iðnaður (Allsherjarnefnd).
Með tilliti til aðildar íslands að EFTA og fyrirhugaðrar uppbygg-
ingar íslenzks iðnaðar í því sambandi, felur aðalfundur K.S., haldinn
á Sauðárkróki 4.-5. maí 1970, stjórn K.S. að láta fara fram athugun
á því, hvort möguleikar væru á að staðsetja slík fyrirtæki hér á Sauð-
árkróki.
Æskilegt væri að samstarf gæti tekizt um þetta við SÍS, og þá einn-
ig hvaða nýjar iðngreinar kæmu frekast til álita.
Frœðslustarfsemi. (Ingimar Bogason).
Aðalfundur K.S., haldinn í Bifröst á Sauðárkróki dagana 4. og 5.
maí 1970, samþykkir að leggja til að stjórn og framkvæmdastjóri
vinni að því í samráði við stjórn SÍS, að hér á félagssvæði K.S. verði
árlega tekin upp fræðslustarfsemi í formi fyrirlestra eða stuttra nám-
skeiða til að kynna og efla samvinnuhugsjónina og samvinnumál.
Ætti slík starfsemi að geta vakið áhuga ungs fólks og hvatt það til
starfa, og endurlífgað að nokkru hinn forna eld samvinnustefnunn-
ar í formi framtaks 02; nvrra dáða.