Glóðafeykir - 01.12.1970, Blaðsíða 64

64
GLÓÐAFEYKIR
Jón Þorgrímsson var lágur maður og riðvaxinn, rjóður í airdliti,
fullur að vöngum og búlduleitur nokkuð. Hann var fátækur löng-
um en komst þó furðuvel af, enda eljumaður og ótrauður til starfa.
Hann hafði sig lítt í frammi, hugsaði meira urn hitt, að sjá fjölskyldu
sinni farborða — og tókst það vel, þrátt fyrir mikla ómegð og marg-
háttað torleiði. Hann tók miklu ástfóstri við ábýlisjörð sína, Ytri-
Húsabakka, þótt hún sé miklum annmörkunr háð sakir vatnagangs
og flóðahætu, og vildi ekki þaðan víkja.
Baldvina Asgrimsdóttir, húsfr. í Ketu í Hegranesi, lézt þ. 16. maí
1960, aðeins 29 ára gömul. Hún var fædd að Syðra Mallandi á Skaga
29. apríl 1931. Voru foreldrar hennar Ásgrímur bóndi á Syðra Mal-
landi Arnason bónda þar, Magnússonar
bónda á Illugastöðum í Flókadal, Ásmunds-
sonar, og kona hans Sigríður Árnadóttir
bónda í Víkum á Skaga, Guðmundssonar
bónda þar, Bjarnasonar, og konu hans
Onnu Tómasdóttur.
Baldvina átti ekki lansa sös,u. Á öðru ári
missti hún föður sinn, ólst upp með móður
sinni heima þar á Mallandi, fluttist með
henni 1948 fram í Hegranes, er Sigríður
giftist Leó bónda Jónassyni á Svanavatni.
19 ára gömul, árið 1950, gekk hún að eiga
Ingimund Árnason í Ketu, og tóku þau
þegar við jörð og búi. Þau eignuðust tvö börn: Brynju og Árna, og
eru bæði í föðurgarði.
Framundan var heiður himinn o° sól ekki sensin í hádeoisstað.
o o o o
En allt eins og veðrabrigði verða á stundum með válegum hætti, svo
eru og mannleg örlög dularfull og torræð. Baldvina fékk aðkenn-
ingu af ólæknandi veiki. Síðustu árin fimm tók hún ekki á heilli sér,
dvaldist langdvölum á sjúkrahúsum en hvarf heim þegar af bráði
og sinnti húsmóðurstörfum fullum fetum — betur og lengur miklu
en máttur hrökk til. Jafnan var hún ljiif og glöð og sýndi mikið
æðruleysi og sálarþrek í áralöngum veikindum. Saga hennar er stntt
að vísu, allt of stutt. En það er falleg saga hamingju og harms.
Baldvina Ásgrímsdóttir var frekar há og grannvaxin, góðleg á
svip, hlý í viðmóti og hugþekk hverjum manni.
Baldvina Asgrimsdóttir.