Vestfirska fréttablaðið - 16.12.1986, Blaðsíða 24

24
íí
vestlirska
TTABLASID
Arna með fósturforeldrunum.
ið á markaði til að versla í mat-
inn. Þar fást ávextir og græn-
meti, fjölmargar tegundir sem
við höfum aldrei séð, einnig er
selt þar kjöt, egg, hrísgrjón og
fleira. Á svo til hverju heimili
eru hrísgrjón í mat á hverjum
degi. Þau eru soðin og síðan
hellt út í þau olíu. Olía er mjög
mikið notuð við alla matargerð,
Kartöflur eru mikið borðaðar
en lítill er kjötskammturinn og
var það örugglega 6. flokks kjöt,
það var svo seigt og skrítið að ég
varð að beita öllu afli til að geta
skorið það. I höfuðborginni á
góðum veitingastað eða hjá vel
efnuðu fólki fékk maður al-
mennilegtkjöt. Mikið er borðað
af soðnum maísstönglum, róf-
um og gulrótum, egg eru líka
vinsæl. Bananar eru ræktaðir í
stórum stíl. Það eru til sérstakir
stórir bananar, 2 tegundir, önn-
ur til að sjóða en hin til að
steikja. Þeir eru alveg óætir
hráir. Síðan eru til pínulitlir
sætir bananar, kosta þeir ca 30
aura ísl. og svo þessir sem við
þekkjum. Þarna er lítið sem
ekkert borðað af pakkamat,
dósamat eða öðrum pökkuðum
mat.
Rúmlega 1 mánuði eftir að ég
kom út veiktist ég hrikalega, var
með hausverk, magaverk og
nærri 40 stiga hita sem lækkaði
fljótt, en maginn var í rúst í
heilan mánuð og léttist ég um 7
kíló.
FÓLKIÐ OG MENNINGIN.
Fólkið í Suður-Ameríku er
brosmilt, vinalegt og forvitið og
á það við um allar stéttir þjóð-
félagsins. Það er snjallt í til-
svörum og hefur gaman af alls-
kyns uppákomum. Þjóðin
skiptist í um 6 stéttir, frá því
allra ríkasta og niður í algera
eymd.
Indíánarnir skiptast síðan í
nokkra hópa. Otavalo indíán-
amir eru þeir best stæðu, margir
þeirra selja vörur til Bandaríkj-
anna eins og maður Myriam
vinkonu minnar.
Ekki mjög langt frá Ibarra er
bærinn Otavalo en þar er einn
af frægustu mörkuðum Suður-
Ameríku. Þar fást falleg vegg-
teppi og fjöldinn allur af vefn-
aði, útsaumi, keramiki, skart-
gripum og alls kyns hlutum.
Þessi markaður er alltaf á
hverjum laugardegi frá kl. 5 um
morguninn til kl. 2 e.h. en
verðið á hlutunum hækkar eftir
því sem líða tekur á daginn.
Fólk í Ecuador byrjar daginn
snemma. Sólin kemur upp um
5.30 og þá fer fólk að fara á
fætur til að leggja af stað upp í
sveitimar til að mjólka beljurn-
ar (engar mjaltavélar) og vinna
önnur verk. Hjá efnuðum
bændum er alls staðar vinnu-
fólk. Kjör þess eru misjöfn en
yfirleitt léleg, það er kannski
smávasapeningur sem það hef-
ur í kaup á mánuði.
Vinnukonur hafa um 4000
sucrur á mánuði sem eru ca
1000 kr. ísl. Enn tíðkast að
komið sé fram við vinnufólk
eins og hunda, jafnvel lamið.
