Glóðafeykir - 01.12.1970, Blaðsíða 49
GLÓÐAFEYKIR
49
Anna Egilsdóttir var mikilhæf kona og mjög vel gefin, sem hún og
átti kyn til. Hún var léttlynd, glöð og kát, hvernig sem á stóð. Má
þó nærri um það fara, að ósjaldan hafi á henni hvílt áhyggjur eigi
léttar, því að stundum gat jafnvel brugðið til beggja vona, að takast
mundi að seðja marga munna. En því fór fjarri, að Anna léti nokkru
sinni bugast. Og þrátt fyrir amstur og erfiðleika, sem oftast eru fylgi-
samir fátækt og basli, skilaði hún miklu og góðu dagsverki.
Björn Jónasson, bóndi á Syðri-Brekkum í Blönduhlíð, lézt þ. 3.
apríl 1959. Fæddur var hann að Enni í Viðvíkursveit 26. ágúst 1890.
Foreldrar: Jónas, trésmíðameistari og bóndi á Syðri-Brekkum Jóns-
son, bónda í Minniakragerði og Grundar-
koti í Blönduhlíð, svarfdælskrar ættar, og
kona hans Pálína Guðný ljósmóðir Björns-
dóttir bónda á Hofsstöðum, Péturssonar
bónda þar, Jónssonar, og fyrri konu hans
Margrétar Pálsdóttur hreppstjóra á Syðri-
Brekkum, Þórðarsonar.
Fimm ára gamall flyzt Björn með foreldr-
um sínum að Syðri-Brekkum og á þar heima
alla ævi síðan. Áttu foreldrar hans við fátækt
að búa framan af árum, en úr því rættist vel
er börnin 6 uxu upp, öll bt'iin miklu at-
gervi. Tvítugur að aldri hóf Björn búsýslu
með móður sinni og síðan systur. Bjuggu þau meðan honum entist
ævin í sambýli við bróður sinn og mág. Var heimilisbragur á Brekk-
um jafnan þvílíkur sem þar væru allir ein fjölskylda, þótt þríbýli
væri.
Björn á Brekkum var í hærra lagi, þrekvaxinn og burðamaður
slíkur, að enginn vissi honum verða aflfátt. Hafði hann, sem og þeir
bræður allir, hið mesta yndi af öllum þrekraunum.Voru þá átök
stór, er þeir bræður þreyttu afl í æsku — og ekki um fengizt, þótt
stundum kynni að kárna um þiljur í gömlu baðstofunni á Brekk-
um. Fara margar sögur af aflraunum Björns og afrekum. Eitt sinn
lék hann það, löngu fulltíða maður, að tæpa gómum undir laggir á
180 kg þungri sementstunnu, bera hana drjúgan spöl og varpa síðan
á vagn.
Björn á Syðri-Brekkum var góður bóndi og afburða verkmaður,
meðan til entist. Honum lék hvert verk í hendi, hversu torvelt sem
var. Hann var greindur vel og góðviljaður, viðræðuglaður í vina-
Björn Jónasson.