Glóðafeykir - 01.12.1970, Blaðsíða 48

48
GLÓÐAFEYKIR
ára skeið, unz þau fluttu alfarin til Eyjafjarðar. Þau eignuðust eina
dóttur, Ingibjörgu, húsfr. á Akureyri.
Flest var vel um Ólaf Kristjánsson. Hann var góður meðalmaður
á hæð, þrekvaxinn og afrendur að afli, verkmaður ágætur og fór þó
aldrei óðslega að neinu; sá á augabragði, hversu hvert verk varð
haganlegast unnið. Hann var listasmiður, fjölhæfur og smekkvís.
Verk hans öll voru vönduð og traust. Svo var og maðurinn sjálfur.
Hann var ágætlega greindur, viðkvæmur í lund, dulur og fáskipt-
inn, þunglyndur nokkuð, þurr á manninn og kaldur jafnvel á stund-
um, en hlýr og innilegur, er brotin var brynjan. Geðríkur var hann
og þó hverjum manni stilltari, orðvar svo, að af bar, mikill alvöru-
maður. Hann var gæddur dulargáfum og vissu þó fáir, svo leynt
fór hann með. Greindur maður og gegn, sá er vel mátti vita, hafði
þau orð, að Ólafur væri meðal mestu öðlingsmanna, er hann hefði
kynnzt.
Anna Egilsdóttir, húsfr. á Sauðárkróki, lézt þ. 9. janúar 1959. Hún
var fædd 10. ágúst 1882, dóttir Egils, sjómanns á Syðra-Ósi á Höfða-
strönd, Sigvaldasonar skálds á Sjávarborg o. v., Jónssonar, og konu
hans, Ingibjargar Kristinsdóttur sjómanns
og bónda á Tjörnum í Sléttuhlíð Jónssonar.
j\nna ólst upp með foreldrum sínum á
Tjörnum í Þrastarstaðagerði á Höfðaströnd
o. v. Arið 1912 gekk htin að eiga Jón frænda
sinn Jónsson frá Fjalli í Sléttuhlíð. Dvöld-
ust þau hjónin fyrst úti í Fljótnm og síðan
á Siglufirði, unz þau fluttust til Sauðár-
króks 1922, áttu þar heima æ síðan og
bjuggu í húsi, sent kallað var „á Hesti“.
Jafnan voru þau hjón sárfátæk, enda ómegð
mikil en atvinna stopul í þann tíð, er barna-
hópurinn var að vaxa úr grasi. Mun og
stundum hafa verið þröngt í búi og ærinn hörgull á ýmsu því, sem
nú er talin sjálfsögð nauðsyn hverjum og einum.
Börn þeirra hjóna eru níu: Áslaug, húsfr. á Dalvík, Hólmfríður,
húsfr. á Sauðárkróki, Jóhannes Pétur, sjómaður í Reykjavík, Guð-
tarður, málarameistari á Akureyri, Ingibjörg, húsfr. í Hafnarfirði,
Sigvaldi, sjómaður í Reykjavík, Guðbjörg, húsfr. í Kópavogi, Marsi-
bil, húsfr. á Lambeyri í Tálknafirði og Þóra, húsfr. á Hallgilsstöðum
í Hörgárdal.