Glóðafeykir - 01.12.1970, Blaðsíða 65
GLÓÐAFEYKIR
65
Jóhanna Jóhannsdóttir í Tunguhlíð í Tvingusveit, ekkja Jóhann-
esar Sigvaldasonar (sjá þátt hans í Glóðafeyki 1968, 8. h. bls. 39),
lézt þ. 23. júlí 1960. Hún var fædd í Þorsteinsstaðakoti í Tungusveit
1. sept. 1881, dóttir Jóhanns bónda í Saurbæ
á Neðribyggð Jóhannssonar og konu hans
Þuríðar Símonardóttur (sjá enn þátt Jó-
hannesar).
Jóhanna óx upp með foreldrum sínum í
Saurbæ, elzt 9 systkina. Árið 1902 giftist
hún Jóhannesi Sigvaldasyni frá Glaumbæ
í Langadal. Dvöldust þau á ýmsum stöðum,
bæði austan Héraðsvatna og vestan, svo sem
greinir í þætti Jóhannesar. Þar eru og talin
börn þeirra hjóna, en þau eru 4. Er Sigmar
bóndi á Steinsstöðum í Tungusveit bróðir
Jóhönnu, missti konu sína, Solveigu Daní-
elsdóttur, árið 1919, gerðist Jóhanna bústýra hans og var það alla
stund unz Sigmar andaðist 3. febrúar 1933.
Jóhanna Jóhannsdóttir var í meðallagi há, andlitsfríð, mikil mynd-
arkona um alla hluti og vel verki farin. „Á það reyndi mjög er hún
stóð fyrir búi bróður síns á Steinsstöðum. Heimilið var mannmargt
og gestkvæmt mjög, því að þar þótti öllum gott að koma. Jóhanna
var trygglynd og vinföst. Hún ólst upp í fátækt og aldrei var hún
rík af veraldarauði, en auður hjartans var því meiri, hjálpsemi, góð-
vild og fórnarlund. Og sá auður þraut ekki né löngunin til að miðla
af honum svo lengi, sem lífið entist.“ (B. E.).
Ágústa Þorkelsdóttir, vk. á Úlfsstöðum í Blönduhlíð, lézt þ. 2.
sept. 1960, hálfníræð að aldri. Hún var fædd á Refsteinsstöðum í
Víðidal vestur 7. ágúst 1875, dóttir Þorkels Þorleifssonar húsmanns
þar og Magðalenu Gunnarsdóttur vinnukönu á sama bæ. Munu
ættir hennar hafa staðið í Húnaþingi.
Ágústa ólst upp á ýmsum stöðum í Húnavatnssýslu vestanverðri,
réðst síðan vinnukona að Geitaskarði í Langadal og giftist 1898 Þor-
steini Guðmundssyni, er þar var í vist. Um aldamótin fóru þau vist-
um að Víðivöllum í Blönduhlíð og voru þar áratugi. Alla stund
voru þau hjón annarra hjú, allt til hárrar elli. Unnu þau húsbænd-
um sínum af svo einstakri elju, dyggð og trúmennsku, að á orði var
haft. Þau eignuðust tvö börn: Ömui Soffíu og Svavar, og dóu bæði
upp komin.
Jóhanna Jóhannsdóttir.