FRUMSTÆÐUR AÐBÚNAÐ-
UR
Húsin eru yfirleitt hlaðin upp
úr múrsteinum og svo er steypu
klesst utan á. Kjallarar þekkjast
ekki. í Ibarra var mikið af
glæsilegum villum, sérstaklega
smekklega innréttuðum. En þar
voru líka kofar og hrörlegar
húsalengjur þar sem fólk varð
að sofa margt saman í her-
bergjum. Sumsstaðar svaf það á
götunni og það var ekki óal-
gengt að mæta fólki sem var
með aleiguna á bakinu.
Eitt af því sem kom mér á
óvart, var það að sama hve
fólkið var ríkt, þá sá ég ekki
nema einu sinni þvottavél og
uppþvottavél sá ég aldrei. Allan
tímann sem ég dvaldi í Suður-
Ameríku þurfti ég að þvo fötin
mín upp úr hálfköldu vatni á
steinbretti úti í garði með ein-
hverjum stórum dökkbláum
sápuklumpum. Það kom fyrir
að ég þurfti að nota kalt vatn til
þess að baða mig en það var nú
sem betur fer ekki oft. Barna-
vagna sá ég aldrei því fólkið
hefur bömin sín alltaf bundin
við sig.
Fjölskyldan er mjög mikil-
vægur þáttuir í þjóðlífi Ecua-
dor. Foreldrar eru mjög ástúð-
legir við böm sín en þó er
strangur agi. Fjölskyldan er
mikið saman og unglinga-
vandamál eru ekki til. Allt til-
finningalíf er miklu þroskaðra
en þekkist hér.
HÁTÍÐ í BÆ
Hver borg eða bær í Ecuador
á sína hátíðisdaga sem standa
yfir í heila viku. Hátíðisdagar
Ibarra eru í seinustu vikunni í
september. Þá eru á götunum
allavega skrautsýningar og
dansar og tónlist er leikin á
fjölbreytt hljóðfæri. Mikið er
selt af allskyns dóti og stór
dansleikur er haldinn í lok vik-
unnar.
í febrúar er svo vatnskarni-
valið allsstaðar í Ecuador. Þá er
maður hvergi óhultur utandyra
án þess að eiga von á því að fá
vatn úr fötu yfir sig eða svo-
kallaðar vatnsbombur. Á þessu
gengur í heila viku. Stundum
getur maður orðið hoppandi
reiður yfir því að komast ekki í
næsta hús nema í bíl, en annars
getur líka verið mjög spennandi
og mjög gaman að vera í vatns-
slag með vinum sínum og sjá
hver er nú klárastur að finna og
fela vatn og komast aftan að ó-
vinunum.
1 júní eru svo sérstakir hátíð-
isdagar Indíána. Þá klæðast þeir
skrautlegum búningum og setja
sumir upp grímur. Þeir drekka
og dansa á götunum heila nótt
og spila sérstaka tónlist á gítar
og fleiri hljóðfæri. Þetta stendur
yfir í 2—3 daga og nefnist San
Juan hátíð. Fyrir utan þær há-
tíðir sem ég nefndi er alltaf
hægt að finna eitthvert tilefni til
þess að slá upp hátíð.
Skipaskoðunarvörur
í allar stærðir skipa
Frá PAINS WESSEX m.a. Línubyssur — Flot-
hausar — Handblys — Svifblys — Bjarghringsljós
— Manover-board.
Slysavarnafélag íslands notar eingöngu þ.h. vörur
fráPainsWessex.
Björgunarvesti — Björgunar-
hringir — Slökkvitæki — Dælur
alls konar — Brunaslöngur og
tengi — Siglingaljós — Radar-
speglar — Þokulúörar — Akk-
eriskeöjur — Öryggishjálmar
o.m.fl.
Björgunarnetið MARKUS
Ananaustum, Grandagarði 2, sími 28855.
REKSTRARVÖRUR FYRIR ÚTGERÐ OG FISKVINNSLU.
VINNU- OG SJÓFATNAÐUR — VERKFÆRAÚRVAL —
MÁLNING Á ALLA FLETI ÚTIJAFNTSEM INNI.