Glóðafeykir - 01.12.1970, Blaðsíða 72
72
GLÓÐAFEYKIR
Sigurður Guðmundsson, verkam. á Sauðárkróki, andaðist 8. mai'z
1961. Hann var fæddur að Laugalandi á Þelamörk 30. maí 1873,
sonur Guðmundar Sigurðssonar og konu hans Guðnýjar Jónsdóttur;
var hann albróðir Jóns á Hofi í Vesturdal, sjá þátt hans liér að
framan.
Sigurður ólst upp á hrakhólum og mest norðan Öxnadalsheiðar.
Réðst í vistir er hann hafði aldur og burði til — og þó fyrr að vísu.
Bar hann vestur á bóginn, var vinnumaður á Frostastöðum í Blöndu-
hlíð, Bollastöðum í Blöndudal o. v. A Bollastöðum kynntist hann
Ingibjörgu Jónsdóttur frá Hóli á Skaga, systur Jóns í Lágmúla, sjá
þátt af honum í Glóðaf. 1969, 10. h. bls. 72. Bundust þau ævitryggð-
um og fylgdust að æ síðan, þótt eigi gengju þau í hjónaband. —
Framan af voru þau ýmist í vinnumennsku bæði saman eða hús-
mennsku í Lýtingsstaðahreppi og víðar, en fluttu svo til Sauðár-
króks 1910. Þar stofnuðu þau heimili, fyrst úti á Eyri en síðan í
Nýjabæ, sem margir eldri menn kannast við. Þar bjuggu þau áratugi
og þar bjó Ingibjörg eftir hann, hin frábæra atorkukona, er sá fyrir
heimilinu síðustu árin. hnigin mjög að aldri.
Af 4 börnum þeirra Sigurðar og Ingibjargar komust 3 til aldurs:
Margeir, útgerðarmaður í Njarðvíkum suður; Sigrún, lnisfr. á Siglu-
firði og Guðný, er verið hefir sjúklingur alla ævi og jafnan dvalið í
skjóli foreldra sinna. Signrður var heill og hraustur alla tíð unz hann
var lostinn slagi fyrir nokkrum árum; eftir það var hann sjúklingur
til efsta dags.
Sigurður Guðmundsson var röskur meðalmaður á velli, gildvax-
inn og vel á sig kominn; rjóður í andliti. fullur að vöngum, myndar-
maður í sjón. Hann var þrekmaður, en fór að engu óðslega. Ríklund-
aður var hann nokkuð, gleðimaður framan af ævi, hneigður til k\ eð-
skapar og söngs og hafði yndi af góðum hestum. Fátækur var hann
alla ævi, vann öðrum, meðan til entist, en átti jafnan nokkrar skepn-
ur og lét sér annt um þær. Dóttur sinni sjúkri, sem var áskapaðnr
ævilangur barndómur, sýndi hann frábært kærleiksþel og einstaka
umhyggju. Þar kom hans innri maður fegurst fram.
G. M.