Glóðafeykir - 01.12.1970, Blaðsíða 70

70
GLÓÐAFEYKIR
bráðum voða, er báti þeirra hvolfdi út með Skaga. Fyrir þetta afiek
hlaut hann hetjuverðlaun úr Carnegiesjóði.
Þorsteinn Guðmundsson, vinnum. á Víðivöllum og Úlfsstöðunr í
Blönduhlíð, lézt þ. 25. febr. 1961. Hann var fæddur á Breiðavaði í
Langadal 1. júní 1876. Foreldrar: Guðmundur bóndi og smiður í
Skagafirði víða og Húnaþingi Guðmunds-
son, Sveinssonar, og kona hans Valgerður
Ingjaldsdóttir síðast bónda á Balaskarði á
Laxárdal vestur, Þorsteinssonar.
Þorsteinn ólst upp á hrakhólum að kalla.
A fermingaraldri bar hann að Geitaskarði
í Langadal og var þar í vinnumennsku til
fullorðinsára. Þar kynntist hann Agústu
Þorkelsdóttur (sjá þátt hennar hér að fr.) og
kvæntist henni 1898. Aldamótaárið flnttust
þau að Víðivöllum og voru þar yfir 40 ár.
Þau gerðust Blöndhlíðingar í blóma lífs, og
stóðu þar djúpum rótum alla ævi.
Þorsteinn Guðmundsson var röskur meðalmaður á hæð, frekar
gvannur, liðlega vaxinn; toginleitur, svipgóður, enda geðprýðismað-
ur. Eigi var hann þrekmaður sérstakur, en gæddur þvílíku lífsfjöri
og lífshörku, áhuga og elju, að ógleymdri sívakandi vinnudyggð og
hollustu við húsbændur, að afköst hans urðu ærin og með afbrigðum
notadrjúg. Hann var þaulreyndur ferðamaður á fyrri tínra vísu,
lestamaður ágætur og hlekktist aldrei á. Síðustu árin var Þorsteinn
blindur og farlama, en naut til loka — og bæði þau hjón — góðs at-
lætis og einlægrar umhyggju þeirra Úlfsstaðahjóna, en til þeirra
fluttu þau, er þau hurfu frá Víðivöllum.
Segja má með sannindum að þau hjón, Þorsteinn og Ágústa, lrafi
verið einir hinir síðustu og dyggustu fulltrúar horfinnar stéttar, því
vistráðin hjú eru nú varla lengur til. Hafa þeirri stétt enn eigi verið
gerð þau skil né eftir hana mælt sem maklegt væri, slíka meginþýð-
ingu sem hún hafði fyrir líf og afkomu þjóðarinnar meðan hún var
og hét.
Þorsteinn var sæmdur vinnuhjúaverðlaunum Búnaðarfél. Islands.
Asgrimur Einarsson á Sauðárkróki, fyrrum bóndi og skipstjóri,
lézt þ. 6. marz 1961. Fæddur var hann á Illugastöðum í Flókadal
1. maí 1877. Var faðir hans Einar bóndi á Illugastöðum og víðar